جەلتوقساننىڭ كەزەكتى جەڭىمپازى انىقتالدى
ەسسە جانە ولەڭ-جىر بايقاۋىنىڭ وسىمەن 15 اپتاسى ءوز مارەسىنە جەتتى. ايتا كەتەيىك، سايىس 2020 جىلدىڭ 25 اقپانىنا دەيىن جالعاسىن تاپپاق.
قاسيەتتى جانە ۇلى مەرەكە تاۋەلسىزدىك كۇنى قارساڭىندا اپتا جەڭىمپازىن وسى تاقىرىپ اياسىندا انىقتاۋدى ءجون سانادىق. سەبەبى تاۋەلسىزدىكتىڭ ەلىمىز بەن جەرىمىز ءۇشىن، ءاربىر قازاقستان ازاماتى ءۇشىن ماڭىزدىلىعىندا ەشكىمنىڭ دە تالاسى بولماس.
وسى كۇنگە دەيىن تاۋەلسىزدىك تاقىرىبىندا جولدانعان ولەڭ جولدارى مەن ەسسەلەر كوپتەپ كەلىپ ءتۇستى. مۇندا اتاپ وتەتىن ماسەلە — بۇل تۋىندىلار تەك وسى مەرەكە قارساڭىندا عانا ەمەس، بايقاۋ باستالعالى بەرى جاريالانىپ كەلەدى. بۇل دەگەنىمىز — بايقاۋ قاتىسۋشىلارىنىڭ، دارىندى جاستارىمىزدىڭ تاۋەلسىزدىك سىندى باعا جەتپەس قۇندىلىعىن جۇرەگىندە ساقتاپ، قادىرلەگەنىن بىلدىرەدى. كوزى اشىق، كوكىرەگى وياۋ، وتانىن شىن سۇيەتىن ۇل-قىزداردىڭ شىعارمالارى قاشان دا كوڭىل قۋانتپاي قويماسى انىق.
سونىمەن 15 اپتا قورىتىندىسى بويىنشا جەڭىمپاز بولىپ جۇلدىزاي جاقسىلىق تانىلدى.
تاۋەلسىزدىك تاقىرىبىندا ۇزدىك دەپ تانىلعان تۋىندىنى نازارلارىڭىزعا ۇسىنامىز:
تاۋەلسىزدىك تۇعىرىم
مەن سۇيەمىن جەرىم مەنەن ەلىمدى،
جۇرەگىمنەن جىر ارناسى توگىلدى.
جىلدار بويى ازاتتىققا شولدەگەن،
حالقىم مەنىڭ نە قاسىرەت كورمەگەن.
ورىس پاتشا ۇزاق جىلدار بيلەدى.
قاراپايىم حالىققا «بيلىك» دەگەن تيمەدى،
قازاعىمنىڭ جالىن جۇرەك جاستارى،
جەلتوقساندا قوسىلدى ءبىر باستارى.
شىقتى مىنە تەڭدىك ىزدەپ الاڭعا،
قازاق اتىن تانىتتى عوي عالامعا.
قازاق ەلىن قىرىپ-جويىپ تاپتادى،
جاۋلارىمىز قۇمىرسقادااي قاپتادى.
قازاق اتىن ماڭگىلىككە ساقتادى،
جاۋعا شىعىپ ەل سەنىمىن اقتادى،
قازاعىمنىڭ قايرات سىندى ۇلدارى،
نازىك جۇرەك ءسابيراداي قىزدارى.
اتا-بابا مۇرا ەتكەن بايتاق مىناۋ جەرىمىز،
قيىنشىلىق كورسە-داعى توتەپ بەردى ەلىمىز.
سان عاسىرلار توگىلگەن قان زايا بولىپ كەتپەدى.
ۇلى حالىق تىلەگەن سوڭ اجال وعى جەتپەدى.
ءبىراق، ءبىراق ۋاقىت ءبارىن دەگەنىمەن جاسادى،
كولبين ءتۇسىپ، ورنىن ونىڭ نازاربايەۆ باسادى.
قازاقستان پرەزيدەنتى تۇڭعىش بولىپ سايلاندى،
تاۋەلسىزدىك جولىندا ەل كوڭىلى جايلاندى.
ماعجان سىندا ازاماتتار جازىقسىز،
اباقتىدا اش جاتتى عوي ازاقسىز.
قالعان ماڭگى كوكىرەكتە ساقتالىپ،
ارىستاردىڭ اتى شىقتى اقتالىپ.
ابايلاردىڭ جالىن جىرىن جاتتادىق،
ۇلىلاردى حالىق بولىپ اقتادىق.
احمەت پەنەن ءاليحاندى تانىپ ءبىز.
كوكىرەكتە ماڭگى باقي ساقتادىق.
بيىك ۇستا تاۋەلسىزدىك جالاۋىن،
بىرلىك، دوستىق، بەيبىتشىلىك – قالاۋىم.
ەركىن جۇرتپىن، بايقالمايدى كەڭدىگىم،
جاسا،جاسا ازاتتىعىم، تەڭدىگىم!
(اۆتوردىڭ ورفوگرافياسى مەن پۋنكتۋاسياسى ساقتالعان)
جەڭىمپازدى قۇتتىقتايمىز!
سىيلىقتى الۋ ءۇشىن bilimland.kz سايتىمەن بايلانىسۋىڭىزدى سۇرايمىز!
ەسكەرتۋ! قۇرمەتتى قاتىسۋشىلار، ولەڭ ەنگىزۋ بارىسىندا، ىلمەكتەر ورىسىنە bilim2019 ىلمەگىن (قاتەسىز، تىرناقشاسىز، پروبەلسىز) مىندەتتى تۇردە قوسىڭىزدار (كەرى جاعدايدا سايىسقا قاتىسپادى دەپ ەسەپتەلەدى.)! ىلمەك ءۇتىر ارقىلى قويىلادى. مىسالى: bilim2019، تۋعان جەر، ەل، ... دەپ. ودان بولەك، اۆتورى دەگەن ۇياشىقتى بوس قالدىرىپ، اۆتورى ءوزىم دەگەندى دە (جازۋدىڭ ۇستىنە باسۋ كەرەك) باسىڭىزدار.
ەسسە ەنگىزۋ بارىسىندا سايىس2019 دەگەن ءبولىمدى تاڭداۋدى ۇمىتىپ كەتپەڭىزدەر.(كەرى جاعدايدا سايىسقا قاتىسپادى دەپ ەسەپتەلەدى.) اۆتورى دەگەن ۇياشىقتى بوس قالدىرىڭىزدار.
بارلىق تالاپتارمەن قالامگەرلەر سايىسى سىلتەمەسى ارقىلى ءوتىپ، تولىعىراق تانىسۋعا كەڭەس بەرەمىز.
You Might Also Like
-
1935 جىلى 28 قاراشادا اتىراۋ وبلىسىندا دۇنيەگە كەلگەن. جۇمەكەن التى جاسىندا اكەسى سوعىسقا اتتانعان، ءبىراق ول قايتىپ ورالمادى، سوندىقتان ونى اتاسى ناجىمەدەن ستامعازييەۆ ءوسىردى. سوزگە، وتان تاريحى مەن...
