ەسكى اڭگىمە
(II نۇسقا)
تاما ەسەت باتىر ءبىر كۇندەردە جولاۋشى ءجۇرىپ كەلە جاتىپ داتتىڭ ۇيىنە كەلىپ ءتۇسىپ، تۇستەنىپ جاتقان كورىنەدى. سىرىم بالا بەسىكتە ەكەن. تۇستەنىپ كەتەرىندە قۇداعايعا كەلىپ:
— شىراعىم، مىناۋ بەسىكتەگى جاتقان ءسابيدى جاقسىلاپ ب ا ق، تازا اسىراپ وسىرگەيسىڭ، امانات دەپ كەتەم، ۇلكەن بولعاندا جاقسى ادامنىڭ بىرەۋى بولار»، — دەپ كەتىپتى. ماماسى ايتقان:
— جارايدى، اتاي، باعىپ قارايمىن. قالايدا بىلايعى بالالاردان قۇلقى باسقا. بىلمەيمىن، اشۋلانىپ، كوپكە دەيىن ماماسىن ەمبەيدى، ەكى كوزى قىزارىپ، وكپەسى دۇرسىلدەپ»، — دەگەن.
سول سىرىم ەس كىرىپ، ون بەس جاسقا كەلگەسىن، ءبىر كۇندەردە سوزدەن ءسوز شىعىپ، ماماسى: «شىراعىم، سەن بەسىكتە جاتقاندا، تاما ەسەت باتىر دەگەن قارت كەلىپ تۇستەنىپ كەتكەن. كەتەرىندە سەنى ماعان اماناتتاعان. جاقسىلاپ ب ا ق، جىلاتپا، ەس كىرىپ ادام بولسا، جامان بولماس، ادام بولار دەپ ەدى»، — دەگەن. سونى ەستىپ سىرىم جىلقىدان ءبىر سەمىز بيەنى اكەلىپ سويدىرىپ، ەتىن ءپىسىرتىپ، جايا-جال، قازى-قارتاسىن ءپىسىرىپ الىپ ءبىر اتقا ارتىپ، ەسەت باتىردىڭ ءۇيىن ىزدەپ تاپقان كورىنەدى. باتاسىن الام دەپ ۇيگە جاقىن كەلگەندە، سىرىم استىنداعى شۇبار ات كىسىنەيدى. ەسەت توقسان جاسقا كەلىپ جاتىر ەكەن. «كەلىن، شىراعىم، شىعىپ قاراشى، الىستان كەلە جاتقان جولاۋشى-اۋ، ءبىر تۇلپاردىڭ داۋىسى قۇلاعىما كەلەدى»، — دەيدى. كەلىن شىعىپ قاراسا، ات جەتەگى بار. «شۇبار اتقا مىنگەن ءبىر جاس ادام كەلىپ توسىپ جاتىر»، — دەيدى. ەسەت تاياعىن الىپ قوناقتىڭ الدىنان شىعىپتى. كەلگەن بالا «اسسالاۋماعالايكۋم» دەپ قولىن العاندا، قولىن ۇستاپ تۇرىپ:
— سەن سىرىم دەگەن بالامسىڭ با؟ — دەيدى.
— اتاي، مەن سىرىم بولامىن، — دەگەن. ۇيىنە كەلىپ تۇسكەن سوڭ، اتايعا اكەلگەن سىباعاسىن بەرىپتى. جەپ بولىپ:
— شىراعىم، سىرىم، مەنەن نە سۇرايسىڭ؟ — دەپتى.
— ءاي، اتاي، قالعان باتاڭدى ءۇمىت ەتىپ كەلدىم، — دەگەن.
— جارايدى، قالعانى بولسا، ءتاڭىرىم قابىل ەتسە، سەنەن اياماس دەپ، جاي قولىڭدى دەگەندەگى بەرگەن باتاسى دەيدى:
— يا، بالام، سىرىم، جەتى اتاعا دەيىن داڭقىڭ ۇزىلمەسىن، قىزمەتىڭ ءتۇسىپ جات ادامعا كوزىڭ سۇزىلمەسىن، قۇلاعىڭنان سىبىر كەتپەسىن، ءۇي سىرتىنان ءدۇبىر كەتپەسىن، دۇشپاننىڭ قولى جەتپەسىن، دوسىڭنىڭ تىلەگى بوسقا كەتپەسىن! اللاھۋ اكپار جولىڭ بولسىن! — دەگەن ەكەن.
وقۋعا كەڭەس بەرەمىز:
جىلقىنىڭ تورىسى كوپ پە، توبەلى كوپ پە؟ (ءى نۇسقا)
سىرىمنىڭ نۇرالى حاندى شابۋى (ءىى نۇسقا)
بايماعامبەت سۇلتان مەن سىرىم باتىر
You Might Also Like
-
كىشى جۇزدەگى ون ەكى اتا باي ۇلىنىڭ بايباقتى دەگەن رۋىنا باسشى بولعان بۇلان دەگەن كىسى قارتايعان كەزىندە ءبىر جيىندا جۇرتقا: «مەن قارتايىپ جاسىم جەتتى، مىنا الدىمداعى پىسكەن قويدىڭ باسىن بىرەۋىڭ...
