InfoHub Logo

ەيجن فيشينگ (اعىل. asian-fishing) - جاقىندا پايدا بولعان جاڭا تەرمين. ادامدار ونى ەندى عانا قولدانا باستاعانىمەن، ازيالىق ايەلدەردىڭ فەتيشيزاسيا جانە سەكسۋاليزاسيادان ءوتۋدىڭ كوپ جىلدىق تاريحى بار.

ەيجن فيشينگتىڭ نە ەكەنىن جانە ونى پروبلەمالى ەتەتىن سەبەپتەردى قاراستىرايىق.

ەيجن فيشينگ - ازيالىق ەمەس ادامنىڭ ادەمىلىك ءۇشىن ءوزىنىڭ بەت-كەلبەتىن ادەيى شىعىس ازيالىققا ۇقساستىرىپ وزگەرتۋ قۇبىلىسى. وسى ماقساتقا قول جەتكىزۋ ءۇشىن ادامدار ماكياج، پلاستيكالىق وپەراسيالار مەن فوتوشوپتى قولدانادى. سوعان قوسا، ستەرەوتيپتى كوسپلەيلەر (ياپوندىق قىزداردىڭ مەكتەپ فورماسى نەمەسە انيمەدەن شىققان بيكەشتەر) جاساۋ دا ەيجن فيشينگكە جاتادى

ازيالىق پاتريارحالدىق مادەنيەت وزدەرىنىڭ ايەلدەرى ءۇشىن بۇرمالانعان سۇلۋلىق ۇلگىلەرىن بەكىتتى. وسىعان سايكەس، ازيالىق ايەلدەر مويىنسۇنعىش، جاس، ارىق جانە قۋقىل بەتتى بولۋى ءتيىس (مۇنى ءسىز مۋزىكا جانە كينو يندۋستريالارىندا بايقاي الاسىز). بۇل سۇلۋلىق ستاندارتىن ەر ادامدار تولىعىمەن قالىپتاستىرادى، ياعني ول ايەلدەر ءۇشىن ىڭعايسىز جانە يكەمسىز، ويتكەنى ولاردىڭ وي-پىكىرلەرىنە كوڭىل بولىنبەگەن. ازيالىق ايەلدەر وسى ستاندارتتاردان ۇزاق ۋاقىت بويى زارداپ شەگىپ كەلەدى جانە وعان قارسى تۇرۋعا كۇش جۇمسايدى. ازيالىق ەمەس ءناسىلدىڭ وكىلدەرى "ەستەتيكاعا" ەلىكتەگەندە، ولار بۇل سۇلۋلىق ۇلگىسىنە وزىنەن ءوزى سايكەس كەلەدى، ال ونىڭ ارتىندا تۇرعان ماسەلەنى جانە تاريحتى تۇسىنبەيدى

“تۇلكى كوزدەرى” ترەندى ءقازىر وتە تانىمال. بۇعان كوسمەتيكا نەمەسە سكوچتى قولدانۋ، كوزدىڭ قيعاش اسەرىن جاساۋ نەمەسە سۋرەتكە ءتۇسۋ كەزىندە كوزدىڭ بۇرىشتارىن جوعارى قاراي تارتۋ كىرەدى. وسى قۇبىلىستىڭ جارقىن مىسالى - امەريكاندىق ءانشى اريانا گراندە. ون جاقتاعى فوتو 2010-شى جىلدارى تۇسىرىلگەن، ال ەكىنىشىسى 2021ء-شى جىلى ءانشىنىڭ ينستاگرام پاراقشاسىندا شىققان. كوزدىڭ ءپىشىنى وزگەرگەنى بايقالعانىمەن قاتار، اريانانىڭ سول كەزدەگى ترەندتە بولعان ازيالىق موداعا جۇگىنگەندىگىن دە عالامتور قولدانۋشىلارى بايقاعان.

ازيالىق ايەلدەردى فەتيشتەندىرۋ ازيالىق قاۋىمداستىققا قاتتى زيانىن تيگىزدى. ازيالىق ەمەس ادامدار الەۋمەتتىك جەلىگە "سەكسۋالدى ازيالىق انيمە قىزىنىڭ" سۋرەتتەرىن جاريالاعان كەزدە، ولار ەيجن فيشينگپەن اينالىسۋ ارقىلى ازيالىق ايەلدەردى فەتيشتەندىرۋدى قولدايدى. الايدا، ولار زارداپ شەكپەيدى، ازيالىق ايەلدەر زارداپ شەگەدى.

CBS News حابارلاۋىنشا، "ۇزاق ۋاقىت بويى امەريكاندىق ازيالىق ايەلدەردىڭ تاجىريبەسىنىڭ ءبىر بولىگى بولعان ميزوگينيا مەن جىنىستىق زورلىق-زومبىلىق تاريحىن ەلەمەۋ مۇمكىن ەمەس. AAPI-دە حابارلانعان وقيعالاردىڭ ۇلكەن سانى (64،8%) كوپتەگەن وقيعالاردا ايەلدەر جىنىستىق قۋدالاۋدى سيپاتتادى جانە ءبىر ۋاقىتتا ناسىلشىلدىككە تاپ بولدى، بۇل COVID-19 جىنىستىق قۋدالاۋ شەڭبەرىندە قارۋ رەتىندە قالاي قولدانىلاتىنىن كورسەتتى".

ەيجن فيشينگ، ەڭ الدىمەن، ازيالىق ايەلدەردىڭ ومىرىنە ءقاۋىپ توندىرەدى. ال "زيانسىز" ترەندتەر ىشكى كۇرەس پەن كەمسىتۋشىلىكتىڭ كوپ جىلدىق تاريحىن جاسىرادى. وسى سەبەپتى، ەيجن فيشينگ ءسان بولۋدى توقتاتىپ، تانىمال بولماۋى كەرەك.

راشيد ارۋجان

---