InfoHub Logo

مەن قازۇۋ ستۋدەنتىمىن. فيلوسوفيا جانە ساياساتتانۋ فاكۋلتەتى، ءدىنتانۋ ماماندىعىندا وقيمىن. وقۋ جىلى كوزدى اشىپ-جۇمعانشا وتە شىقتى، ەمتيحاندار مەن باقىلاۋلار اياقتالىپ، كاسىبي تاجىريبە باستالىپ كەتتى. ءبىز بۇگىن كافەدرا ستۋدەنتتەرى، ءبىرىنشى كۋرس ستۋدەنتتەرى بولىپ بۇگىن مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترى - الماتىداعى ءىرى قازاق تەاترلارىنىڭ بىرىنە باردىق. تەاتر ءبىرىنشى رەت بارعان ادامعا ەرەكشە اتموسفەرا قالدىرادى. تەاتر ىشىنە كىرگەننەن اق مادەنيەت ورنىنا كىرگەنىڭ سەزىلەتىندەي. ءىشى وتە ادەمى ءارى ۇلكەن. ءاربىر بولاتىن سپەكتاكلدەرگە اكتەرلار مەن اكتريسالار بار بولمىسىن سالادى، ءوز كەيىپكەرلەرىن سەزىنىپ ولاردىڭ جانىنداعى سىرلارىن حالىققا، كورەرمەنگە اقتارادى. تەاتردا قازاقتىڭ ۇلى ادامدارى تۋرالى نەمەسە ءتۇرلى جىرلار، شەت ەلدىك شىعارما، داستاندار بويىنشا سپەكتاكلدەر قويىلادى. قالانىڭ ۋ-شۋىنان كۇيبەڭ تىرلىكتەن دەم الىپ، رۋحاني بايىپ قايتاتىن ورىن تەاتر دەپ ايتا الامىن.

ءبىز بارعان سپەكتاكل «ءجۇز جىلدىق ماحاببات» دەپ اتالادى. سپەكتاكل ارداقتى قازاق زيالىسى ماعجان جۇمابايەۆ پەن ونىڭ ادال جارى زىليحا اپامىن جايىندا. زامانىنان وزىپ تۋىپ، سوڭىنا وشپەس رۋحاني مول مۇرا قالدىرعان، كورنەكتى اقىن، الاش ارداگەرى ماعجان جۇمابايەۆ تاعدىرىنىڭ اقتاڭداقتى تۇستارى از ەمەس. حالىق جاۋى ناۋقانىمەن ەكى رەت ۇستالىپ، قىرىق ءتورت جىل عۇمىرىنىڭ ون جىلىن قاپاستا، تۇرمەدە وتكىزگەن اقىننىڭ قاسىرەتتى تاعدىرى سپەكتاكلدە اياۋلى جارى زىليحانىڭ ەستەلىگى ارقىلى بەرىلەدى. ەركىن رۋحتى، قۇدىرەتتى جىرلار جازعان «ناعىز ۇلتتىڭ، الەۋمەتتىڭ، حالىقتىڭ ءسوزىن سويلەگەن» (م. اۋەزوۆ) ماعجان اقىن. . . قيىن-قىستاۋ ۋاقىتقا، نەبىر كەدەرگىلەرگە قاراماي ەرىنىڭ سوڭىنان ىزدەپ سان رەت بارعان؛ ءومىر بويى ماعجان رۋحىن ارداقتاپ، ءوزىنىڭ سوڭعى دەمى بىتكەنشە ۇلى اقىن جىرلارىنىڭ كەيىنگى ۇرپاققا جەتۋىنە بار كۇش-جىگەرىن سالعان زىليحا. . . ولاردىڭ ۇلى ماحابباتى – كەيىنگى سان ۇرپاققا ونەگە. رەپرەسسياعا ۇشىراپ، ەلىنىڭ بولاشاعى ءۇشىن ەڭبەكتەنگەن ەرىمىز تۇرمەگەن تۇسكەن كەزى، ول تۇرمەدە بولسا دا تەك سول ءبىر جاندى عانا كۇتىپ، ءومىرىن ارناعان زىليحا اپامىزدىڭ ماحابباتى نەتكەن كۇشتى ەدى. سپەكتاكل بويىنشا ماعجان اتامىز جايلى دەرەكتەردىڭ زىليحا اپامىز ارقىلى جەتكەنى كورىنىس تابادى. ءوزى قارتايعان شاعىندا ول كىسىدەن كەلىپ سۇحبات الاتىندار دا كوپ ەكەن. الايدا ولاردىڭ ءبارى بىردەي زىليحا اپامىزدىڭ كوڭىلىنەن شىعا بەرمەگەن. الايدا  قانشا اۋىر بولسا دا شىداپ، ماعجانى مەن ءوزىنىڭ تانىستىقتارى جايىندا ولاردىڭ ماحابباتى جايىندا اقپارات بەرەدى. بۇل كورىنىسكە كوزىڭە جاس الماي قاراۋ قيىنعا سوعادى، سەبەبى قىسقا عۇمىرىنىڭ ءبىراز بولىگىن تۇرمەدە وتكىزەدى ماعجان اتامىز، ال اپامىز بولسا ونى كۇتۋدەن ءبىر تىنبايدى. ولاردىڭ ماحابباتى مىڭدارعا ۇلگى دەپ ايتار ەدىم.

ءبىزدىڭ سپەكتاكلگە بارۋىمىز ءبىزدى مادەني تۇرعىدان دامىتادى، رۋحاني بايىپ، تاريحقا دا كوز جۇگىرتە الامىز. قازىرگى زامان استارى تەاترعا ءجيى بارىپ تۇرسا نۇر ۇستىنە ءۇۇر بولادى. تەاتر –جۇرەكتەگى سەزىمدى وياتادى، جارالاردى ەمدەيدى. ءبىزدىڭ بۇل كۇنىمىز مەنىڭ ەسمىدە قالاتىن، ادەمى كۇندەردىڭ ءبىرى بولدى.

وقىتۋشى-ەدۆايزەر: مۇقان نۇرزات

اۆتور:توقاي ايىم

---