InfoHub Logo

ساباقتىڭ تاقىرىبى: جامبىل جابايەۆتىڭ ءومىرى مەن ولەڭدەرى (پرەزەنتاسياسىمەن)

ساباقتىڭ ماقساتى: 1. بىلىمدىلىك: اقىننىڭ ءومىرى مەن شىعارماشىلىعى تۋرالى تۇسىنىك بەرۋ. ولەڭدەرىنىڭ مازمۇنى مەن يدەياسىن اشۋ.
2. دامىتۋشىلىق: كوركەم ويلاۋ، جۇيەلى سويلەۋ داعدىلارىن قالىپتاستىرۋ.
3. تاربيەلىك: اقىن ولەڭدەرىن ناسيحاتتاي وتىرىپ، وقۋشىنى وتانسۇيگىشتىككە، ادالدىققا، ادىلدىككە تاربيەلەۋ.

ساباقتىڭ ءتيپى: جاڭا ءبىلىمدى مەڭگەرۋ.
ساباقتىڭ ءتۇرى: ارالاس ساباق
ءپانارالىق بايلانىس: تاريح، ونەر، گەوگرافيا
ساباقتىق كورنەكىلىگى: ج. جابايەۆتىڭ سۋرەتى، شىعارمالارى، بۋكلەت، سلايد.

ساباقتىڭ ءجۇرۋ بارىسى
ءى. ۇيىمداستىرۋ ءساتى
1. وقۋشىلارمەن سالەمدەسۋ
2. كەزەكشى ارقىلى تۇگەلدەۋ
3. سىنىپ تازالىعىنا كوڭىل ءبولۋ
4. وقۋشى نازارىن ساباققا اۋدارۋ

ءىى. ءۇي تاپسىرماسىن سۇراۋ
بالالار، ءىلياس جانسۇگىروۆتىڭ اسقان اقىندىق تالانتى ونىڭ پوەما جانرىندا اسىرەسە ايقىن كورىنەدى.
1. ولاي بولسا، اقىننىڭ قانداي پوەمالارىن بىلەمىز؟
2. «كۇي»، «كۇيشى» پوەمالارىنىڭ نەگىزگى تاقىرىبى نە؟
3. كەنەسارى حان تۋرالى قاي پوەماسىندا ايتىلادى؟
4. «دالا» پوەماسى قازاقستاننىڭ نەشە جىلدىق تويىنا ارنالعان؟
5. «دالا» پوەماسى قانداي تاراۋلاردان تۇرادى؟
6. وسى پوەمادا اقىن كوبىنەسە قانداي كوركەمدىك ءتاسىلدى قولدانعان؟
7. «قۇلاگەر» پوەماسىندا كىمنىڭ ءومىرى سۋرەتتەلگەن؟

ءىىى. جاڭا ساباق
ساباقتىڭ تاقىرىبىن، ماقساتىن حابارلاۋ.
ءجۇز جىل جىرلاعان جۇرەك (سلايد - 1)
ءجۇز جىل ءومىر كەشكەن اقىندا نەشە ءجۇز جىلدار ونەرى مەن شەبەرلىگى تۇيىسكەن. (م. اۋەزوۆ) (سلايد - 2)وي قوزعاۋ سۇراقتارى
1. بالالار، جامبىل جابايەۆتى قاي شىعارماسى ارقىلى جاقسى بىلەسىڭدەر؟
2. قازاق ادەبيەتىندە اقىننىڭ الاتىن ورنى قانداي؟

ءمۇعالىمنىڭ تۇسىندىرمەسى
1. اقىننىڭ دۇنيەگە كەلۋى
2. اقىننىڭ ۇستازدارى مەن اقىندىق ورتاسى. (ءسۇيىنبايدان جامبىلدىڭ باتا الۋ ساتىنەن كورىنىس) (سلايد - 3)
3. ايتىستارى
4. ساتيرالىق ولەڭدەرى
5. وتانشىل ولەڭدەرى
6. ۇلى وتان سوعىسى جىلدارىنداعى ولەڭدەرى.

ءىV. ساباقتى بەكىتۋ. حرونولوگيالىق كەستە تولتىرۋ.
جىلدار نەگىزگى وقيعالار
1846 ج.------- اقىن دۇنيەگە كەلدى
1863 - 64 ج.---- قوقان حاندىعى بيلىك قۇردى
1881 ج.------- قۇلمامبەتتى جەڭدى
1916 ج.------- ۇلت ازاتتىق كوتەرىلىس
1936 ج.------- قازاقستان كوركەم ادەبيەتىنىڭ ونكۇندىگى
1941 - 1945 ج.---- ۇلى وتان سوعىسى
1945 ج.------ دۇنيە سالدى
شىعارمالارى
«كەدەي كۇيى»
«ءزىلدى بۇيرىق»، «پاتشا ءامىرى تارىلدى»
«تۋعان ەلىم»
«لەنينگرادتىق ورەنىم»، «اتا جاۋمەن ايقاستىق»

1. بالالار، جامبىل اتامىزدىڭ ولەڭدەرىن جاتقا ايتاتىندارىڭ بار ما؟
(ۇلى وتان سوعىسى كەزىندە جازعان ولەڭدەرىن وقۋشىلار جاتقا ايتادى)
2.«ءزىلدى بۇيرىق»، «پاتشا ءامىرى تارىلدى» ولەڭدەرى مانەرلەپ وقىلادى.
3. مازمۇنى اشىلادى
4. ولەڭنەن كەيىپكەرلەردى تابۋ.
كەيىپكەرلەر الەمى
كوپەس، حالىق، پاتشا، گۋبەرناتور، جاندارال، پريستاۆ، بولىس

ولەڭدى قۇرىلىسىنا قاراي تالداۋ
«ءزىلدى بۇيرىق»
«ۆەرنىيدىڭ» // «قادام باسپاي» // «قالاسىنا» - ا
كەمپىر، شال //جىلاپ جاتىر// بالاسىنا – ا
ەشبىر ەم // تابىلمادى // ىزدەسە دە – ب
حالىقتىڭ // جۇرەكتەگى // جاراسىنا – ا

4 تارماقتى، 1 شۋماقتى، 11 بۋىندى،
3 بۋناقتى قارا ولەڭ ۇيقاسى.

ادەبيەت تەورياسى بويىنشا ولەڭنەن كوركەمدەۋىش سوزدەردى تابۋ.
كوكورايعا جايىلعان
سەكىلدى ەدىك ۇيرەك، قاز
(تەڭەۋ)

كوگەن كوزدى قوساقتاپ،
قالاي قيىپ بەرەرمىز؟!
كوزدىڭ جاسى مونشاقتاپ،
كوڭىل شەر بوپ ولەرمىز.
كوك جايلاۋدى قالدىرىپ،
قايدا كوشىپ كەتەرمىز؟!
(الليتەراسيا)

V. ساباقتى قورىتۋ «توپتاستىرۋ»
جامبىل
↓
ۇستاز
اقىن
شاكىرت
داستان

Vءى. ۇيگە تاپسىرما:
اق باستى الاتاۋدىڭ جامبىلىمىن (شىعارما)
Vءىى. باعالاۋ: جاۋاپتارىنا قاراي باعالاۋ.