InfoHub Logo

گرەيپفرۋت – سيترۋستى جەمىس. ول اپەلسين مەن پومەلونىڭ توعىسۋىنان پايدا بولعان جەمىس. گرەيپفرۋت اعاشىنىڭ ۇزىندىعى 12 مەترگە دەيىن جەتەدى، ال جەمىسىنىڭ الماعى - 500 گرامم.

گرەيپفرۋت – قۇنارلىلىعى تومەن جانە ديەتالىق ءونىم. ونىڭ 100 گر-دا  بار بولعانى 32 ككال بار. كونسەرۆىلەنگەن گرەيپفرۋتتىڭ قۇنارلىلىعى – 37 ككال، ال گرەيپفرۋت شىرىنىندا 100 گر-عا 30 ككال. گرەيپفرۋت مايەگىنىڭ قۇرامىندا كوپتەگەن پايدالى زاتتار بار.  ولاردىڭ ىشىندە ا، رر، س، D، ۆ1، B2، ۆ9 دارۋمەندەرى؛ كاليي، ماگنيي، كالسيي، فوسفور، ناتريي، يود، جەلەزو، كوبالت، مەد، مارگانەس، سينك، فتoر مينەرالدارى، جاسۇنىق، انتيوكسيدانتتار مەن كاروتينويدتار بار. 

گرەيپفرۋت ارتىق سالماقپەن كۇرەسەتىن ديەتالىق ازىق بولىپ سانالادى. بۇل ونىڭ قۇرامىندا حولەستەريندى ىدىراتاتىن جانە شىعاراتىن، زات اينالىمىن جىلدامداتاتىن جانە قانت دەڭگەيىن ازايتاتىن زاتتاردىڭ بولۋىمەن بايلانىستى. قان قۇرامىنداعى حولەستەريننىڭ دەڭگەيىن قالىپتاستىرۋ جانە ديابەت كەزىندە ءينسۋليندى قولدانۋدى ازايتۋ ءۇشىن ديەتولوگتار كۇنىنە كەم دەگەندە ءبىر گرەيپفرۋتتى جەۋدى ۇسىنادى.   
اسقازان ءسولىنىڭ قىشقىلى تومەن بولۋىنا بايلانىستى اسقازان-ىشەك جولدارىمەن اۋىراتىن ادامدارعا دا دارىگەرلەر 200-250 گر گرەيپفرۋت شىرىنىن ىشۋگە كەڭەس بەرەدى. جاسى ۇلعايعان ادامداردىڭ گرەيپفرۋت قولدانۋى ارتەريالىق قىسىمدى تومەندەتۋگە جانە اتەروسكلەروزدىڭ بەلگىلەرىمەن كۇرەسۋگە كومەكتەسەدى. سونىمەن بىرگە، گرەيپفرۋتتىڭ قۇرامىنداعى زاتتار ۇيقىنى رەتتەيدى، جۇيكە جۇيەسىنىڭ جۇمىسىنا وڭ اسەرىن تيگىزەدى، باس اۋىرۋىن ازايتادى.

قۇرامىنداعى دارۋمەندەر يممۋندىق جۇيەنى نىعايتادى جانە ىسىكتى باسادى. گرەيپفرۋتتىڭ ەفير مايى تىنىشتالدىراتىن جانە دەمالدىراتىن قاسيەتكە يە، سوندىقتان ونى ۆانناعا نەمەسە اروما شامعا قوسۋعا بولادى.

گرەيپفرۋتتىڭ زيانى بار ما؟

اسقازاندا جاراسى بار، اسقازانىندا قىشقىل قۇرامى باسىم كەلەتىن ادامدارعا جەۋگە بولمايدى. بالا كوتەرتپەيتىن دارىلەردى قابىلدايتىن ايەلدەرگە دە جەۋگە بولمايدى، سەبەبى ول ءدارىنى جارامسىز ەتىپ، دەنساۋلىققا دا كەرى اسەرىن تيگىزۋى مۇمكىن. سونىمەن قاتار بۇل جەمىستى قان قىسىمىن ازايتاتىن دارىلەرمەن قاتار قابىلداۋعا بولمايدى.

ەگەر بۇيرەگىڭىز اۋراتىن بولسا بۇل جەمىستى جەۋگە بولمايدى. سونىمەن قاتار گرەيپفرۋتتى ۇنەمى جەسەڭىز، ءتىس ەمالى بۇزىلادى.

---