InfoHub Logo

شىمكەنت قالاسىندا تۇراتىن كوپبالالى وتباسى ءبىر ساتتە باسپاناسىز قالۋى مۇمكىن ەدى. تۇراقتى تولەم جاساي الماعان تۇرعىننىڭ ماسەلەسى سوتقا دەيىن جەتىپ، تەك مەدياسيا ارقىلى وڭ شەشىمىن تاپتى.

باستاپقىدا ءۇش بولمەلى پاتەردى جالعا الىپ، كەيىن ونى ساتىپ الۋ شارتىمەن يپوتەكالىق كەلىسىمگە وتىرعان ەر ادام بەلگىلەنگەن تولەمدەردى كەشىكتىرە باستاعان. جينالعان بەرەشەك كولەمى ەكى ميلليون تەڭگەگە جۋىقتاعان كەزدە، يپوتەكالىق ۇيىم ازاماتتىق سوتقا جۇگىنىپ، شارتتى بۇزۋ جانە تۇرعىندى ۇيدەن شىعارۋ تۋرالى تالاپ قويدى.

داۋلى ءىس اپەللياسيالىق دەڭگەيگە دەيىن كوتەرىلىپ، اقىرى ەكى تاراپ كەلىسىمگە كەلگەن. سوت تاراپتاردى تاتۋلاستىرىپ، پاتەردەن شىعارۋ تالابىن قابىلدامادى. وسىلايشا، كوپبالالى وتباسى باسپاناسىن ساقتاپ قالدى.