قازاقستاندا اعىلشىن تىلىندەگى وقۋلىقتار دايىندالۋدا
قازاقستاندا ءۇشتىلدى ءبىلىم بەرۋ باعدارلاماسى اياسىندا وقۋلىقتار دايىندالا باستادى.
ەسكە سالا كەتەيىك، ەلىمىزدىڭ مەكتەپتەرىندە ءۇشتىلدى وقىتۋ باعدارلاماسى ەنگىزىلۋدە. 2019 جىلدان باستاپ، جوعارى سىنىپتاردا (10-11-12 سىنىپتار) حيميا، فيزيكا، ينفورماتيكا مەن بيولوگيا اعىلشىن تىلىندە وقىتىلا باستايدى. باعدارلامانى 2023 جىلعا دەيىن كەزەڭ-كەزەڭىمەن ەنگىزۋ جوسپارلانعان.
«ءقازىر دايىندىق، جاساقتاۋ پروسەسى ءجۇرىپ جاتىر. ءبىزدىڭ ۇيىم («ۋچەبنيك» رەسپۋبليكالىق عىلىمي-تاجىريبەلىك ورتالىعى - رەد.) ساراپشى بولىپ تابىلادى، ءبىز اتالعان وقۋلىقتاردى ساراپتامادان وتكىزەمىز. ازىرگە ول وقۋلىقتار قولىمىزعا تيگەن جوق، ءبىراق ولار دايىندالۋدا. ءبىز ساراپتاما مەن وقۋلىقتاردىڭ تاجىريبەلىك تەكسەرىسىن 2017-2018 جىلدارى وتكىزۋدى جوسپارلاپ وتىرمىز»، - دەدى ۇيىم ديرەكتورىنىڭ ورىنباسارى سايات وماروۆ.
ونىڭ اتاپ وتكەنىندەي، نۇرسۇلتان نازاربايەۆتىڭ جولداۋىندا ءبىلىم سالاسىنا قاتىستى ايتىلعان تاپسىرمالار بىرنەشە مىندەتتى شەشۋگە باعىتتالعان. سونىمەن قاتار ءبىلىم بەرۋ سالاسى ەل دامۋىنىڭ ەڭ باستى فاكتورى رەتىندە ايشىقتالعان.
جولداۋدا ايتىلعان ءۇشتىلدى ءبىلىم بەرۋ باعدارلاماسىن كەزەڭ-كەزەڭمەن ەنگىزۋدەن كەيىنگى باستى مىندەتتەردىڭ ءبىرى - قارجىلىق جانە ITء-بىلىمدى دامىتۋ، جاستاردىڭ بويىندا پاتريوتتىق سەزىمدى قالىپتاستىرۋ. قالا جانە اۋىل مەكتەپتەرىندەگى ءبىلىم ساپاسىنىڭ ايىرماشىلىعىن قىسقارتۋ، مۇعالىمدەردىڭ تاپشىلىعىن جويۋ جانە جۇمىسسىز جۇرگەن نەمەسە ءوزىن-وزى جۇمىسپەن قامتىپ وتىرعان جاستارعا كاسىبي-تەحنيكالىق ءبىلىم بەرۋ.
You Might Also Like
-
الماتى وبلىسى، رايىمبەك اۋدانى شىبىشى اۋىلى «بەستوبە ورتا مەكتەبى مەكتەپكە دەيىنگى شاعىن ورتالىعىمەن» كمم-نىڭ 5 سىنىپ وقۋشىسى: تۇرعىنباي دوسجان
-
بۇل پىكىردى ق ر ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆ ءبىلدىردى.
