InfoHub Logo

تاقىرىبى: «جول ەرەجەسىن بىلەيىك، امان - ەسەن جۇرەيىك»
ماقساتى: بالالاردىڭ جولدا ءجۇرۋ ەرەجەسىن مەڭگەرتۋ داعدىسىن قالىپتاستىرۋ. ءىس جۇزىندە جول ەرەجەسىن ساقتاۋعا ۇيرەتۋ.
باعدارشامنىڭ اتقاراتىن قىزمەتىمەن تانىستىرۋ.
كوشە جاعدايىنداعى كەڭىستىكتى باعدارلاي ءبىلۋ داعدىلارىن، زەيىندەرىن دامىتۋ. جولدا ءجۇرۋ ەرەجەلەرىن مەڭگەرتۋ.
سوزدىك جۇمىس: باعدارشام، جول ءتارتىبىن رەتتەۋشى، كوشە قيىلىسى.
كورنەكىلىكتەرى: باعدارشام ماكەتى، جول بەلگىلەرى.

تاربيەشىنىڭ كىرىسپە ءسوزى.
- بۇگىنگى «جول ەرەجەسىن بىلەيىك، امان - ەسەن جۇرەيىك» اتتى تاربيە ساعاتىن تاماشالاۋعا قوش كەلدىڭىزدەر! جول ەرەجەسىن ءبىلۋ ءومىرىمىزدى جازىمنان ساقتاندىرادى. ونىڭ سىرىن ءبىلىپ، جول ەرەجەسىن ورىنداۋ بارشامىزعا كەرەك.
پسيحولوگيالىق ترەنينگ. «دوستىق شەڭبەرى» سالەمدەسۋ.
ۇل - قىز سالەم بەرەمىز،
ونەگەلى ورەنبىز.
بىزدەر - قازاق بالاسى،
سالەم - ءسوزدىڭ اناسى.
تاربيەشى: - بالالار تاقتادان نە كورىپ تۇرمىز؟
بالالار: كوشەلەر، كولىكتەر.
تاربيەشى: جولدار قانداي بولادى؟
بالالار: تەگىس جولدار، كەڭ جولدار، تار جولدار، ۇزىن جولدار، قىسقا جولدار.
ىزدەنىستەر ۇيىمداستىرۋ: استانانىڭ كوشەلەرى كەڭ، ۇلكەن قالامىزدا كولىكتەر كوپ.
تاربيەشى: - بالالار مەن سەندەرگە جۇمباق جاسىرايىن.
توبەسىندە شىراعى،
جولاۋشىنىڭ پىراعى.
باراسىڭ دەپ قاي جاققا،
الدىن كۇتىپ تۇردى.
شاحماتتىڭ تاقتاسى،
سەكىلدى وندا تاڭبا بار.
بۇل قاي كولىك؟(تاكسي)
تاربيەشى: - بارەكەلدى! ءبىزدىڭ قالادا كولىكتەردىڭ تۇرلەرى كوپ ەكەن.
بۇگىنگى تاربيە ساعاتىمىزدا جولدا ءجۇرۋ ەرەجەلەرىن ەسىمىزگە ءتۇسىرىپ، جاياۋ جۇرگىنشىلەرگە ارنالعان بەلگىلەردىڭ تاڭبالارىمەن تانىسىپ، ايالداما تاڭبالاردىڭ بەلگىسىمەن تانىسامىز.

1. ولەڭ شۋماقتارىمەن ورتاعا:
ساناپ كەتسەك ءسىز بەن ءبىز،
سان كولىككە مىنەمىز.
تروللەيبۋس، ترامۆاي،
اۆتوبۋسپەن جۇرەمىز.

2. كولىك، كولىك،
كولىكتەرگە مىنەمىز.
كوشەلەرمەن، كوشەلەرمەن،
كۇندە تىنباي جۇرەمىز.

3. جول ءجۇرۋدىڭ ءتارتىبىن،
ەرەجەسىن بىلەمىز.
ساقتاعاندا قاتەردەن،
ساۋ - سالامات جۇرەمىز.

4. كوشەدە باعدارشام بولماسا،
كىسى جوق ءجون سىلتەر وزىڭە.
كىدىرمە، ابىرجىپ وندا اسا،
سەنگەيسىڭ وزىڭە كوزىڭە.

5. كوشەدە ورتاعا جەتكەنشە،
اۋەلى كوزىڭ سال سول جاققا.
بالاقاي، ورتادان وتكەن سوڭ،
موينىڭ سال سول جاقتان وڭ جاققا.

6. مەن بىلەمىن، ءبارىن دەمە،
وتىرعان جوقسىڭ بولمەدە.
ماشينا ءوتىپ كەتكەسىن،
جولاۋشى العا بەتتەسىن.

تاربيەشى: مەنىڭ ءۇش كوزىم بار،
ءبىر كوزىم «كىدىر» دەيدى.
ءبىر كوزىم «ابايلا» دەيدى،
ءبىر كوزىم «قاراپ قالما» دەيدى.
باعدارشام تۋرالى تاقپاق كىم بىلەدى؟
مەنىڭ اتىم «باعدارشام»، جاقسى بىلەم مىندەتىمدى،
مەكەن - جايىم تۇراقتى. مۇدىرمەيمىن ەشقاشان.

«باعدارشام» ويىنىن ويناتۋ.
شارتى: بالالار دوڭگەلەنىپ تۇرادى، باعدارشام قىزىل ءتۇستى كوتەرگەندە - بالالار ءبىر ادىم ارتقا جىلجيدى. سارى ءتۇستى كوتەرگەندە سول ورىندا تاپجىلماي تۇرادى. جاسىل ءتۇستى كوتەرگەندە ءبىر ادىم الدىعا جىلجيدى. (ويىن 3 رەت قايتالانادى)
بالالار، كوشەدە ءبىز تار جولمەن، ياعني جيەك جولمەن جۇرەمىز.