جاڭا جىلعا باتا
— ۋا، جاراتقان قۇدىرەت! جاڭا جىلدا بارلىق اۋىرتپالىق، قىستامشىلىق- قيىندىق وتكەن جىلمەن كەتىپ، جاڭا جىلدا ەلىمىزگە، ءار وت باسىنا تىنىشتىق، بەيبىتشىلىك بەرە گور!
— قايران قازاقستانىمىزدى بالە-جالادان، ءزىل-زالادان، قايعى-قاسىرەتتەن ساقتاي گور!
— ءيا، قۇداي! ەلىمىزدىڭ تاۋەلسىزدىگى، ەركىندىگى باياندى بولىپ، حالقىمىزدىڭ بىرلىگى، تاتۋلىعى، باۋىرمالدىعى ارتا ءتۇسسىن، «ەڭبەك — ەش، تۇز — سور» بولعاننان ساقتاسىن.
— ەڭبەككە ىنتا-جىگەر تاسي بەرسىن!
— جاراتقان قۇدىرەت! ەل باسشىلارىنا اعىل-تەگىل اقىل، يماندىلىق پەن راحىم بەرگەي!
— اكىمدەرىمىز نىساپتى، ادال دا ءادىل بولسىن، ولارعا بيىك ءورىس، نارىقتى پاراسات بەرە گور!
— ەلىمىزگە مولشىلىق، تويىمدىق، بەرەكە بەرسىن.
— جالقاۋلار، ەرىنشەكتەر مەن اراققۇمارلار ارامىزدان ارىلسىن.
— نامىستى، باتىر دا باتىل ازاماتتار ورتامىزدا كوپ بولسىن.
— ەلىمىزدە ادەت-عۇرىپ، سالت-سانا، ءداستۇرىمىز وركەن جايا بەرسىن!
— حالقىمىز ىزگىلىك نۇرىنا بولەنىپ، وتباسىلارىمىزدىڭ ءاردايىم بەرەكە ارىلماسىن!
شەرحان مۇرتازا
You Might Also Like
-
بەرىك بولسىن باۋلارى بالاڭىزدىڭ، باسپاي ءوتسىن بىرەۋدىڭ الا ءجىبىن. اتا-اناعا قولعابىس تيگىزەتىن، دارىسا ەكەن بويىنا سانالى ۇعىم.
-
«كوكىل» كۇيىنە قاتىستى ەل ىشىندە اڭىز-اڭگىمە كوپ. سونىڭ ءبىرى قازانعاپ پەن ۇسەن تورەنىڭ العاش كەزدەسۋىنە بايلانىستى ايتىلادى. بىردە قازانعاپ ەل ارالاپ ءجۇرىپ قاراقامىستا وتىرعان ۇسەن تورە...
