InfoHub Logo

ساباقتىڭ تاقىرىبى: جارىق ديفراكسياسى
سىنىبى: 11
ساباق ماقساتى:
بىلىمدىلىك: تاجىريبەلەر جاساۋ ارقىلى ديفراكسيا قۇبىلىسىن ءتۇسىندىرۋ، تابيعات قۇبىلىستارىنىڭ زاڭدىلىقتارىن كورە بىلۋگە جانە قورىتىندى جاساي بىلۋگە ۇيرەتۋ.
تاربيەلىك: عىلىمي كوزقاراستى قالىپتاستىرۋ جانە عالىم ومىرىنە قۇرمەتپەن قاراۋعا تاربيەلەۋ.
دامىتۋشىلىق: العان بىلىمدەرىن ءىس جۇزىندە قولدانا ءبىلۋ داعدىسىن، ويلاۋ، ەستە ساقتاۋ قابىلەتىن دامىتۋ.
ساباق ءتيپى: جاڭا ءبىلىمدى حابارلاۋ ساباعى.
ساباق ادىستەرى: ءسوز جانە پراكتيكالىق، ەسەپ شىعارۋ
قاجەتتى قۇرال - جابدىقتار: قىزدىرۋ شامى، جىڭىشكە ساڭىلاۋلارى بار پلاستينا، ديسكىلەر، ءتۇرلى ساڭىلاۋلارى بار كارتون قاعازدارى.

ساباق بارىسى:
ءى. ۇيىمداستىرۋ كەزەڭى
ءىى. ءبىلىمدى تەكسەرۋ كەزەڭى
ا. ساپالىق ەسەپتەر شىعارۋ
№ 4. 3. 8
جاۋابى: ءار ءتۇرلى نۇكتەلەردەگى قابىرشاقتىڭ قالىڭدىعى ءار ءتۇرلى بولۋىنان. بەتتىڭ جوعارعى جانە تومەنگى قاباتىنان شاعىلعان ساۋلەلەردىڭ جول ايىرىمى جارتى تولقىننىڭ جۇپ سانىنا تەڭ بولسا اق جولاق، جول ايىرىمى جارتى تولقىننىڭ تاق سانىنا تەڭ بولسا قارا جولاق پايدا بولادى.
№ 4. 3. 9
جاۋابى: قابىرشاقتىڭ قالىڭدىعى ءار ءتۇرلى بولۋىمەن تۇسىندىرۋگە بولادى. تولقىن ۇزىندىعى ءار ءتۇرلى جارىق قابىرشاق بەتىنە تۇسكەندە سپەكترگە بولىنەدى.

ءا. تەست
1. تولقىن دەگەنىمىز
ا. ءوزارا بايلانىسىپ تەربەلەتىن ماتەريالىق نۇكتەلەر جيىنتىعى
ۆ. تەربەلىستىڭ ورتادا تارالۋ پروسەسى
س. تەربەلمەلى جۇيەنىڭ جۇمىس ىستەۋى
2. پايدا بولۋ تابيعاتىنا قاراي تولقىندار قانشا توپقا بولىنەدى؟
ا. 2
ۆ. 7
س. 5
3. قۋما مەحانيكالىق تولقىنداردىڭ تارالۋ ورتاسى قانداي؟
ا. سۇيىقتاردا
ۆ. قاتتى، سۇيىق، گاز
س. قاتتى
4. كولدەنەڭ مەحانيكالىق تولقىنداردىڭ تارالۋ ورتاسى قانداي؟
ا. تەك گازداردا
ۆ. قاتتى، سۇيىق، گاز
س. قاتتى
5. سەرپىمدى ورتادا تولقىن تارالعان كەزدە ەنەرگيا جانە زات تاسىمالى بولا ما؟
ا. زات تاسىمالدانادى، ەنەرگيا تاسىمالدانبايدى
ۆ. زات تا، ەنەرگيا دا تاسىمالدانادى.
س. زات تاسىمالدانبايدى، ەنەرگيا تاسىمالدانادى.
6. تولقىن ۇزىندىعىنا جانە جيىلىگىنە بايلانىستى ەلەكتروماگنيتتىك تولقىندار قانشا توپقا بولىنەدى؟
ا. 5
ۆ. 7
س. 6
7. كوگەرەنتتى تولقىندار دەگەنىمىز
ا. تولقىن ۇزىندىعى مەن جيىلىگى بىردەي
ۆ. تولقىن جيىلىگى مەن فازالارى بىردەي
س. امپليتۋدالارى مەن فازالارى بىردەي
8. ەنەرگيانىڭ ازايۋىنا سايكەس كەلەتىن نۇكتە
ا. ماكسيمۋم
ۆ. ماكسيمۋم جانە مينيمۋم
س. مينيمۋم
9. ينتەرفەرەنسيا دەگەنىمىز
ا. بىرنەشە تولقىنداردىڭ قاباتتاسۋى كەزىندە كەڭىستىكتىڭ ءار نۇكتەسىندە قورىتقى تەربەلىستەر امپليتۋداسى ۋاقىت بويىنشا تۇراقتى بولۋ قۇبىلىسى.
ۆ. تەك ەكى تولقىنداردىڭ قاباتتاسۋى كەزىندە تەربەلىس فازالارىنىڭ بىردەي بولۋى.
س. بىرنەشە تولقىنداردىڭ قاباتتاسۋى.
10. ديفراكسيا دەگەنىمىز
ا. تۇسكەن جانە شاعىلعان ساۋلەنىڭ قاباتتاسۋى.
ۆ. تولقىننىڭ ءتۇزۋ سىزىق بويىمەن تارالۋى.
س. تولقىننىڭ توسقاۋىلدى وراعىتىپ ءوتۋى.
تەست جاۋاپتارى
1. ا 2. ا 3. ۆ 4. س 5. س 6. ۆ 7. ۆ 8. س 9. ا 10. س

ب. ساندىق ەسەپ شىعارۋ
قىزىل ءتۇستى ساۋلە تولقىنى 700 مكم تولقىن ۇزىندىعىمەن اۋادا تارايدى. وسى ءتۇستىڭ سۋداعى تولقىن ۇزىندىعى نەگە تەڭ؟ اۋانىڭ سىنۋ كورسەتكىشى 1، سۋدىڭ سىنۋ كورسەتكىشى 1، 33 - كە تەڭ.

ءىىى. ماقسات قويۋ كەزەڭى
ءىۇ. جاڭا ساباقتى ءتۇسىندىرۋ كەزەڭى
ا. جارىق ديفراكسياسى دەگەنىمىز نە؟
جارىق ديفراكسياسى دەگەنىمىز جارىقتىڭ ءتۇزۋ سىزىق بويىمەن تارالۋىنان اۋىتقۋىن نەمەسە جارىقتىڭ توسقاۋىلدى وراعىتىپ ءوتۋىن ايتادى. جارىق ديفراكسياسىن 1665 جىلى يتاليا فيزيگى فرانچەسكو گريمالدي اشتى. جارىق ديفراكسيا قۇبىلىسىن گيۋيگەنس پەن فرەنەل ءتۇسىندىردى. گيۋيگەنس - فرەنەل ءپرينسيپى بويىنشا كەز كەلگەن ۋاقىت مەزەتىندەگى تولقىندىق بەت دەگەنىمىز اينالىپ وتەتىن ەكىنشى رەتتىك تولقىنداردىڭ جاي عانا ءوزى ەمەس، ولاردىڭ ينتەرفەرەنسيالارىنىڭ ناتيجەسى.