جەلمايانىڭ جەلىسى
ەرتە زاماندا ءبىر باتىر بولىپتى، ول ەلى دەسە جانىن ۇزەدى ەكەن. ءبىر كۇنى ەلىن ۇرى شاۋىپ كەتىپتى. ول قاسىنا قالىڭ قول ەرتىپ جاۋىن قۋالاپ، شاۋىپ كەتكەن مالىن قايتارىپ اكەلۋگە جول تارتىپتى. باتىر جەلمايانى باپتاپ مىنەدى ەكەن. جاۋ ۇزاپ كەتكەندىكتەن تىزگىن ۇشىمەن جۇرۋگە تۋرا كەلىپتى. وسى كەزدە قاسىنداعىلار جەلمايانىڭ جەلىسىنە جەتە الماي كەيىندەپ قالا بەرىپتى. ولارعا قارايىن دەسە، جاۋ ۇزاپ كەتەتىن بولىپتى.
سونىمەن باتىر جالعىز ءوزى جەلمايانىڭ بار جەلىسىمەن اعىتىلىپ كەلە جاتسا، ىلە وزەنى سياقتى وزەننىڭ جامانتى سياقتى ءبىر بىلەك جەرىنە كەز بولىپتى. باتىر جەلمايانىڭ ەكپىنىمەن كەلىپ ىركىلمەي وزەننەن اتتاعاندا، جەلمايانىڭ ارتقى اياعىنىڭ وكشەسى سۋدى شالىپ ەتكىزىپ قالىپتى. سوندا الگى باتىر «بىزدەن كەيىنگى بالالار ويلاي-ويلاي وتەتىن بۇلاق ەكەن»، — دەپ ارتىنا بۇرىلىپ ءبىر قاراپ قويىپ، جەلماياعا قامشى باسىپ ءجۇرىپ كەتكەن ەكەن.
ەرتەدەن قالعان وسى اڭگىمەدە جۇيرىكتى تاڭعالارلىق ەتىپ سۋرەتتەۋمەن بىرگە، ۇلكەن وزەننەن وتكەننەن كەيىنگى باتىردىڭ ءسوزى، كەيىنگىلەر ءۇشىن بىرەر ىسكە كەزىككەندە الدىمەن ويلانۋ ءجون ەكەنىن ەسكەرتەدى. جەلمايا سياقتى جۇيرىكتىڭ جەلىسىنەن شابىت الا وتىرىپ، ءاشىم «جەلمايانىڭ جەلىسى»، «سۇر تولعاۋ»، «ورەلى شابدار» ت.ب. كۇيلەردى شەرتكەن ەكەن.
You Might Also Like
-
ەل ىشىندە مىناداي اڭىز بار: تەگىندە بوكتەرگى دەگەن اسا قىران قۇس بولىپتى. ول كوزىنە كورىنگەن قۇستىڭ ءبارىن الىپ جەي بەرىپ، قۇس تۇقىمى ازايىپ كەتىپتى. قۇستار جينالىپ قۇس پاتشاسىنا ارىز قىلىپتى. قۇس پ...
-
ول زاماندا، جازدا، قازاق اۋىلدارى مال جايىلىمىن وزگەرتىپ، ءبىر جەردەن ەكىنشى جەرگە كوشىپ-قونىپ وتىرعان. سونداي ءبىر كوشتە تانانىڭ اكەسى تىلەمىس بي ۇلكەن ۇلى تانانىڭ كيىز ءۇيىن ەڭ الدىمەن كوشىرىپ، جايل...
