گەرمانيا ستۋدەنتتەرى ەكسپو اياسىندا قازاقستاندا ءبىلىم الماق
گەرمانيا ستۋدەنتتەرى ەكسپو-2017 اياسىندا قازاقستاندا ءبىلىم الماق. مۇنداي مۇمكىندىك DAAD ۇيىمى جۇرگىزگەن بايقاۋدان سوڭ بەرىلىپ وتىر.
ورتالىق ازيا جوعارى وقۋ ورىندارى اراسىندا وسىناۋ قۇرمەتتى قۇقىققا د.سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتى عانا يە بولىپ وتىر. بۇل تالاسقا شىعىس ەۋروپا، تمد جانە بالتىق ەلدەرىنىڭ جوعارى وقۋ ورىندارى دا تۇسكەن بولاتىن. «DAAD جازعى مەكتەبىن» وتكىزۋ قۇقىعىنا ەستونيا، حورۆاتيا، ازەربايجان، سلوۆەنيا جانە ۋكراينا جوعارى وقۋ ورىندارى يە بولدى.
«ساباق شەتەلدىك ستۋدەنتتەر ءۇشىن ءۇش اپتا بويى وتەدى جانە ءۇش كەزەڭنەن تۇرادى»، - دەيدى جەر عىلىمى تۋرالى فاكۋلتەتتىڭ دەكانى تالانت رىسپايەۆ. - ءبىرىنشى اپتا - ءبىزدىڭ ۋنيۆەرسيتەتتەگى «بولاشاق ەنەرگيا: ەكسپو-2017 كورمەسى اياسىنداعى قازاقستاننىڭ ەنەرگوتيىمدى يندۋسترياسىنىڭ مۇمكىندىكتەرى» اتتى تاقىرىپتا تەوريالىق سەمينارلارعا قاتىسۋ. كەيىن ولار استاناعا بارىپ، «ەكسپو كەزىندە ەكسپوزيسيالارمەن ءبىر اپتا بويى تانىسادى. ءۇشىنشى اپتادا ستۋدەنتتەر شقو كاسىپورىندارىندا، سونىڭ ىشىندە بۇقتىرما گەس-دا تاجىريبەدەن وتەدى».
گەرمانيانىڭ DAAD اكادەميالىق الماسۋلار قىزمەتى - ستۋدەنتتەر مەن عىلىمي قىزمەتكەرلەردى حالىقارالىق الماسۋدى قولدايتىن ەڭ ءىرى ۇيىمداردىڭ ءبىرى. مىسالى، 2015 جىلى DAAD گەرمانيانىڭ 239 جوعارى وقۋ ورنىن جانە 122 ستۋدەنتتىك ۇيىمىن بىرىكتىردى. شەتەلدە، سونىڭ ىشىندە قازاقستاندا ونىڭ 15 وكىلدىگى، 55 اقپاراتتىق ورتالىعى بار.
You Might Also Like
-
1991 جىل 1-جەلتوقسان-تاۋەلسىز قازاقستان ءوز باسشىسىنا تاڭداۋ جاسادى. حالىقتىڭ باسىم كوپشىلىگى ۇلكەن سەنىم ارتىپ نۇرسۇلتان ءابىش ۇلى نازاربايەۆتى بيلىككە لايىق دەپ تانىدى.
-
ق ر جوعارى وقۋ ورىندارى قاۋىمداستىعىنىڭ ءتوراعاسى راxمان الشانوۆتىڭ ايتۋىنشا، اعىمداعى جىلى جاس ماماندار بىلىكتىلىك ورتالىقتارى ارقىلى جۇمىسقا تۇرا الادى.
