جامبىلدىق وقۋشىلار ينسۋلت، ينفاركتان قۇتقاراتىن ساعات جاسادى
جامبىلدىق وقۋشىلار ادام ءومىرىن قۇتقاراتىن ساعات جاسادى. «ەكىنشى جۇرەك» دەپ اتالاتىن ساعات ينسۋلت، ينفاركت جانە تاعى دا باسقا تالما اۋرۋلارى بار ناۋقاستارعا ارنالعان. ول يەسىنىڭ جۇرەك سوعىسى مەن قان قىسىمىن باقىلاۋدا ۇستاپ، ادام ومىرىنە ءقاۋىپ تونگەن جاعدايدا بەلگى بەرەدى.
بۇل اقىلدى ساعاتتى دارىندى بالالارعا ارنالعان وبلىستىق مامانداندىرىلعان ليسەيدىڭ 9-سىنىپ وقۋشىسى دۋلات يسابەك پەن 8-سىنىپ وقۋشىسى اديا تۇرسىنباي ويلاپ تاپقان.
ساعاتقا دەنە تەمپەراتۋراسىن، قانداعى وتتەگى پايىزىن، جۇرەك قاعىسىن باقىلاپ تۇرۋ فۋنكسيالار ەنگىزىلگەن. سونداي-اق، ول ناۋقاس قۇلاپ قوزعالىسسىز قالعان جاعدايدا تۋىسىنا نەمەسە جەدەل جاردەمگە دابىل جىبەرەدى. ەڭ باستىسى، ناۋقاستىڭ مەكەن-جايىن، جاتقان جەرىن ناقتى كورسەتەدى.
«ناۋقاستارعا ءتۇرلى سەبەپتەرمەن العاشقى كومەك ۋاقىتىنان كەش بەرىلىپ جاتاتىن كەزدەر بولادى. وسىنداي جاعدايلاردىڭ الدىن الۋ جانە ناۋقاستارعا كومەكتەسسەك دەگەن ويمەن العاشقى كومەكتىڭ جەدەل كەلۋىن قامتاماسىز ەتەتىن ساعاتتى جاساپ شىعاردىق»، - دەيدى جاس ونەرتاپقىش دۋلات يسابەك.
وقۋشىلاردىڭ ونەرتابىسىن سىناپ كورۋ ءۇشىن كارديولوگ پەن پاسيەنتتەردىڭ ءپورتاتيۆتى اپپاراتپەن ديناميكالىق باقىلاۋى جۇرگىزىلدى. دۋلات پەن اديا الداعى ۋاقىتتا ساعاتتى ادامداردىڭ ۇنەمى تاعىپ جۇرۋىنە ىڭعايلى ەتىپ جاساۋ جولدارىن قاراستىرۋدا.
You Might Also Like
-
قويگەلدى ءتۇرلى شايقاستا جەكپە-جەككە شىققاندا جەڭىلىس كورمەي، جوڭعاردىڭ توعىز باتىرىن ءولتىرىپ، قازاق قولىن جەڭىسكە رۋحتاندىرعان. كەيىن ساردار بولىپ قول باسقارعاندا دا، ول اسكەري سوعىس ءتاسىلىن جەتىك ...
-
جانىبەك باتىردىڭ اكەسى بەرداۋلەت ارعىننىڭ قاراكەسەك رۋىنان شىققان قازىبەك ءبيدىڭ قىزىمەن ۇيلەنگەننەن كەيىن ايەلى بىرنەشە جىل بالا كوتەرمەي ءجۇرىپ، سوڭىندا جانىبەكتى كورىپتى. پەرزەنتكە زار اتا-انا جاس...
