جەڭىسكە جەتكىزگەن ارداگەرلەر
ءبىز سوعىستان كەيىن تۋعان قازاق ۇرپاقتارى - ۇلى وتان سوعىسىندا قان توككەن ءاربىر اتا-بابالارىمىزعا العىس بىلدىرەمىز. ەرەڭ ەڭبەكتەرى ءۇشىن، تاريح تاعىلىمىندا العان ورىندارى، جەڭىستىن ءدامىن تاتىپ، جەڭىلىستىن ءدامىن تارتتىرتقىزعان ەرلىك يەلەرىنىڭ رۋحىنا باس يەمىز...
سۇم سوعىستا جاۋ وعىمەن ارپالىسىپ، بەيبىت ءومىر مەن مامىراجاي تىرلىك ءۇشىن جان بەرىپ، جان الىسقان اعا ۇرپاقتىڭ بۇل ەرلىگىن ۇمىتۋعا ءتيىس ەمەسپىز. بولاشاق ۇرپاقتىڭ بەيبىت زاماندا ءومىر سۇرۋىنە بار ۇلەستەرىن قوسىپ، وتان ءۇشىن جاس ومىرلەرىن قىرشىڭنان قيۋعا دايىن بولعان ارداگەرلەرىمىزدىڭ قاتارى سيرەپ كەلەدى. ارينە، بۇل جايت كوڭىلگە قاياۋ سالادى. دەگەنمەن ۋاقىت ءوز دەگەنىن الارى حاق.
"ەر جىگىت ەل ءۇشىن تۋادى، ەل ءۇشىن ولەدى"
-دەپ، جاستارعا اقىل كەڭەستەرىن ايتىپ وتىراتىن ءبىزدىڭ اۋىل تۇرعىنى، سوعىس ارداگەرى اسقاروۆ ءابدىعاپپار اتامىزدىڭدا دۇنيەدەن وتكەنىنە ەكى جىلدىڭ كولەمى بولىپ قالىپتى. ءبىز ءۇشىن، ىنتىماق اۋىل تۇرعىندارى ءۇشىن باتىر، قايسار، وزىندىك شوعىرى بيىك تۇلعا بولىپ قالا بەرەدى. سان قيلى زاماننىڭ بولمىسىن، تاريحىن باياندايتىن، كوپتى كورگەن اقساقالدارىمىزدىڭ جوقتىعى جانىمىزعا باتادى...
ەلىم، جەرىم دەپ جەڭىس تۋىن كوككە كوتەرگەن اتا-بابالارىمىزدىڭ ارقاسىندا، قازىرگى تاڭدا تاۋەلسىز ءومىر ءسۇرىپ كەلەمىز. 9 مامىر "جەڭىس كۇنى"، قازاقتىڭ ماڭدايىنا بىتكەن، بەس ەلى باعى.
You Might Also Like
-
يدەيانىڭ ماقساتى: ينفورماتيكا ساباقتارىندا وقۋشىلاردىڭ ءتيىمدى جۇمىس جاساۋىن ۇيىمداستىرۋ، پانگە دەگەن قىزىعۋشىلىعىن ارتتىرۋ.
