InfoHub Logo

الەۋمەتتىك جەلىدە شۋلى مالىمدەمەسىمەن ەل نازارىن اۋدارتقان ءشامشى قالداياقوۆ اتىنداعى وبلىستىق فيلارمونيا ءانشىسى، "ەرەن ەڭبەگى ءۇشىن" مەدالىنىڭ يەگەرى ناركەنجە سەرىكبايەۆا فيلارمونيا ديرەكتورى عالىمجان ەرنازاروۆپەن تاتۋلاسقانىن مالىمدەدى.

سەرىكبايەۆانىڭ ايتۋىنشا، ارنايى كوميسسيا قۇرىلىپ، تاراپتار بىر-بىرىنە تۇسىنىستىكپەن قاراپ، كەشىرىم سۇراسقان.

> «كەشەلى بەرى ماعان جاناشىرلىق تانىتىپ، قولداۋ ءبىلدىرىپ جاتقاندارىڭىزعا راحمەت! بۇگىن مەكەمەگە كەلىپ، اكىمشىلىكتىڭ ۇيىمداستىرۋىمەن عالىمجان ەرنازاروۆ ەكەۋمىز مامىلەگە كەلدىك. ءبىر-بىرىمىزدى كەشىردىك»، – دەپ جازدى ءانشى ءوزىنىڭ الەۋمەتتىك جەلىدەگى پاراقشاسىندا.

فيلارمونيا ديرەكتورىنىڭ سوزىنشە، جاعدايعا بايلانىستى رەسمي كوميسسيا كەلىپ، ەكى تاراپتىڭ شاعىمىن قاراستىرعان.

ەسكە سالايىق، بۇعان دەيىن ناركەنجە سەرىكبايەۆا الەۋمەتتىك جەلىدە مەكەمە باسشىسىنىڭ ءوزىن «يىسكەۋگە» ماجبۇرلەگەنىن، مورالدىق قىسىم كورسەتكەنىن مالىمدەپ، قوعامنىڭ قىزۋ تالقىسىنا ۇشىراعان ەدى.