جارقانات نەگە تۇندە ۇشادى؟
ءبىر كۇنى قۇستارعا دا ءامىر جۇرگىزۋشى سۇلەيمەن پاتشا بارشا قۇستاردى جيناپ الىپ:
– مەن قارتايدىم، جامباسىما جۇمساق توسەك كەرەك. بارشا قۇستارعا ايتارىم: ماعان ءبىر-بىر تالدان مامىقتارىڭدى جۇلىپ بەرىڭدەر. سودان توسەك جاساتايىن، – دەپتى.
پاتشانىڭ تىلەگىن ەستىگەن قۇستاردىڭ ءبارى ءبىر-بىر تال مامىق ءجۇنىن جۇلىپ بەرىپتى.
سوندا جارقانات قۇلشىنىپ:
– سۇلەيمەن پاتشاعا ءبىر تال ءجۇنىمىزدى بەرگەنىمىز ۇيات ەمەس پە؟ – دەپ، ءوزىنىڭ ءون بويىنداعى بارلىق ادەمى مامىعىن تۇگەل جۇلىپ بەرىپتى. ءوزىنىڭ دەنەسى تىقىر جارعاققا اينالىپ قالىپتى.
سۇلەيمەن پاتشا جارقاناتتىڭ بۇل جانقيارلىعىن كورگەن سوڭ:
– قۇستاردىڭ الدى بول! – دەپ باتا بەرىپتى. الايدا، پاتشا ويعا شومىپ، ۇزاق وتىرىپتى. جاپ-جالاڭاش، تىپ-تىقىر بۇل بايعۇسقا ەندى باسقا قۇستار كۇلىپ، مازاقتاپ جۇرەر. وسى ازاپتان قۇتقارماق بولعان پاتشا جارقاناتقا اقىلىن ايتىپتى. – سەن بۇدان بىلاي تۇندە عانا ۇشاتىن بول. قۇس پەن ادام بالاسى كۇندىز سەنىڭ مىنا سيقىڭدى كورمەيتىن بولسىن.
جارقانات ءوز پاتشاسىنىڭ ايتقانىن بۇلجىتپاي ورىنداپتى. سودان بەرمەن قاراي تەك كۇن باتىپ، قاراڭعىلىق تۇسكەندە، قۇس ۇياسىنا قوناقتاپ، ادامدار ۇيلەرىنە كىرىپ كەتكەندە عانا ۇشىپ جۇرەتىن بولىپتى.
You Might Also Like
-
اقش-تا جاسالعان زەرتتەۋدە پلاستيكالىق ىدىستاردى كوپ تۇتىناتىنداردا باۋىر فەرمەنتتەرىنىڭ كوبەيىپ، قارىن مايلانۋى ارتقاندىعى انىقتالعان. كوفە جانە شاي سەكىلدى ىستىق سۋسىندار ءۇشىن قولدانىلاتىن پلاستيك...
-
بۇرىنعى وتكەن زاماندا ءبىر جالماۋىز پاتشا بولىپتى. ول ۇشقان قۇستى ۇستاپ الىپ، شەتىنەن جەي بەرەدى ەكەن. قۇستاردىڭ كوبىن تۇمسىعىن تەسىپ، جىپكە ءتىزىپ تاستايدى. ءسويتىپ، كوكتەگى قۇستىڭ ءبارىن اۋلاپ، ۇستاپ...
