شامشىراق تاس
ول زاماندا، جازدا، قازاق اۋىلدارى مال جايىلىمىن وزگەرتىپ، ءبىر جەردەن ەكىنشى جەرگە كوشىپ-قونىپ وتىرعان. سونداي ءبىر كوشتە تانانىڭ اكەسى تىلەمىس بي ۇلكەن ۇلى تانانىڭ كيىز ءۇيىن ەڭ الدىمەن كوشىرىپ، جايلاۋعا اپارىپ قوندىرىپ قويادى. قالعان اۋىلدار بىرتىندەپ، ءوز كەزەگىمەن سوڭىنان كوشەتىن بولادى. تانانىڭ وتاۋى تىگىلگەن جاسىل جايلاۋ ەرتىس وزەنىنىڭ ءدال جاعاسىنا تاياۋ ەكەن. تانا مىرزا كۇندىز كيىز ءۇيدىڭ ىشىندە دەم الىپ ۇيىقتاپ جاتسا كەرەك. الدەن ۋاقىتتان سوڭ ءبىر نارسەنىڭ ىڭىلداعان داۋىسىنان ويانىپ كەتىپ، كوزىن اشىپ قاراسا، كيىز ءۇيدىڭ ىشىندە ەسىكتەن تورگە دەيىن قاپتاپ، تولىپ وتىرعان ءبىر ءتۇرلى ماقۇلىقتاردى كورەدى، نە ەكەنىن بىلە المايدى. بۇرىن مۇندايدى كورمەگەن جاس جىگىت ەسىكتى سىرتتان جاۋىپ، دالاعا شىعىپ، بىرەۋدى «كەلەسى اۋىلداعى ەرتىسباي قاريانى تەز ەرتىپ اكەل» دەپ اتتاندىرىپ جىبەرەدى.
ەرتىسباي قاريا ەرتىس وزەنى بويىندا تۋىپ-وسكەن كەمەڭگەر قارت بولسا كەرەك. قاريا كەلىپ عاجاپتى كوزىمەن كورەدى.
— بۇل داريانى مەكەندەيتىن تەرىسى اسا قىمبات اق باس قۇندىزدار. بۇلاردىڭ سەنىڭ ۇيىڭە وزدەرىنىڭ كەلىپ كىرۋى عاجاپ، وتە سيرەك كەزدەسەتىن قۇبىلىس. شىراعىم، ساعان اللا راحىم ەتىپ باق-داۋلەت قونادى ەكەن، — دەپتى ەرتىسباي. جاس جىگىت تانا:
— بۇلاردى ەندى قايتەمىز؟ — دەپ سۇراپتى قاريادان.
بۇلار داريانىڭ جوعارعى اعىسىنا قاراي سەرۋەندەپ كەتىپ بارا جاتىر ەكەن. كۇن ىستىقتا كولەڭكەلەپ، سەنىڭ ۇيىڭە كەلىپ كىرگەن كورىنەدى. بۇلار دا دالانىڭ اڭدارى، سويىپ، تەرىلەرىن سىپىرىپ الۋ كەرەك. بۇل اق باس قۇندىزداردىڭ تەرىسى اسا قىمبات سانالادى. ءبىر عانا جاعا بولاتىن ءتورت ەلى قۇندىز تەرىسىنىڭ قۇنى قوس ات تۇرادى نەمەسە ەكى تۋ بيە بولادى. سوندا بۇلار قانشا بايلىق ەكەنىن وزدەرىڭ ويلاپ كورىڭدەر. الا جازداي دا-
ريانى كەزگەن بالىقشى وسىنىڭ بىرەۋىن ۇستاپ السا، ۇلكەن ولجا كورەدى، — دەپ ەرتىسباي قاريا توردە وتىرعان ۇلكەن قۇندىزدى ءوزى سوعىپ ءولتىرىپ، تانا مىرزادان رۇقسات سۇراپ، وسىنىڭ ۇرتىنداعى نارسەنى مەن السام دەپتى. ونىڭ نە نارسە ەكەنىن ەرتىسباي ءوزى ايتقان سوڭ عانا باسقالارى ءبىلىپتى. ول — «شامشىراق تاس» ەكەن. قۇندىزدار توبىن باسقارۋشى قاراڭعى تۇندە شامشىراقتى تىسىنە تىستەپ الىپ، ماڭايىن جارقىراتىپ باسقالارىنا جول كورسەتەدى ەكەن. سول تاستى تۇندە قاعازدىڭ ۇستىنە قويسا، سونىڭ جارىعىمەن قاعازدى وقۋعا دا، وعان جازۋعا دا بولادى. كەيىننەن ەل ءبىلىپتى: ەرتىسباي سۇراپ العان سول شامشىراق تاستىڭ قۇنى ون ەكى اتقا باعالانىپتى دەيدى.
You Might Also Like
-
ەرتە زاماندا ءبىر باتىر بولىپتى، ول ەلى دەسە جانىن ۇزەدى ەكەن. ءبىر كۇنى ەلىن ۇرى شاۋىپ كەتىپتى. ول قاسىنا قالىڭ قول ەرتىپ جاۋىن قۋالاپ، شاۋىپ كەتكەن مالىن قايتارىپ اكەلۋگە جول تارتىپتى. باتىر جەلمايا...
-
وتكەن عاسىردا، باتىس قازاقستانداعى تورەلەردىڭ اۋىلىندا ەلگە ءقادىرلى، شەبەر دومبىراشى اتانعان حانىم دەگەن قىز بولىپتى. سول اۋىلدا حانىمنىڭ جاسىنان سۇيگەن وسپان اتتى جىگىتى بار ەكەن. وسپان ءسىڭىرى شىق...
