مىڭباي باتىر
مىڭباي جاستايىنان پىسىق بولىپ ءوسىپ، «باتىل بالا» اتانادى. ول اڭعا شىققاندا دا باتىلدىق كورسەتىپ، «مەرگەن بالا» اتانعان. ۇستىنە مىنگەن سوڭ قانداي اساۋ تاي، قۇنان تۇگىلى ات تۋلاسا دا، جىعىلمايدى ەكەن. مىڭباي اتتىڭ ۇستىندە ءوزى وتىرىپ، قاسىنا كەلگەن ادامدى جاعاسىنان ۇستاپ جوعارى تىك كوتەرىپ اكەتەتىن كۇشتى دە بولعان.
مىڭباي باتىر سىرىم باتىر جانە سۇيىنقارامەن زامانداس، بىرگە بولعان. بۇلار قالماقتاردى ەدىل-جايىقتان ماڭعىستاۋ، اتىراۋ تۇبەكتەرىنەن قۋىپ، استراحاننان ءارى اسىرىپ جىبەرگەن. اقىن مۇرات موڭكە ۇلى بىلاي دەپ جىرلاعان:
بيسميللا ءسوز باستايىن جاپپار قۇداي،
اسىلىم توپىراقتان، دەنەم سۋداي.
وتپەگەن اتسا مىلتىق، شاپسا قىلىش،
ءوتىپتى تالاشىدا باتىر مىڭباي...
بىردە مىڭباي الىس جولدان شارشاپ، سۋساپ كەلە جاتىپ، ءبىر جالعىز اقبوز ۇيگە تاپ بولادى. ۇيدە بويجەتكەن قىز وتىرادى. اكە-شەشەسى قاسىنداعى اۋىلعا تويعا كەتىپتى. قىز كەلگەن ادامنان قورقادى.
ونى بايقاعان مىڭباي باتىر: «قالقام، مەنەن قورىقپا. زيانىم جوق اداممىن»، — دەيدى.
قىز شاي قايناتىپ بەرەدى. مىڭباي كەرەگە باسىنداعى ءىلۋلى تۇرعان ساداقتى الىپ، بىر-ەكى رەت تارتىپ كورەدى دە، ورنىنا قايتىپ ءىلىپ قويادى. قىز شىعىپ، تويدان كەلگەن اكە-شەشەسىنە ۇيدە قوناقتىڭ بارىن، ونىڭ ساداقتى تارتىپ كورگەنىن ايتادى. ۇي يەسى مىڭباي باتىرمەن تانىسىپ، ءۇش كۇن قوناق ەتەدى. كەتەرىندە ءۇي يەسى مىڭبايعا ات مىنگىزىپ، ساداقتى قوسا بەرەدى.
وقۋعا كەڭەس بەرەمىز:
You Might Also Like
-
مەملەكەت باسشىسىنىڭ تاپسىرماسىنا سايكەس 2 جاستان 6 جاسقا دەيىنگى بالالاردى مەكتەپكە دەيىنگى بىلىممەن قامتۋ ماقساتىندا جىل سوڭىنا دەيىن رەسپۋبليكا بويىنشا 81 مىڭ جاڭا ورىن اشۋ جوسپارلانىپ وتىر. ەلىم...
-
جوڭعار شاپقىنشىلارىنىڭ قازاق دالاسىن جاۋلاۋعا مول دايىندىقپەن، باسىم كۇشپەن كەلگەن قولىنا قارسى اتتانعان ابىلاي باستاعان قازاق قولى دا قاتتى شايقاسادى. سان شەگىنىپ، سان جەڭىپ، ىلگەرىلەۋدىڭ بىرىندە ...
