InfoHub Logo

ساباقتىڭ ماقساتى: جۇرەك قانتامىر جۇيەسى اۋرۋلارىمەن تانىستىرۋ
ساباقتىڭ مىندەتتەرى:
بىلىمدىلىك: جۇرەك قانتامىر جۇيەسى اۋرۋلارىمەن تانىستىرۋ. زياندى زاتتاردىڭ جۇرەك قانتامىر جۇيەسىنە اسەرى تۋرالى بىلىمدەرىن كەڭەيتۋ.
دامىتۋشىلىق: وقۋشىلاردىڭ قان كەتۋ تۇرلەرى جۇرەك قانتامىرلارىن اجىراتا ءبىلۋ، ولاردىڭ الدىن الۋ، كومەك كورسەتۋ يكەمدىلىكتەرىن دامىتۋ. اقپاراتتىق وقىتۋ قۇرىلدارىمەن جۇمىس جاساۋ قابىلەتتەرىن كەڭەيتۋ.
تاربيەلىك: سالاۋاتتى ءومىر - سالتىنا جاعىمدى كوزقاراس پەن وعان ۇمتىلۋ، ءوز دەنساۋلىعىمەن بىرگە وزگەلەردىڭ دەنساۋلىعىنا دەگەن جاۋاپكەرشىلىككە تاربيەلەۋ.
ساباقتىڭ ءادىس – تاسىلدەرى: تۇسىندىرمەلى - زەرتحانالىق.
ساباقتىڭ كورنەكىلىگى: ينتەراكتيۆتى تاقتا، كومپيۋتەر، جگۋت، داكە، ماقتا، يود، بۇرايتىن تاياقشا، تاڭعىش
ساباقتىڭ ءتۇرى: ءداستۇرلى ساباق.
ساباقتىڭ ءتيپى: قورىتىندىلاۋ ساباعى

ساباقتىڭ بارىسى:
I. ۇيىمداستىرۋ. رەفلەكسيا.
سالەمەتسىزدەر مە، بالالار! قانە بالالار بۇگىنگى ساباعىمىزعا توقتالماس بۇرىن الدىڭعى وتكەن ساباقتارعا شولۋ جاسايىق. بىزدەردە بۇگىن سايىسكەر 3 توپ ءبىلىم سىناعىنان وتەدى.
ءى توپ – «ارتەريا» توبى
ءىى توپ – «ۆەنا» توبى
ءىىى توپ – «كاپيلليار» توبى.
II. ءۇي تاپسىرماسىن تەكسەرۋ:
جەكەلەگەن تۇردە وقۋشىلاردىڭ تۇسىنگەندەرىن سۇراۋ
ءىىى قايتا ءبىلىمدى باقىلاۋ
ءبىلىم سىناعى ءتۇرلى كابينەتتەردە وتەدى.
سلايد 2 1«تانىسۋ» كابينەتى
ءار توپ قارسىلاس توپتىڭ بىرىنەن ءبىر وقۋشىنى جەكە شاقىرادى. ويىننىڭ اتى «سەن ءبىزدى بىلەسىڭ بە؟» شاقىرىلعان ويىنشى سول توپتىڭ اتىنا انىقتاما بەرىپ كەتەدى.
سلايد 4 3.«ناقتى ساندار» كابينەتى
5ل
75 - 80 رەت
120/80
60 - 70
250 - 300
IV. جاڭا ساباق.
(تەوريالىق ءبولىم)
سلايد 5 – ساباقتىڭ تاقىرىبى «جۇرەك قانتامىرلارى جۇيەسىنىڭ اۋرۋلارى جانە ولاردىڭ الدىن الۋ»
سلايد 6 بالالار بۇگىنگى ساباعىمىزدىڭ تاقىرىبى بارىڭىزگە ءمالىم. ال جۇرەك قانتامىر جۇيەسىندە ەڭ باستىسى – جۇرەك. ولاي بولسا اقىن اعامىز مۇقاعالي ماقاتايەۆتىڭ «جۇرەك ارىزى» ولەڭىن تىڭدايىق.
وۋ، يەم مەنىڭ،
وزىڭنەن بۇرىن جارالعام
الدىمەن مەنمىن
سونان سوڭ – سەنسىڭ جارالعان
باسىڭ مەن ميىڭ، اقىلىڭ، ەسىڭ، قيمىلىڭ
اياق پەن قولىڭ –
بارلىعى مەنەن ءنار العان.
كەلەدى سەنىڭ كەي - كەيدە مەنى مۇز ەتكىڭ
بارىنە كوندىم
قاتەلىگىڭدى تۇزەتتىم.
توسەك تارتقىزىپ، تونگەندە قاتەر باسىڭا
اينىماي سوقتىم، ايالاپ سەنى كۇزەتتىم
جالىندىم ساعان جاقىنى بول دەپ بارشانىڭ
جان يەم، سەنىڭ جاقسىلىعىڭدى اڭسادىم
وتكىزدىم سەنى قانشاما ءقاۋىپ - قاتەردەن
ال، ەندى ماعان دەمالىس بەرشى شارشادىم.
قاقىڭ جوق سەنىڭ دەم الۋعا دا، سوقپاۋعا
قارسى بارامىز وتتارعا، ءارى شوقتارعا
قاقىم جوق مەنىڭ دەمالىس ساعان بەرۋگە
قاقىڭ جوق سەنىڭ قالدىرىپ مەنى توقتاۋعا!

