InfoHub Logo

دۋگ كوپ: الەمدەگى ەڭ تاجىريبەلى قۇتقارۋ ءبولىمى، امەريكا حالىقارالىق قۇتقارۋ توبىنىڭ باستىعىمىن. 875 دانا قۇلاعان عيماراتتىڭ اراسىنا كىردىم، 60 ەلدىڭ قۇتقارۋ توپتارىمەن بىرىگىپ جۇمىس ىستەدىم. 1985 جىلى مەحيكو سيتي جەر سىلكىنىسىندە ءبىر مەكتەپتە بۇكىل وقۋشىلار پارتالارىنىڭ استىندا ەدى. بارلىق وقۋشىلار اجال قۇشتى. جەر سىلكىنىسىندە توبەلەر قۇلاعان كەزدە بولمە ىشىندەگى ىرىرەك، مىقتى جيھازداردىڭ قاسىندا ءبىر كەڭىستىك قالادى. بۇل كەڭىستىك مەن «ءومىر ءۇشبۇرىشى» دەپ اتاعان كەڭىستىك. مىسالى روبەرتو روسالەس، ءقازىر «ترۋجيللو» قۇتقارۋ توبىنىڭ باستىعى. ول 1970 جىلى 11 جاسار كەزىندە 70000 ادام ولگەن جەر سىلكىنىستە قۇلاعان عيماراتتىڭ استىندا امان قالعان. عيمارات قۇلاعان كەزدە باۋىرىنىڭ موتوسيكلىنىڭ قاسىندا پايدا بولعان «ءومىر ءۇشبۇرىشى» ىشىندە امان قالدى. توسەكتەردىڭ، ستولداردىڭ، ورىندىقتاردىڭ اسىتىنا جاسىرىنعان دوستارى اجال قۇشتى. دۋگ كوپتىڭ ناسيحاتتارى:

- ستول، كولىك سياقتى زاتتاردىڭ استىنا كىرىپ جاسىرىنعانداردىڭ كوپشىلىگى امان قالمايدى.

- مىسىق، يت جانە سابيلەردىڭ بارلىعى تابيعي كۇيدە انانىڭ قۇرساعىندا جاتقانداي اياقتارىن قارىندارىنا قاراي تارتىپ، بۇكتەلىپ جاتادى. جەر سىلكىنىس كەزىندە وسىلاي بۇكتەلىپ جاتۋ كەرەك.  

- اعاش ۇيلەر جەر سىلكىنىسى كەزىندە ەڭ ءقاۋىپسىز ۇيلەر بولىپ تابىلادى. جەر سىلكىنگەندە قۇلاسا، كوپ اشىق كەڭىستىكتەر قالادى.

- توسەكتە جاتقان كەزدە جەر سىلكىنسە، توسەكتەن اقىرىن دومالاپ جەرگە ءتۇسىپ، توسەك اينالاسىندا ءقاۋىپسىز جەرگە ورنىعادى.

- ەسىكتەن نەمەسە تەرەزەدەن سىرتقا شىعىپ كەتۋ مۇمكىندىگى بولماسا، ديۆان، كرەسلو، شكاف سياقتى زاتتاردىڭ تۇبىنە جوعارىدا ايتىلعانداي بۇكتەلىپ جاتۋ كەرەك. 

- ءۇي قۇلاعان كەزدە ەسىكتىڭ استىنا جاسىرىنعانداردىڭ كوبى ولەدى.

- ەشقاشان باسپالداقتارعا قاراي جۇگىرمەۋ كەرەك. باسپالداقتار عيماراتتىڭ زيان كورۋ ىقتيمالى ەڭ جوعارى بولعان جەرلەر بولىپ تابىلادى.  

- عيماراتتىڭ ىشىندە بولعان كەزدە، دۋالدارعا جاقىن جەردە تۇرۋ كەرەك. مۇمكىندىك بولسا سىرتقا شىعىپ، الىسقا كەتىپ قالۋ كەرەك.

- سان فرانسيسكودا بولعان جەر سىلكىنىستىڭ قۇرباندارىنىڭ كوپشىلىگى قۇلاعان عيماراتتىڭ اراسىنداعى كولىكتەردىڭ ىشىندەگى ادامدار ەدى.

---