InfoHub Logo

قازاقستان پرەمەر-مينيسترى ولجاس بەكتەنوۆ بيىل تۇرعىن ۇي-كوممۋنالدىق قىزمەت (تكش) تاريفتەرىنىڭ ءوسۋى جالعاساتىنىن مالىمدەدى. ونىڭ ايتۋىنشا، بۇل – اۋىر، ءبىراق قاجەتتى قادام.

بەكتەنوۆتىڭ سوزىنە قاراعاندا، ينفلياسيانى تەجەۋ ءۇشىن بۇعان دەيىن تاريف ءوسىمىنىڭ قارقىنى باسەڭدەتىلگەن. الايدا بۇل – مۇلدە وسپەيدى دەگەن ءسوز ەمەس. ۇكىمەت باسشىسى بۇل ماسەلە توڭىرەگىندە جالعان ءۇمىت تۋدىرماۋعا تىرىساتىنىن ايتتى.

 تاريفتەردىڭ ءوسىمى جالعاسادى. بۇل – جانعا باتاتىن ماسەلە. ءبىز ۇزاق ۋاقىت تاريفتەردى ۇستاپ كەلدىك. سونىڭ سالدارىنان ەكىباستۇزدا اپات بولدى. ەگەر قىستا جىلى بولسىن، جارىق پەن سۋ ۇزىلمەسىن دەسەك، تاريفتەر ءوسۋى كەرەك. بۇل – حالىققا جاقسى كورىنۋ ءۇشىن جاسىراتىن نارسە ەمەس. جوق، تاريفتەر وسەدى. وسى ارقىلى تكش سالاسىنا ينۆەستيسيا تارتامىز، – دەدى بەكتەنوۆ.

پرەمەر-مينيستر قازىرگى ماقسات – تاريفتەردى ينفلياسياعا قىسىم تۇسىرمەيتىندەي ەتىپ كەزەڭ-كەزەڭىمەن ۇلعايتۋ ەكەنىن اتاپ ءوتتى.