InfoHub Logo

قازاق ادەبيەتى 7 - سىنىپ
ساباقتىڭ تاقىرىبى: عابيت مۇسىرەپوۆ «انانىڭ اناسى»

ساباقتىڭ ماقساتى:
ا) بىلىمدىلىك: اۆتور تۋرالى مالىمەت بەرۋ، اڭگىمەنىڭ مازمۇنىمەن تانىستىرۋ، جازۋشىنىڭ اناعا دەگەن سۇيىسپەنشىلىگىن وقۋشى سەزىمىمەن ۇشتاستىرۋ؛ قازاق ەلىنىڭ وتكەن تاريحىنا، تۇرمىس - تىرشىلىگىنە نازارىن اۋدارتۋ

ءا) تاربيەلىك: وقۋشىلاردى انانى قۇرمەتتەي بىلۋگە، مەيىرىمدىلىككە، سىيلاستىققا تاربيەلەۋ، دۇنيەدەگى جاقسىلىق اتاۋلىنىڭ ءبارى كۇننىڭ نۇرىنان، انانىڭ مەيىرىمىنەن تارايتىنىن ۇعىندىرۋ.

ب) دامىتۋشىلىق: ادەبي ءتىل نورماسىن مەڭگەرگەن، شىعارمادان العان اسەرلەرىن بۇگىنگى ومىرمەن سالىستىرا الاتىن، لوگيكالىق ويلاۋ قابىلەتى قالىپتاسقان، جان – جاقتى دامىعان جەكە تۇلعا دامىتۋ
ساباقتىڭ كورنەكىلىگى: ينتەربەلسەندى تاقتادان كورسەتىلەتىن سلايدتار، جازۋشى پورترەتى، شىعارمالارى.
ساباقتىڭ ءادىسى: بايانداۋ، ساتىلاي كەشەندى تالداۋ، توپتاستىرۋ
ساباقتىڭ ءتۇرى: جاڭا ماعىنانى تانۋ

ساباقتىڭ ءوتۋ بارىسى:
ءى. ۇيىمداستىرۋ: ا) سالەمدەسۋ
ءا) وقۋ - قۇرالدارىن تەكسەرۋ
ب) باعالاۋ پاراعىن ۇلەستىرۋ

ءىى. ساباقتىڭ جارناماسى:
كىم سەندەردى، بالالار، سۇيەتۇعىن،
قۋانىشىڭا قۋانىپ، قايعىڭا كۇيەتۇعىن؟
ءتۇن ۇيقىسىن ءتورت ءبولىپ، كىرپىك قاقپاي،
شەشەڭ بايعۇس دامىلسىز جۇرەتۇعىن.

كىم سەندەردى، بالالار، تەربەتەتىن،
ەركەلەتىپ، ويناتىپ، سەرگىتەتىن؟
جالقاۋ بولساڭ، بالالار، جامان بولساڭ،
قامقور اناڭ كوز جاسىن كولدەتەتىن.

كىم سەندەردى ساعىنار شەتكە كەتسەڭ،
عىلىم ىزدەپ، تەز قايتپاي، كوپكە كەتسەڭ؟
بەتىن جۋعان جاسىمەن سورلى اناڭا
حات جازىپ تۇر، توبەسى كوككە جەتسىن.

م. دۋلات ۇلى «شەشەنىڭ بالالارىن ءسۇيۋى»

ءىىى. جاڭا ساباق:
1. مولدا وقۋى
2. ايتىلەس اڭگىمەسى:
ا) جورىق
ءا) كەزدەسكەن قىز
ب) انا ايلاسى

ءىۇ. ساتىلاي كەشەندى تالداۋ
«انانىڭ اناسى»اڭگىمەسى
1. اۆتورى - عابيت مۇسىرەپوۆ دراماتۋرگ، جازۋشى، اكادەميك، قوعام قايراتكەرى
اڭگىمەلەرى «قوس شالقار»، «تالپاق تاناۋ»، «جاپون باللاداسى»، «اشىنعان انا»، «ەر انا»، «اقليما»، «انانىڭ اراشاسى»، «ءولىمدى جەڭگەن انا»
روماندارى: «قازاق سولداتى»، «ويانعان ولكە»، «كەزدەسپەي كەتكەن ءبىر بەينە»

