جوو ءبىلىم گرانتىنا ۇمىتكەرلەر قۇجاتتى Egov.kz پورتالىندا تاپسىرۋى ءتيىس
كارانتين جاعدايىندا تالاپكەرلەرگە ىڭعايلى بولۋى ءۇشىن ءبىلىم گرانتىن تاعايىنداۋ كونكۋرسىنا قاتىسۋ ءۇشىن ءوتىنىش قابىلداۋ مەرزىمى ۇزاردى.
ءبىلىم جانە عىلىم مينيسترلىگى بۇل جايىندا Instagram پاراقشاسىندا مالىمەت تاراتتى.
مەملەكەتتىك ءبىلىم گرانتىن تاعايىنداۋ كونكۋرسىنا قاتىسۋ ءۇشىن تالاپكەر Egov.kz ەلەكتروندى ۇكىمەت پورتالى ارقىلى مىنا قۇجاتتاردى تاپسىرۋى قاجەت:⠀
— ءوتىنىش؛
— ءبىلىمى تۋرالى قۇجات (اتتەستات)؛
— جەكە كۋالىك كوشىرمەسى.
ازىرگە مەديسينالىق انىقتامالار تالاپ ەتىلمەيدى.
ۇبت سەرتيفيكاتى جۇيەدە اۆتوماتتى تۇردە پايدا بولادى، سوندىقتان ونى Egov.kz-كە جۇكتەۋدىڭ قاجەتى جوق. ۇبت سەرتيفيكاتتارى ەلەكتروندى فورماتتا بەرىلگەن بولاتىن.
كونكۋرس ناتيجەسى بويىنشا مەملەكەتتىك گرانتتىڭ بەرىلگەنى تۋرالى ەلەكتروندى سەرتيفيكات ۇسىنىلادى. تالاپكەرلەرگە قاعاز سەرتيفيكاتتى الۋ ءۇشىن ەشقايدا بارۋدىڭ قاجەتى جوق.
گرانت تاعايىنداۋ فورماتى وزگەرگەن جوق، ياعني ماۋسىم ايىندا وتكەن ۇبت قورىتىندىسى بويىنشا ۇمىتكەرلەر مەملەكەتتىك ءبىلىم گرانتىن تاعايىنداۋ كونكۋرسىنا قاتىسادى. وسى جىلى گرانتتار وقۋ تىلىنە بايلانىستى بولمايدى.
جوعارى وقۋ ورىندارى تالاپكەرلەردى تامىزدىڭ 10-25 ارالىعىندا وقۋعا قابىلدايدى.
جوعارى وقۋ ورىندارىندا ءبىلىم قاشىقتان بەرىلەدى. ءداستۇرلى فورمات جەكە كەستە بويىنشا زەرتحانالىق جۇمىستار، وندىرىستىك وقىتۋ جانە كاسىبي پراكتيكا ءۇشىن وتكىزىلەدى.
ەسكە سالا كەتەيىك، ءبىز بۇعان دەيىن جوو مەن كوللەدجدەرگە قۇجات قابىلداۋ 25 شىلدەگە دەيىن سوزىلعانىن حابارلاعان بولاتىنبىز.
You Might Also Like
-
ءال-فارابي اتىنداعى قازاق ۇلتتىق ۋنيۆەرسيتەتى فيلوسوفيا جانە ساياساتتانۋ فاكۋلتەتىنىڭ مادەنيەتتانۋ ماماندىعىنىڭ 3 كۋرس ستۋدەنتى بازارباي جاسميننىڭ
-
ق ر ءبىلىم جانە عىلىم مينيسترلىگى ەپيدەميالىق احۋال جاقسارعان جاعدايدا ءداستۇرلى وقىتۋ فورماتىنا كەزەڭ-كەزەڭىمەن كوشەدى. بۇل تۋرالى ق ر ءبىلىم جانە عىلىم ۆيسە-مينيسترى شولپان قارينوۆا ايتىپ بەردى.
