«بولاشاق» باعدارلاماسى شەڭبەرىندە 2020 جىلى وقۋعا ۇسىنىلاتىن شەتەلدىك جوو-لار ءتىزىمى بەكىتىلدى
«بولاشاق» باعدارلاماسى شەڭبەرىندە 2020 جىلى وقۋعا ۇسىنىلاتىن شەتەلدىك جوعارى وقۋ ورىندارىنىڭ ءتىزىمى بەكىتىلدى.
ق ر ءبىلىم جانە عىلىم ءمينيسترىنىڭ 2020 جىلعى 13 شىلدەدەگى № 295 بۇيرىعىمەن 2020 جىلى «بولاشاق» باعدارلاماسى شەڭبەرىندە وقۋعا ۇسىنىلاتىن شەتەلدىك جوعارى وقۋ ورىندارىنىڭ ءتىزىمى بەكىتىلدى.
«بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋدىڭ جاڭا ەرەجەلەرىنە ەنگىزىلگەن وزگەرىستەردىڭ ناتيجەسىندە شەتەلدىك جوعارى وقۋ ورىندارىنىڭ ءتىزىمى ساپالىق جانە ساندىق جاعىنان وزگەردى.
تىزىمگە QS World University Rankings، Academic Ranking of World Universities، Times Higher Education World University Rankings، the U. S. News & World Report Best Global University ranking حالىقارالىق رەيتينگتەرىنىڭ كەمىندە ەكەۋىنىڭ TOP-100-دىگىنە كىرگەن جوعارى وقۋ ورىندارى كىردى.
تىزىمگە سونىمەن قاتار، The U.S. News & World Report Best Global University Ranking باسىلىمىنىڭ نۇسقاسى بويىنشا ۇزدىك الەمدىك ۋنيۆەرسيتەتتەر رەيتينگىندە كەمىندە 65 بالل جيناعان ەكونوميكالىق ىنتىماقتاستىق جانە دامۋ ۇيىمى (ەىدۇ) ەلدەرىنىڭ جوعارى وقۋ ورىندارى ەندى.
سالىستىراتىن بولساق، 2019 جىلى ۇسىنىلعان شەتەلدىك جوعارى وقۋ ورىندارىنىڭ تىزىمىندە 537 جوعارى وقۋ ورنى بولسا، ونىڭ 20% عانا توپ-100 حالىقارالىق رەيتينگتەرىنە كىرگەن.
سوندىقتان، 2020 جىلعى تىزىمدە ەلىمىزدىڭ قاجەتتىلىكتەرىنە سايكەس باعىتتار بويىنشا مىقتى بولىپ سانالاتىن الەمنىڭ جەتەكشى جوعارى وقۋ ورىندارى ۇسىنىلۋدا.
You Might Also Like
-
ق ر ءبىلىم جانە عىلىم مينيسترلىگى ەپيدەميالىق احۋال جاقسارعان جاعدايدا ءداستۇرلى وقىتۋ فورماتىنا كەزەڭ-كەزەڭىمەن كوشەدى. بۇل تۋرالى ق ر ءبىلىم جانە عىلىم ۆيسە-مينيسترى شولپان قارينوۆا ايتىپ بەردى.
-
ەلباسى ن.ءا.نازاربايەۆ كورسەتكەندەي، قازاقستاننىڭ بولاشاعى قازاق ءتىلىنىڭ دامۋىنا، تاعدىرىنا تىكەلەي بايلانىستى. سوندىقتان دا مەملەكەتتىك ءتىلدىڭ وقىتىلۋ جاعدايىنا كوپ كوڭىل ءبولىنىپ وتىر. قازىرگى كەزدە...
