InfoHub Logo

سىبايلاس جەمقورلىققا قارسى قوعامدىق ومبۋدسمەن سىرىم ءابدىراxمانوۆ مەكتەپ وقۋلىقتارىنىڭ مازمۇنىنا قاناعاتتانبايدى.

«ەندى، ءبىلىم جاعىنان ءبىرقاتار جۇمىستار اتقارىلىپ كەلەدى. وعان داۋ جوق. جەتىستىكتەر دە جوق ەمەس. دەگەنمەن، ءبىلىم جانە عىلىم مينيسترلىگىنىڭ مەكتەپ وقۋلىقتارىن دايارلاۋ جۇمىسى مەنىڭ كوڭىلىمنەن شىقپايدى. سوندىقتان مەنىڭ سىبايلاس جەمقورلىققا قارسى قوعامدىق ومبۋدسمەن رەتىندە مينيسترگە ۇندەۋ جولداۋ جونىندە جوسپارىم بار»، - دەيدى ءابدىراxمانوۆ.

ومبۋدسمەننىڭ ايتۋىنشا، بۇگىندە مەكتەپ جاسىنداعى بالالاردىڭ تاربيەسىنە قاتىستى يدەولوگيا دۇرىس جۇرگىزىلمەيدى. ال وقۋلىقتاردىڭ مازمۇنى كۇردەلى بولعانى سونشا بالامەن ءۇش-تورت ساعات وتىرۋعا تۋرا كەلەدى. «سوعان مەنىڭ كوڭىلىم تولمايدى. وسىعان بايلانىستى ءبىز مينيسترلىكپەن بىرىگىپ، جۇمىس جاساۋىمىز قاجەت. زەرتتەۋ ينستيتۋتتارىنىڭ باسىن قوسىپ، ءبىر كوميسسيا قۇرساق تا بولادى. ءسويتىپ، 1-سىنىپتان باستاپ 5-سىنىپقا دەيىنگى وقۋلىقتاردىڭ بارلىعىنا زەرتتەۋ جۇرگىزۋىمىز كەرەك. بۇل - مەنىڭ جەكە ازامات رەتىندەگى ەمەس، قوعامدىق ومبۋدسمەن رەتىندەگى ۇستانىمىم. مەنىڭ وزىمدە ەكى بالا بار. جولداسىم شارشاعاندا مەنى كومەككە شاقىرادى. سوندا ءبارىن تۇسىندىرگەنشە ءۇش-تورت ساعات وتىرامىز. بالا تۇسىنبەيدى. ول كەمىستىگىنەن ەمەس، وقۋلىقتاردىڭ اۋىرلىعىنان، كۇردەلى بولعانىنان تۇسىنبەي جاتادى. ونداعى تاپسىرمالار بالانىڭ جاسىنا سايكەس كەلمەيدى. ەكى بالاسى بار بىزدەر قينالساق، كوپبالالى وتباسىلار نە ىستەيدى؟»، - دەپ اتاپ كورسەتتى ءابدىراxمانوۆ.

ايتا كەتەيىك، قازاقستاندا قوعامدىق داۋىس بەرۋ ارقىلى ءتورت قوعامدىق ومبۋدسمەن سايلانعان بولاتىن. ولار - بالالار قۇقىقتارىن قورعاۋ جونىندەگى جەمقورلىققا قارسى قوعامدىق ومبۋدسمەن جاننا اxمەتوۆا، بيزنەس پەن قارجى-ەكونوميكالىق سالانى قورعاۋ جونىندەگى قوعامدىق ۋاكىل دەنيس كريۆوشەيەۆ، سىبايلاس جەمقورلىق سالاسىنداعى زاڭنامانى ساقتاۋ جونىندەگى قوعامدىق ومبۋدسمەن سىرىم ءابدىراxمانوۆ جانە قۇقىق قورعاۋ مەن بيۋدجەت سالاسى قىزمەتكەرلەرىنىڭ قۇقىقتارىن قورعاۋ جونىندەگى ۋاكىل دينا ەلگەزەك.

دەرەككوز: قازاقپارات

---