جاستىڭ قۋاتى - ءبىلىم بىلەگىندە
«2019 جىل- جاستار جىلى» دەپ ەلباسىمىز نۇرسۇلتان نازاربايەۆ «قازاقستاندىقتاردىڭ ءال -اۋقاتىنىڭ ءوسۋى تابىسىمەن تۇرمىس ساپاسىن ارتتىرۋ» اتتى جولداۋىندا جاريالاعان بولاتىن.
جالپى جاس كەلسە ىسكە دەيتىن دانا قازاق جاستاردىڭ مۇمكىندىكتەرىن باعالاي بىلگەن. «ون ءۇش جاستا وتاۋ يەسى» دەپ جاستارعا ۇلكەن ءۇمىت ارتقان. قازاق جازۋشىسى ءىلياس جانسۇگىروۆ «جاس مۇراتى ءبىلىم، ءتالىم -تالابى، ونەر وقۋ- جاستىقتىڭ قارۋ جاراعى» دەپ جىرلاعانداي ، جاستاردىڭ تالاپتى، ءبىلىمدى، نەگىزگى ماقساتى وقۋ ەكەندىگىن انىق ايتقان. جاستارعا ۇلكەن سەنىم ارتىپ «بولاشاق» باعدارلاماسى، «ديپلوممەن اۋىلعا» «ءجۇز جاڭا ەسىم» سياقتى ءتۇرلى جوبالار ،باعدارلامالار جاستاردى قولداۋ ماقساتىندا جۇزەگە اسىرىلىپ جاتىر.
بىزگە ،ياعني جاستارعا ۇلكەن سەنىم ارتتىپ ، بولاشاق ءبىزدىڭ قولىمىزدا بولعاندىقتان ءاربىر جاس جاۋاپكەرشىلىكتى سەزىنسە ەكەن. سەبەبى ۇلى اعارتۋشى احمەت بايتۇرسىن ۇلى ۇلاعاتتى سوزىندە «جاستاردىڭ وقۋ - تاربيە جۇمىسى تۇزەلمەي، جۇرت ءىسى تۇزەلمەيدى»دەگەن. ياعني، جاستار ەل بولاشاعى ، ءتالىم -تاربيە الۋ عانا ەمەس ، سونى دارىپتەۋ وسكەلەڭ ۇرپاققا جەتكىزۋ قاجەت. بالالاردى وقۋعا شىقىرعان، ءبىلىمدى ازامات بولۋلارىن قالاعان ىبىراي التىنسارين «تاربيەسىز بەرىلگەن ءبىلىم ادامزاتتىڭ قاس جاۋى»دەگەن. ەڭ ءبىرىنشى جاس ۇرپاقتى تاربيەلەۋدە ءبىلىمدى بولۋ كەرەك. ساپالى ءبىلىم- سانالى ۇرپاق كەپىلى، تاربيەنىڭ نەگىزگى باستاۋى ول ءبىلىم. ءبىلىمسىز ءىستىڭ رەتى بولمايدى. بولاشاعىمىز جارقىن بولۋ ءۇشىن جاستار تالماي ەڭبەك ەتۋىمىز قاجەت. ءاربىر جاس ەلدىڭ تىرەگى، ەلدىڭ ، جەردىڭ دامۋىنا ۇلەس قوسۋ ءتيىس دەپ سانايمىن. زامان تالابىنا ساي قۇزىرلى بولۋ ءۇشىن ءۇش ءتىلدى ەركىن مەڭگەرۋ، يننوۆاسيالىق تەحنولوگيالاردى قولدانا ءبىلۋ، باسەكەگە ساي زايىرلى قوعامدا ءوز ويىن اشىق جەتكىزە الاتىن، ومىرگە دەگەن كوزقاراسى ايقىن ، جەتىستىكتەرگە قولجەتكىزە الاتىنداي ەركىن ءومىر ءسۇرۋى كەرەك. وزگە ەلگە ەلىكتەمەي، ءوز ەلىنىڭ تاريحىن، شەجىرەسىن قۇرمەتتەپ، ءداستۇرىن سىيلاپ، ناسيحاتتاۋى قاجەت.
قورىتا ايتقاندا، ءبىلىمدى ۇرپاق ءارقاشان تالاپشىل كەلەدى. ۇنەمى ىزدەنۋ، وقۋ، بايقاپ كورۋ، قاتەلىكتەن ساباق الۋ جانە جاقسى تاربيە كورسەتۋ، ەل بولاشاعىن ويلاۋ نەگىزگى مىندەتى بولۋى قاجەت دەپ سانايمىن . « بىلەكتى ءبىردى جىعادى، ءبىلىمدى مىڭدى جىعادى» دەگەن دانا حالقىمىز. جانە ءسوز سوڭىندا جاستار جىلىنا، جالىندى جاستارعا ارنالعان ولەڭ شۋماقتارمەن اياقتاعاندى ءجون سانادىم ...
مەن جاسپىن بويىندا كۇش پەن نامىسى بار،
مەن جاسپىن ادالدىق پەن شىندىققا جانى قۇمار،
تاريحتا قالعان كەشەگى بوزداقپىن مەن،
ادىلدىك ءۇشىن ەلىم دەپ جانىن قيار.
مەن جاسپىن ارىستانداي ايباتىم بار
مەن جاسپىن جولبارىستاي قايراتىم بار
ماعجانداي ۇلى تۇلعا سەنىپ كەتكەن،
مەن جاسپىن كوزىمدە وت، سوزىمدە جالىنىم بار.
مەن جاسپىن ءبىلىمدى كەلەمىن بويعا جيىپ،
مەن جاسپىن ويى ۇشقىر، ءىسى جۇيرىك
مەن جاسپىن بولاشاقپىن كەلەر كۇننىڭ
قادامى انىق، ماقساتى ايقىن، ارمانى بيىك.
فيزيكا ءپانى ءمۇعالىمى : سالحىنوۆا ج.ا
You Might Also Like
-
ءبىر كۇنى دۋانباسى قوجاناسىرعا ون ەسەكتى بازارعا ساتىپ، سونىڭ اقشاسىنا ءبىر ات ساتىپ الۋدى تاپسىرادى. تاپسىرمانى العان قوجا ءبىر ءۇيىر ەسەكتى كورشى قالاعا ايدايدى.
-
نايمان ەلى جۇڭگو تاريحىندا سەگىزىنشى-توعىزىنشى عاسىردا بەلگىلى بولعان ەكەن. وقىران وزەنىنىڭ باسى موڭعولدان ەرتىسكە دەيىن قونىستانعان، نايمان رۋىنىڭ العاشقى پاتشاسى نارقىش تايان، يناش قاعان، بۇقا حان...
