InfoHub Logo

8 ناۋرىز كۇنى QS World University Rankings by Subject جىل سايىنعى رەيتينگىنىڭ ناتيجەسى جاريالاندى. بۇل پاندىك رەيتينگتە استاناداعى ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى «فيزيكا» بويىنشا اتالمىش باعىت جۇزەگە اسىرىلاتىن 1 110 جوو قاتارىنان كورىندى.

باعىتتاردى باعالاۋ اكادەميالىق ساراپشىلار مەن جۇمىس بەرۋشىلەردى ساۋالنامالاۋ ناتيجەسى، دايەكسوز الۋ مەن حيرش يندەكسى نەگىزىندە جۇزەگە اسىرىلدى.

بيىل رەيتينگتە ەۇۋ العاش رەت ءبىلىم بەرۋ سالاسى بويىنشا 6 باعىتتى قامتىدى: «فيزيكا جانە استرونوميا»، «ونەر جانە ديزاين»، «ماتەماتيكا»، «ەكونوميكا جانە ەكونومەتريا»، «قوناق ءۇي مەنەدجمەنتى»، «الەۋمەتتىك ساياسات جانە باسقارۋ».

اتاپ وتەتىن جايت، قازاقستاندىق جوو-لار اراسىندا QS World University Rankings by Subject  نۇسقاسى بويىنشا ەۋرازيا ۇلتتىق ۋنيۆەرسيتەتى «فيزيكا»، «ونەر جانە ديزاين»، «ماتەماتيكا»، «قوناق ءۇي مەنەدجمەنتى (تۋريزم)» باعىتتارى العاشقى ورىنعا يە بولدى. «ەكونوميكا جانە ەكونومەتريا» ءىى ورىنعا تابان تىرەدى. سونىمەن قاتار «فيزيكادان» باسقا 2017 جىلى QS World University Rankings by Subject رەيتينگىسىنە ەنگىزۋ مەن سارالاۋ ءۇشىن كورسەتىلگەن باعىتتاردىڭ شەكتىك بالى جەتكىلىكسىز بولدى.

«ل.ن. گۋميليەۆ اتىنداعى ەۇۋ الەمدىك ءبىلىم بەرۋ كەڭىستىگىندە ۋنيۆەرسيتەتتى العا جىلجىتۋ بويىنشا ماقساتتى تۇردە جۇمىس ىستەۋدە. ءبىلىم وردامىزدىڭ «فيزيكا» باعىتىنىڭ ۇزدىكتەردىڭ قاتارىنا قوسىلعاندىعىنىڭ ءوزى ءبىر جەتىستىك، دەمەك، قازاقستان جوو-لارى باسەكەگە قابىلەتتى فيزيك ماماندارىن دايارلايدى دەگەن ءسوز. ءدال وسىنداي مىندەت ل.ن. گۋميليەۆ اتىنداعى ەۇۋ-دىڭ باسقا دا باعىتتارىنىڭ الدىندا تۇر. سوندىقتان ءبىز الەمدىك نارىقتا ساپا مەن ماماندارىمىزدىڭ بەدەلىن ارتتىرۋ ماقساتىندا الەمدىك رەيتينگتىك اگەنتتىكتەردە ۇزدىكتەردىڭ قاتارىنان كورىنۋگە بارىنشا تالپىنىپ، وزگە دە سالالاردى كەڭىنەن قامتۋعا بار كۇش-جىگەرىمىزدى سالاتىن بولامىز»، - دەپ اتاپ ءوتتى ەۋرازيا ۇلتتىق ۋنيۆەرسيتەتىنىڭ رەكتورى، ق ر ۇعا اكادەميگى ەرلان سىدىقوۆ.

جالپى QS الەمنىڭ 4 438 جوو-سىندا 46 باعىتتى قاراستىردى. ونىڭ ىشىندە ءار ءتۇرلى ءبىلىم بەرۋ سالاسى بويىنشا رەيتينگكە تەك 1 117 جوو ەنگەن.

---