InfoHub Logo

جامبىل وبلىسىندا ورنالاسقان وندىرىستىك كاسىپورىندا ەڭبەك داۋى قىلمىستىق ىسكە ۇلاستى. جۇمىسشى مەن قىتايلىق باسشىنىڭ اراسىندا تۋىنداعان جانجال توبەلەسكە ۇلاسىپ، سوت زالىندا اياقتالدى.

وقيعا وندىرىستىك قۇجاتقا — جۇمىس ۋاقىتىن ەسەپتەيتىن تابەلگە قول قويۋ كەزىندە باستالعان. قىزمەتكەر باستىعىنا قۇجاتپەن جۇگىنگەندە، ول قول قويۋدان باس تارتىپ، ەكەۋارا داۋ تۋعان. اشۋعا بۋلىققان جۇمىسشى ءوزىن ۇستاي الماي، باسشىسىن بىرنەشە رەت بەتىنەن جانە دەنەسىنەن ۇرىپ جىبەرگەن.

جابىرلەنۋشى مەديسينالىق كومەككە جۇگىنىپ، ارتىنشا پوليسياعا ارىز جازعان. جۇمىسشىعا ق ر قىلمىستىق كودەكسىنىڭ 107-بابى ("دەنساۋلىققا قاساقانا ورتاشا اۋىرلىقتاعى زيان كەلتىرۋ") بويىنشا ايىپ تاعىلدى.

سوت بارىسىندا ايىپتالۋشى كىناسىن تولىق مويىنداپ، كەشىرىم سۇراپ، قاتاڭ جازا قولدانباۋدى وتىنگەن. ءبىراق جابىرلەنۋشى كەشىرىم بەرمەدى جانە مورالدىق زيان مەن شىعىننىڭ ورنىن تولتىرۋ ءۇشىن 1 ميلليون تەڭگە تالاپ ەتتى.

سوت ۇكىمىمەن جۇمىسشىعا 40 ايلىق ەسەپتىك كورسەتكىش — 157 280 تەڭگە كولەمىندە ايىپپۇل سالىندى. سونىمەن قاتار، ول 500 مىڭ تەڭگە كولەمىندە وتەماقى تولەۋگە مىندەتتەلدى.