2. تاقىرىبى - انانىڭ بالاسىنا دەگەن ۇلى ماحابباتى
3. ەپيكالىق جانر ءتۇرى - اڭگىمە

4. نەگىزگى يدەياسى - ءتۇن ۇيقىسىن ءتورت ءبولىپ وسىرگەن انانى قۇرمەتتەۋ، سىيلاۋ
5. شىعارمانىڭ كومپوزيسيالىق قۇرىلىسى
5. 1. شىعارمانىڭ ەكسپوزيسياسى (دايىندىعى)- مولدا وقۋى
5. 2. سيۋجەتتىك بايلانىس - قالىڭ جىلقى، ۇرلانعان قىز
5. 3. شيەلەنىسۋى – جىلقىشىنىڭ مەرت بولۋى، قۋىپ كەلگەن قىز اناسى
5. 4. شارىقتاۋ شەگى - انا ءسوزى
5. 5. شەشىمى - انا مەن قىزىنا بەرىلگەن بوستاندىق

6. كەيىپكەرلەر بەينەسى
6. 1. جاعىمدى -
6. 2. جاعىمسىز -

7. ادەبي تەوريالىق ۇعىمدار
تەڭەۋ: ەتەكتەي ساقال، كۇمىستەن قۇيعانداي اق ساقال، قۇيعان پەشتەي، ۇرشىقتاي ويناپ، بوكەندەي بۇكتەتىلىپ
ەپيتەت: شالقىعان شاڭقاي ءتۇس، جالبا - جۇلبا تەرى تون، ساعال - ساعال تەرى شۇبىرعان، نادان مولدادان، ءتورت بۇرىشى جەمىرىلگەن ەسكى توقىم سياقتى
تۇراقتى ءسوز تىركەسى: كوزدى اشىپ - جۇمعانشا، تەرىمىزگە سىيماي، قاباعىمىزدان قار جاۋىپ، قاناتتىعا قاقتىرماي، تۇمسىقتىعا شوقىتتىرماي
ديسفەميزم: قىزى قاتىنعا، قازاقتىڭ قاتىنى

ءۇ. بەس جولدى ولەڭ
1. زات ەسىم (ءبىر ءسوز ) - انا
2. سىن ەسىم(ەكى ءسوز)- مەيىرىمدى، قامقور
3. ەتىستىك(ءۇش ءسوز)- ماپەلەيدى، وسىرەدى، تاربيەلەيدى
4. ۇستەۋ (ءتورت ءسوز)- شىرىلداپ جەرگە تۇسكەن كەزدە
5. ءتۇيىن ءسوز(بەس ءسوز)- انا اقىلشىڭ، ۇستازىڭ، دوسىڭ، قامقورشىڭ
Vءى. توپتاستىرۋ
انا
↓
قايراتتى، شەشەن، قايسار، اقىلدى، اشىنعان، قايعىلى، سەرگەلدەڭدە

ءۇىى. قورىتىندىلاۋ
«قۇرمەتتەيىك، كوتەرەيىك تە ايەلدى! انا ايەلدى قۇرمەتتەيىك! ونىڭ ءسۇيۋى تاۋسىلا ما، بۇكىل دۇنيە سونىڭ ەمشەگىن ەمىپ، ەر جەتكەن ەمەس پە؟ ادامدا نە قاسيەت بولسا، ءبارى كۇننىڭ كوزى مەن انانىڭ سۇتىنەن الىنعان قاسيەت. انانىڭ قۇرمەتى ءالى جەتكەن جوق! ماقتاساق ايەلدى ماقتايىق تا، قۇرمەتتەيىك تە ايەلدى. ايەل انا، بارلىق قيىندىقتى جەڭەتىن سارقىلمايتىن كۇش، كوزدى بۇلاق ەمەس پە!»- دەگەن جازۋشىنىڭ ءوز سوزىمەن ساباقتى اياقتايمىن.

ءۇىىى. ۇيگە تاپسىرما:
ع. مۇسىرەپوۆتىڭ انا تاقىرىبىنداعى باسقا اڭگىمەلەرىن وقىپ كەلۋ
ءىح. باعالاۋ.
باعالاۋ پاراعى ارقىلى