InfoHub Logo

ق ر جوعارى وقۋ ورىندارى قاۋىمداستىعىنىڭ ءتوراعاسى راxمان الشانوۆتىڭ ايتۋىنشا، اعىمداعى جىلى جاس ماماندار بىلىكتىلىك ورتالىقتارى ارقىلى جۇمىسقا تۇرا الادى.

"بيىل العاش رەت جۇمىس بەرۋشىلەر كاسىبي ستاندارتتاردى قالىپتاستىرۋ ەرەجەسىن بەكىتتى. سونىڭ نەگىزىندە ءبىز وقىتۋ باعدارلامالارىن جۇرگىزۋىمىز كەرەك. پرەزيدەنت تە وسى ماسەلەنى ەرەكشە اتاپ ءوتتى، جاڭعىرۋ شارالارى كەزىندە بىلىمگە نەگىزگى باسىمدىق بەرىلەدى. ال ءبىلىم بەرۋ جۇيەسى جۇمىس بەرۋشىلەردىڭ تالاپتارىنا ساي بولۋى شارت. دەمەك، الداعى ۋاقىتتا بارلىق ءبىلىم بەرۋ ستاندارتتارى كاسىبي ستاندارتتاردىڭ نەگىزىندە دايارلانادى. ەندى، جۇمىس بەرۋشىلەر بىلىكتىلىكتى تاعايىنداۋ ورتالىقتارىن قۇرىپ، سول جەردە وتاندىق مامانداردىڭ سۇرانىسقا ساي ەكەنىن دالەلدەيتىن كۋالىكتى بەرەتىن بولادى. قازىرگى كەزدە "اتامەكەن" پالاتاسى مامانداردى كۋالاندىرۋ ورتالىقتارىنىڭ ءتىزىمىن جۇرگىزۋگە ارنالعان ەرەجەنى ازىرلەدى. بۇل دەگەنىمىز، جوعارى وقۋ ورنى ديپلوم بەرەدى. سوسىن جۇمىسقا تۇرعىڭىز كەلسە، ورتالىققا باراسىز. ايتالىق، تاۋ-كەن سالاسى بويىنشا جۇمىس ىستەگىڭىز كەلسە، ارنايى ورتالىققا كەلەسىز، سول جەردەن ناقتى كاتەگوريا بويىنشا كۋالىك بەرىلەدى. ءسويتىپ، وندىرىسكە بارىپ، جۇمىس ىستەۋگە بولادى. ءبىز وسى ماسەلەنى ۇزاق تالقىلادىق. ەندى، العاش رەت وسىنداي شەشىم قابىلدانىپ وتىر"، - دەدى الشانوۆ بۇگىن ورتالىق كوممۋنيكاسيالار قىزمەتىندە وتكەن باسپا ءسوز ءماسليxاتىندا.

ايتا كەتەيىك، بۇعان دەيىن ق ر كاسىپوداقتار فەدەراسياسىنىڭ ءتوراعاسى ءابىلعازى قۇسايىنوۆ بيىلعى جولداۋدا كورسەتىلگەن ماسەلەلەرگە قاتىستى ءوز ويىن بىلدىرگەن. فەدەراسيا باسشىسى ارنايى ساۋالنامانىڭ ناتيجەسىندە قازىرگى ەڭ تومەنگى كۇنكورىس دەڭگەيىنىڭ انىقتالعانىن جەتكىزدى. ونىڭ ايتۋىنشا، اتالعان جۇمىستىڭ تولىق ەسەبى جاقىن ارادا ۇكىمەتتىڭ قاراۋىنا ۇسىنىلادى.  سونداي-اق ول قازىرگى كەزدە قازاقستاننىڭ ەڭبەك نارىعىندا 20 مىڭنان استام بوس جۇمىس ورىندارىنىڭ بار ەكەنىن مالىمدەدى. 

---