ەرتەگى
قوندى تاعى دالانىڭ تورىنە ءتۇن، كىمتاپ قارا تورعىنمەن وڭى-بەتىن. جۇلدىزدى اسپان كونەرگەن كيىز ۇيدەي ۇزىگىنەن مونشاقتار كورىنەتىن.
ءتۇبى كەلەر جۇيرىكتەي يەسىنە، انا ءسۇتى قۇنداقتىڭ كيەسى مە - بالا شاعىم ايتەۋىر ءار ساتىمەن ورالاتىن بولىپ ءجۇر ءجيى ەسىمە.
ءبارى دە ىستىق بۇل كۇندە ماعان مىنا: قىزۋىمنان كەۋدەسى ءنار الدى ما - قۇس توسەكتە اناشىم قوينىنا الىپ جىر ايتۋمەن سامايى اعاردى ما؟..
باستاعاندا ەرتەگى، جىرىن انام، كوز الدىما كەلەتىن ء ۇلى عالام. التى قانات اقبوز ءۇي قوڭىرايىپ، تۇندىك، تۋىرلىقتارى دا ىدىراعان.
كەش ءتۇسۋىن كۇتۋشى ەم الماي تىنىم، ەستىلگەنشە قيالدى جالعايتىن ءۇن. انام ايتار عاجايىپ الەمگە ەنىپ كوز ۇيقىعا كەتكەنشە شارلايتىنمىن.
بالا قيال باۋرادى، جەبەدى ءارى، ەرتەگىدەن باستالدى نەگە ءبارى؟.. سول عاجايىپ الەمنىن وي مەن قىرىن شارلاپ تاۋىسا الماستان كەلەم ءالى.
1979
You Might Also Like
-
ادال جانى اق قارداي شىڭ-قۇزداعى، وزدەرى — ونەر كوگىنىڭ جۇلدىزدارى. ۇرپاقتارعا، ەلىنە ماقتان بولعان مەنىڭ بايتاق ولكەمنىڭ ۇل-قىزدارى.
-
ورىنداعان: التىن اۋىل ورتا مەكتەبى 7 ب سىنىپ وقۋشىسى دجيگيتەكوۆا قۇرالاي جەتەكشىسى: قازاق ءتىلى مەن ادەبيەتى ءپانىنىڭ ءمۇعالىمى نۋرىمبايەۆا ساندۋگاش
