InfoHub Logo

الماتى وبلىسى، اقسۋ اۋدانى، قىزىلاعاش اۋىلى،
جانسۇگىروۆ اتىنداعى ورتا مەكتەبىنىڭ
ماتەماتيكا ءپانىنىڭ ءمۇعالىمى
جاۋىنبايەۆا نازيرا توكتاسىنوۆنا

ساباقتىڭ تاقىرىبى: فۋنكسيانىڭ گرافيكپەن بەرىلۋى (سلايد)
جالپى ماقساتى: وقۋشىلاردىڭ فۋنكسيانىڭ فورمۋلاسى ارقىلى كەستەسىن قۇرۋ بىلىمدەرىن بەكىتە وتىرىپ، كەستە ارقىلى فۋنكسيانىڭ گرافيگىن سىزۋعا ەسەپ شىعارۋدا قولدانۋ ءبىلىم، بىلىك داعدىلارىن، سىني تۇرعىسىنان ويلاۋىن، اقپاراتتى باعالاۋىن، ءوز وقۋىن رەتتەۋگە دەگەن جاۋاپكەرشىلىك، ورتاعا دەگەن سۇيىسپەنشىلىك قاسيەتتەرىن ارتىرۋ.
وقىتۋ ناتيجەلەرى:
- فۋنكسيانىڭ گرافيگىن كەستە قۇرۋ ارقىلى سىزا الادى، فۋنكسيانىڭ گرافيگى نە ەكەنىن تۇسىنە الادى جانە فۋنكسيانىڭ گرافيگى ارقىلى شامالار اراسىنداعى بايلانىستى كورىپ، ەسەپ شىعارۋدا قولدانا الادى
- توپتىق جۇمىستاعى پروبلەمانى تالقىلاۋ ارقىلى ءوز ويىن بىلدىرۋگە جانە وزگەنىڭ ويىنمەن ساناسۋعا بەيىمدەلەدى
- بەرىلگەن ەكى گرافيكتى سالىستىرۋ ارقىلى فۋنكسيانىڭ گرافيگى قانداي بولاتىنىڭ ءبىلىپ، اقپاراتتى تالداۋعا ۇيرەنەدى.
- تاقىرىپتىڭ باستى يدەياسىنا ارنالعان تىرەك سىزبانى تولتىرۋ ارقىلى تالقىلانعان تاقىرىپتى جيناقتاي الادى.
- رەفلەكسيا جازۋ ارقىلى ستو قابىلەتتەرى داميدى
- ب. ب. ب كەستەسىن تولتىرۋ ارقىلى ءوزىن - ءوزى باعالاۋى داميدى.
- توپ جۇمىسىن باعالاۋ كريتەريلەرى بويىنشا وقۋشىلاردىڭ ۇيىمشىلدىق، ۇيىمداستىرۋشىلىق، ءوز وقۋىن رەتتەۋ ماڭىزدىلىعىن تۇسىنەدى.
- دەڭگەيلىك تاپسىرمالاردى ورىنداۋ، بىرلەسكەن توپتىق جۇمىس ارقىلى وقۋشىلاردىڭ ساباققا بەلسەندىلىكتەرى، ماتەماتيكا پانىنە دەگەن قىزىعۋشىلىعى ارتادى.
- بەرىلگەن تاپسىرمانى توپپەن بىرلەسىپ پلاكاتقا سىزۋ، ورىنداعان تاپسىرمالارىن سىنىپتا جاريالاۋ ارقىلى ماتەماتيكالىق تىلدە سويلەۋ داعدىلارى جانە ەستە ساقتاۋى جاقسارا تۇسەدى
- الىنعان اقپاراتتى باعالاۋ ارقىلى ومىردەگى جاعداياتتاردى شەشە ءبىلۋ جانە ويلاۋ قابىلەتتەرى ارتا تۇسەدى
- ەلەكتروندىق جۋرنالداعى تاپسىرمانى ورىنداتۋ ارقىلى وقۋشىلاردىڭ تەحنولوگيالىق بىلىمدەرى ارتا تۇسەدى.
نەگىزگى ماقساتتارى:
فۋنكسيانىڭ فورمۋلاسىن جانە كەستەسىن پايدالانىپ فۋنكسيانىڭ گرافيگىن سىزا بىلۋگە، گرافيكتەن فۋنكسيانىڭ شامالار اراسىنداعى بايلانىسىن كورۋگە، ەسەپ شىعارۋدا قولدانۋ، ماتەماتيكالىق ءتىلدى سويلەۋ داعدىلارىن، ويلاۋ قابىلەتتەرىن دامىتۋ.
تاپسىرمالار:
«جازباشا دوڭگەلەك ۇستەل»، «ويلان، جۇپتاس، پىكىرلەس»
كورنەكىلىكتەر: فۋنكسيانىڭ گرافيگى سىزىلعان قاعاز قيىندىلارى، پلاكات، ماركەر، سىزعىش، وشىرگىش، ينتەراكتيۆتى تاقتا، نوۋتبۋك، تىرەك - سىزبا جازىلعان كارتوچكا، باعالاۋ كريتەرييلەرى جازىلعان پاراق.