يران مەن يزرايل اراسىنداعى 12 كۇندىك سوعىس 638 ادامنىڭ ءومىرىن قيدى
يران مەن يزرايل اراسىنداعى 12 كۇندىك سوعىس 638 ادامنىڭ ءومىرىن قيدى
– دەپ حابارلايدى ينفوحاب.كز.
13 ماۋسىمدا باستالعان يران مەن يزرايل اراسىنداعى قاقتىعىس ەكى تاراپقا دا اۋىر شىعىن اكەلدى. يران دەنساۋلىق ساقتاۋ مينيسترلىگىنىڭ مالىمەتىنشە، بۇل ۋاقىت ارالىعىندا ەلدە 610 ادام قازا تاۋىپ، 4746 ادام جاراقات العان. ال يزرايل بيلىگىنىڭ حابارلاۋىنشا، يران ەكى اپتا ىشىندە 500-دەن اسا بالليستيكالىق زىمىران جانە مىڭداعان درون ۇشىرعان. بۇل شابۋىلداردىڭ سالدارىنان 28 ادام قازا تاپتى، ينفراقۇرىلىمنىڭ ءبىرشاما بولىگى قيراپ، جۇزدەگەن ءۇي ادام تۇرۋعا جارامسىز كۇيگە ءتۇستى.
قازىرگى تاڭدا ەكى ەلدە دە قالپىنا كەلتىرۋ جۇمىستارى ءجۇرىپ جاتىر. الايدا يراندا قاقتىعىس سالدارىن تەك سىرتتان ەمەس، ىشتەن دە ىزدەۋدە. ەل بيلىگى يزرايل تىڭشىسى دەگەن كۇدىكپەن 700-دەن اسا ادامدى قاماۋعا الدى. ولاردىڭ قاتارىنان ءۇش ادامعا ءولىم جازاسى تاعايىندالدى.
يران ۇكىمەتىنىڭ مالىمدەۋىنشە، ۇستالعاندار اراسىندا "موسسادقا جۇمىس ىستەگەن ديۆەرسانتتار" بار. ولار ەل اۋماعىنا كونتراباندالىق جولمەن قارۋ-جاراق پەن ارنايى جابدىقتار كىرگىزىپ، يرانداعى تانىمال تۇلعالاردىڭ ولىمىنە تىكەلەي سەبەپكەر بولعان.
قاقتىعىستىڭ توقتاعانىنا قاراماستان، جاعداي تولىق تۇراقتالعان جوق. ساراپشىلاردىڭ ايتۋىنشا، تاياۋ شىعىستاعى احۋال كەز كەلگەن ساتتە قايتا ۋشىعۋى مۇمكىن.
You Might Also Like
-
قازاقستاندىق تۋريستەر تاياۋ شىعىستاعى جاعدايعا بايلانىستى دۋبايدان شۇعىل ەۆاكۋاسيالاندى،دەپ جازادى ينفوحاب ءتىلشىسى.
-
يندونەزيادا ەسىرتكى تاسىمالداعان ەكى قازاقستاندىققا ءولىم جازاسى تاعايىندالۋى مۇمكىن
