جىر جولىنان سازدىڭ ۇعىپ مۇراتىن
قىزىلوردا قالاسى.
اۆتورى: عابيدەن قوجاحمەت
جىر جولىنان سازدىڭ ۇعىپ مۇراتىن،
ءوز بولمىسى مۇڭ مەن سازدان تۇراتىن.
ماڭداي شاشىن سىلكىپ تاستاپ ساۋساقپەن،
تەلەارنادان جىر وقيتىن ءبىر اقىن.
جاۋhار جىردان الدىق پا ەكەن تىنىستاي،
ونەر تۋماس ءان مەنەن جىر ۇعىسپاي.
ولەڭدەرى ساز بولمىستان قۇرالعان
الگى اقىن ەدى راحىم تىنىشباي.
جىر جولىمەن سازدىڭ ۇعىپ وتەمىن،
سەن ۇيرەتتىڭ سازسىز ءومىر بەكەرىن.
سەن ءسىڭىردىڭ ونەر سۇيگەن قاۋىمعا
ءان مەن جىردىڭ ەگىز ۇعىم ەكەنىن.
سەندىك بولمىس جىر مەن سازعا بولەنگەن،
سول ونەردەن قۋات الىپ كەلەم مەن.
ءدال وزىڭدەي اقىن بار ما سويلەتكەن
دو، رە، مي، فا، سول، ليا، سي - ءدى ولەڭمەن.
سەندەگى جىر، سەندەگى ءان، ءۇن باسقا،
سەزىم سىردا اينالدى ارۋ سىرلاسقا.
ماحابباتتى جىرلاماعان اقىن جوق،
سەنىڭ جىرىڭ ەدى - اۋ ءبىراق ءبىر باسقا.
سازدى ۇنمەن جىرعا بولەپ تابىستىڭ،
ماعىناسى بولادى راس ءار ءىستىڭ.
تەلەارنادان كورىنۋشى ەڭ ءبىر كەزدە،
تەربەتىلىپ ىرعاعىندا ءۆالستىڭ.
ءجيى ەسكە الىپ ماحابباتتىڭ كوكتەمىن،
كوپ جىرلاپ ەڭ اقىنداردىڭ وتكەنىن.
"كەيىمە، ءىنىم" دەپ جۇباتقان ءوزىڭدى،
سەن كورگەنسىڭ مۇقاعالي مەكتەبىن.
جىر جولىنان سازدىڭ ۇققان مۇراتىن،
ءوز بولمىسى مۇڭ مەن سازدان تۇراتىن.
ءان قالدىرىپ ايتا جۇرەر حالقىنا،
دۇنيەدەن كوشتى سوسىن ءبىر اقىن.
شاتتانسا اۋەن، شابىتپەنەن جىر كۇلسىن،
ونەر - ماڭگى، سونى بۇگىن ءبىلدىم شىن.
سەرى بولمىس جان ەدى عوي ءوزى دە،
سەرىلەردى كەتتى مە ىزدەپ، كىم ءبىلسىن؟!
اۆتورى: عابيدەن قوجاحمەت
جىر جولىنان سازدىڭ ۇعىپ مۇراتىن،
ءوز بولمىسى مۇڭ مەن سازدان تۇراتىن.
ماڭداي شاشىن سىلكىپ تاستاپ ساۋساقپەن،
تەلەارنادان جىر وقيتىن ءبىر اقىن.
جاۋhار جىردان الدىق پا ەكەن تىنىستاي،
ونەر تۋماس ءان مەنەن جىر ۇعىسپاي.
ولەڭدەرى ساز بولمىستان قۇرالعان
الگى اقىن ەدى راحىم تىنىشباي.
جىر جولىمەن سازدىڭ ۇعىپ وتەمىن،
سەن ۇيرەتتىڭ سازسىز ءومىر بەكەرىن.
سەن ءسىڭىردىڭ ونەر سۇيگەن قاۋىمعا
ءان مەن جىردىڭ ەگىز ۇعىم ەكەنىن.
سەندىك بولمىس جىر مەن سازعا بولەنگەن،
سول ونەردەن قۋات الىپ كەلەم مەن.
ءدال وزىڭدەي اقىن بار ما سويلەتكەن
دو، رە، مي، فا، سول، ليا، سي - ءدى ولەڭمەن.
سەندەگى جىر، سەندەگى ءان، ءۇن باسقا،
سەزىم سىردا اينالدى ارۋ سىرلاسقا.
ماحابباتتى جىرلاماعان اقىن جوق،
سەنىڭ جىرىڭ ەدى - اۋ ءبىراق ءبىر باسقا.
سازدى ۇنمەن جىرعا بولەپ تابىستىڭ،
ماعىناسى بولادى راس ءار ءىستىڭ.
تەلەارنادان كورىنۋشى ەڭ ءبىر كەزدە،
تەربەتىلىپ ىرعاعىندا ءۆالستىڭ.
ءجيى ەسكە الىپ ماحابباتتىڭ كوكتەمىن،
كوپ جىرلاپ ەڭ اقىنداردىڭ وتكەنىن.
"كەيىمە، ءىنىم" دەپ جۇباتقان ءوزىڭدى،
سەن كورگەنسىڭ مۇقاعالي مەكتەبىن.
جىر جولىنان سازدىڭ ۇققان مۇراتىن،
ءوز بولمىسى مۇڭ مەن سازدان تۇراتىن.
ءان قالدىرىپ ايتا جۇرەر حالقىنا،
دۇنيەدەن كوشتى سوسىن ءبىر اقىن.
شاتتانسا اۋەن، شابىتپەنەن جىر كۇلسىن،
ونەر - ماڭگى، سونى بۇگىن ءبىلدىم شىن.
سەرى بولمىس جان ەدى عوي ءوزى دە،
سەرىلەردى كەتتى مە ىزدەپ، كىم ءبىلسىن؟!
You Might Also Like
