ەرمۇرات ءباپي توقايەۆ ساياساتىن ماقتاپ ماقالا جازدى، ءبىراق وتكىر ماسەلەلەردى اينالىپ ءوتتى
ءماجىلىس دەپۋتاتى، بۇرىنعى وپپوزيسيالىق جۋرناليست ەرمۇرات ءباپي 3 شىلدەدە «ەسكى دە، جاڭا ەل تۋرالى قيسىنسىز ميفتەر» اتتى ماقالا جاريالاپ، قازىرگى پرەزيدەنت قاسىم-جومارت توقايەۆتىڭ ساياساتىن جاعىمدى قىرىنان سيپاتتاۋعا تىرىسقان. ماقالا datnews.info سايتىندا شىقتى.
ءباپي بۇل جازباسىندا نۇرسۇلتان نازاربايەۆ كەزەڭىن سىناپ، سول تۇستا «تارتىپكە» قارسى شىققانداردىڭ قۋدالانعانىن ەسكە سالعان. الايدا قاسىم-جومارت توقايەۆ تۇسىندا ورىن العان ساياسي قۋعىندار تۋرالى ەشتەڭە جازباعان.
دەپۋتات پارتيا قۇرۋ جەڭىلدەدى دەگەن تۇجىرىمىن العا تارتقانىمەن، بىرنەشە مارتە تىركەۋدەن وتە الماي جۇرگەن «العا، قازاقستان» وپپوزيسيالىق پارتياسىنىڭ جاعدايىنا توقتالماعان. بۇل پارتيانىڭ جەتەكشىسى مارات جىلانبايەۆ 7 جىلعا سوتتالعان.
سونداي-اق ەرمۇرات ءباپي باق-قا قىسىم ازايدى دەگەن پىكىر ايتقانىمەن، بۇل تەزيس تە قوعامدا داۋ تۋعىزدى. ول ماقالادا تۇرمەدەگى جۋرناليست دۋمان مۇحاممەدكارىم، نە كييەۆتە جۇمباق جاعدايدا قازا تاپقان «باسە» ارناسىنىڭ اۆتورى ايدوس سادىقوۆ تۋرالى بىردە-بىر ءسوز قوزعاماعان.
ساياسي ساراپشىلار ءباپيدىڭ بۇل ماقالاسىن بيلىككە «جاقىنداۋ» ارەكەتى رەتىندە باعالاسا، كەي وقىرماندار ونى وپپوزيسيالىق كوزقاراستان تولىقتاي باس تارتتى دەپ سىناپ جاتىر.
You Might Also Like
-
يران يسلام ريەۆوليۋسياسى ساقشىلار كورپۋسى اسكەري-تەڭىز كۇشتەرىنىڭ قولباسشىسى، بريگادا گەنەرالى اليزەرا تانگسيري ورمۋز بۇعازىنىڭ جابىلاتىنىن حابارلادى. بۇل بۇعاز – عالامدىق مۇناي تاسىمالىنىڭ كۇرەتامىر...
-
قارجى مونيتورينگى اگەنتتىگى بۇرىنعى جوعارى لاۋازىمدى تۇلعالاردىڭ ءىرى كولەمدە پارا الۋ دەرەگى بويىنشا تەرگەۋ جۇرگىزىلىپ جاتقانىن راستادى. قىلمىستىق ىسكە «ەڭبەك رەسۋرستارىن دامىتۋ ورتالىعى» اق مەن «ب...
