فوتو: الەۋمەتتىك جەلى
تەمىرتاۋدا 18 جاستاعى جىگىت كولىك ۇرلاپ، جول اپاتىنا ءتۇستى
تەمىرتاۋدا 18 جاستاعى جىگىت كولىك ۇرلاپ، جول اپاتىنا ءتۇستى
تەمىرتاۋدىڭ 18 جاستاعى تۇرعىنى استانادا كولىك ۇرلاپ، ءىرى جول اپاتىنا ءتۇستى. سالدارىنان ءۇش ادام زارداپ شەكتى، دەپ حابارلايدى Infohub.kz.
وقيعا سۋرەتتەرى Threads الەۋمەتتىك جەلىسىندە جاريالاندى. وندا اۆتوكولىكتىڭ ەكىگە ءبولىنىپ قالعانى انىق كورىنەدى.
"تەمىرتاۋدىڭ 18 جاستاعى تۇرعىنى Changan Deepal S07 اۆتوكولىگىن زاڭسىز يەلەنگەن. ول قالا ىشىندە جول قوزعالىسى ەرەجەلەرىن ورەسكەل بۇزىپ، اينالاسىنداعىلارعا ءقاۋىپ توندىرگەن. ناتيجەسىندە ءۇش ادام زارداپ شەككەن جول اپاتى بولدى. ولاردىڭ بارلىعى اۋرۋحاناعا جەتكىزىلدى. كولىك ۇرلاعان ادام جاراقات الماعان"، – دەدى پوليسيا دەپارتامەنتى وكىلدەرى.
كۇدىكتى ۇستالىپ، ۋاقىتشا ۇستاۋ يزولياتورىنا قامالدى. قىلمىستىق ءىس قوزعالىپ، تەرگەۋ جۇرگىزىلىپ جاتىر.
زارداپ شەككەندەردىڭ جاعدايى ازىرگە بەلگىسىز. رەداكسيا قالالىق قوعامدىق دەنساۋلىق ساقتاۋ باسقارماسىنان رەسمي اقپارات كۇتىپ وتىر.
You Might Also Like
-
الماتى وبلىستىق سوتى شەرزات ءىسى بويىنشا ۇكىمدى وزگەرىسسىز قالدىردى،-دەپ حابارلايدى ينفوحاب.كز.
-
استانادا ەر ادام ءوزىن تابىستى كاسىپكەر رەتىندە كورسەتىپ، ءتورت ادامدى ىسكەرلىك ىنتىماقتاستىق ماقساتىندا اۆتونەسيە الۋعا كوندىرگەن. نەسيەلەردى تولەمەي ءىزىن سۋىتقان كۇدىكتىگە سوت ۇكىمى شىقتى، دەپ حابارلايدى Infohub.kz.
