
- 26 ماۋ. 2025 01:03
- 14
ترامپ: اقش-تىڭ قورعانىس مينيسترلىگىن ۋاقىتشا «سوعىس مينيسترلىگى» دەپ اتاۋ كەرەك!
ترامپ: اقش-تىڭ قورعانىس مينيسترلىگىن ۋاقىتشا «سوعىس مينيسترلىگى» دەپ اتاۋ كەرەك!
– دەپ حابارلايدى Infohub.kz.
اقش پرەزيدەنتى دونالد ترامپ قورعانىس مينيسترلىگىنىڭ اتاۋىن ۋاقىتشا «سوعىس مينيسترلىگى» دەپ وزگەرتۋدى ۇسىندى. بۇل تۋرالى ول جاقتاستارى الدىندا سويلەگەن سوزىندە ايتتى.
«مۇمكىن ءبىز ونى بىر-ەكى اپتا بويى وسىلاي اتايتىن شىعارمىز، ويتكەنى ءقازىر ءوزىمىزدى جاۋىنگەر رەتىندە سەزىنەمىز. بۇرىن ونى “سوعىس ءمينيسترى” دەيتىنبىز. اق ءۇيدىڭ جانىنداعى ەسكى عيماراتتا كەزىندە سوعىس ءمينيسترى وتىرعان. كەيىن ءبىز اتاۋدى ساياسي تۇرعىدان دۇرىسى – “قورعانىس ءمينيسترى” دەپ وزگەرتكەنبىز»، – دەدى ترامپ.
ول بۇل ۇسىنىسىن ءازىل مەن نوستالگيا ارالاس ۇندە ايتتى. دەگەنمەن، ترامپتىڭ سوزدەرى اقش-تىڭ قازىرگى اسكەري ساياساتىنا قاتىستى كوزقاراسىن ءبىلدىرۋى مۇمكىن. ساياسي شولۋشىلار بۇل مالىمدەمەنى ونىڭ اگرەسسيۆتى ۇستانىمدارىنىڭ كورىنىسى دەپ باعالاۋدا.