جەتىسۋ وبلىسى جاپپاي جارىقسىز قالدى: تالدىقورعان دا قاراڭعىدا وتىر
بۇگىن، شىلدەنىڭ 31ء-ى كۇنى ساعات 14:00 شاماسىندا جەتىسۋ وبلىسىندا ءىرى ەلەكتر اقاۋى ورىن الىپ، تۇتاس ءوڭىر جارىقسىز قالدى. ەلەكتر قۋاتىنىڭ ءوشۋى تالدىقورعان قالاسىن، تۇرعىن ۇيلەردى، ينفراقۇرىلىم مەن الەۋمەتتىك نىسانداردى قامتىدى. بۇل تۋرالى رەسمي اقپاراتتى "تاتەك" اق تاراتتى.
15:30 ۋاقىتىنداعى جاعداي بويىنشا جارىق ءالى بەرىلمەگەن. اپاتتىڭ ناقتى سەبەبى انىقتالىپ جاتىر. جەرگىلىكتى تۇرعىندار الەۋمەتتىك جەلىلەردە مەكتەپتەر، اۋرۋحانالار مەن دۇكەندەردە دە جارىقتىڭ جوق ەكەنىن جازۋدا.
ەنەرگەتيكا سالاسىنىڭ ماماندارى جۇيەلىك اقاۋ نەمەسە قوسالقى ستانساداعى تەحنيكالىق ىستەن شىعۋ بولۋى مۇمكىن دەگەن بولجام ايتادى. ءقازىر اپاتتىق بريگادالار ىسكە قوسىلىپ، قالپىنا كەلتىرۋ جۇمىستارى ءجۇرىپ جاتىر.
جەتىسۋ وبلىسىندا مۇنداي اۋقىمدى ەلەكتر ءۇزىلىسى سوڭعى جىلدارى العاش رەت تىركەلىپ وتىر. تۇرعىندار بولسا، توتەنشە جاعداي كەزىندە جاۋاپتى ورگانداردان جەدەل ءارى اشىق اقپارات تاراتۋدى تالاپ ەتۋدە.
You Might Also Like
-
قازاقستان پرەمەر-مينيسترى ولجاس بەكتەنوۆ بيىل تۇرعىن ۇي-كوممۋنالدىق قىزمەت (تكش) تاريفتەرىنىڭ ءوسۋى جالعاساتىنىن مالىمدەدى. ونىڭ ايتۋىنشا، بۇل – اۋىر، ءبىراق قاجەتتى قادام.
-
تۇركيا يادرولىق قارۋ جاساۋى مۇمكىن بە؟ايماقتاعى قاۋىپتەر مەن جاھاندىق شيەلەنىستەر انكارانىڭ ستراتەگيالىق ۇستانىمىن وزگەرتپەك پە؟
