ەپيدەميالىق احۋال جاقسارسا، ءداستۇرلى وقىتۋعا كەزەڭ-كەزەڭىمەن كوشەمىز

سوڭعى جاڭارتۋ

(وزگەرتىلگەن ۋاقىتى 2 اپتا بۇرىن)

18 ءشىل. 2020 00:00
152

ەپيدەميالىق احۋال جاقسارسا، ءداستۇرلى وقىتۋعا كەزەڭ-كەزەڭىمەن كوشەمىز — بعم

ق ر ءبىلىم جانە عىلىم مينيسترلىگى ەپيدەميالىق احۋال جاقسارعان جاعدايدا ءداستۇرلى وقىتۋ فورماتىنا كەزەڭ-كەزەڭىمەن كوشەدى. بۇل تۋرالى ق ر ءبىلىم جانە عىلىم ۆيسە-مينيسترى شولپان قارينوۆا ايتىپ بەردى.

«ەڭ الدىمەن، بۇل جاعدايدا بالالار مەن پەداگوگتاردىڭ، جالپى حالىقتىڭ دەنساۋلىعىن ەسكەرۋىمىز قاجەت. ءبىلىم بەرۋ سالاسىنداعى قۇزىرلى ورگان رەتىندە مينيسترلىكتىڭ ساپالى ءبىلىم مەن بالالاردىڭ دەنساۋلىعى اراسىندا تەڭگەرىم تابۋى قاجەتتىگىن، وعان جاۋاپتى ەكەندىگىمىزدى تۇسىنەمىز. سانيتارلىق-ەپيدەميالىق احۋالعا قاراي ءار ايماقتا وقىتۋ فورماتىن اۋىستىرۋ بويىنشا شەشىم قابىلدانادى. ياعني، جالپى رەسپۋبليكا بويىنشا ورتاق ءبىر شەشىم قابىلدانبايدى. بارلىعى سانيتارلىق-ەپيدەميالىق احۋالعا بايلانىستى بولادى»، — دەدى ۆيسە-مينيستر «اتامەكەن» ۇكپ وتكىزگەن ونلاين جينالىستا.

ونىڭ ايتۋىنشا، مينيسترلىك ءداستۇرلى وقىتۋ فورماتىنا كەزەڭ-كەزەڭىمەن كوشۋ بويىنشا جوسپار ازىرلەپ قويعان.

«ەگەر سانيتارلىق جاعداي جاقسارسا، ەڭ الدىمەن 1-5 سىنىپتار وقۋ پروسەسىنە كىرىسەدى. بۇل ۋاقىتتا 6-11 سىنىپتار قاشىقتان وقىتىلادى. جاعداي تاعى جاقسارا تۇسسە، 6-11 سىنىپتار دا شتاتتىق رەجيمگە كوشىرىلەدى. مەكتەپتەردە سانيتارلىق قاۋىپسىزدىك شارالارى ساقتالادى»، — دەدى ش. قارينوۆا.