سلايد 7. جۇرەك - قانتامىرلارى جۇيەسىنىڭ اۋرۋلارى.
• گيپەرتونيا - قان قىسىمىنىڭ ۇنەمى نەمەسە ءجيى كوتەرىلۋى
• جۇرەك ينفاركتى - جۇرەك بۇلشىقەتىنىڭ جانسىزدانۋ ايماقتارىنىڭ اسەرىنەن بولاتىن جۇرەك جۇمىسىنىڭ بۇزىلۋى
• اتەروسكلەروز – قاندى وتكىزۋ قۋىستارىنىڭ تارىلۋى مەن قىزمەتىنىڭ بۇزىلۋىنان بولاتىن ارتەريالىق قان تامىرلارىنىڭ سوزىلمالى اۋرۋى.
• جۇرەك اقاۋلىعى – جۇرەك قىزمەتىن بۇزاتىن جۇرەك پەن ودان شىعاتىن قان تامىرلارىنىڭ قۇرىلىسىنداعى اقاۋلىقتار
سلايد 8. جۇرەك – قانتامىرلارى اۋرۋلارىنىڭ سەبەپتەرى
پراكتيكالىق ءبولىم

سلايد 10. زەرتحانالىق كابينەت «جەدەل جاردەم»
№10 - زەرتحانالىق جۇمىس
تاقىرىبى: «قان ەتكەندە العاش كومەك كورسەتۋ»
ماقساتى:
1. جگۋت سالۋدى ۇيرەتۋ
2. ارتەريالىق، ۆەنالىق جانە كاپيلليارلىق قان كەتۋ كەزىندەگى قاندى توقتاتۋ ارەكەتتەرىن ءتۇسىندىرۋ
سلايد 11. وقۋشىلارعا «قان كەتۋ كەزىندەگى العاشقى مەديسينالىق كومەك» ارنايى تۇسىرىلگەن ۆيدەو – روليك كورسەتۋ.
سلايد 12 زەرتحانالىق جۇمىستى قورىتىندىلاۋ (جازباشا)
جگۋت سالۋ رەتىن سيپاتتاپ جازىڭدار
1. الدىمەن قان كەتۋ ءتۇرىن انىقتاپ الۋ كەرەك، سەبەبى...
2. جگۋتتى زاقىمدانعان جەرگە سالۋ ءتارتىبى...
3. جگۋتتى شامامەن...... ساعات ۇستاۋ كەرەك، سەبەبى...
جاراقاتتانۋ ءتۇرى:
1. كاپيلليارلىق قان كەتۋ
2. ۆەنالىق قان كەتۋ
3. ارتەريالىق قان كەتۋ
4. ءىرى ارتەريالاردىڭ قان كەتۋ
العاشقى كومەك:
ا. قولدى شىنتاق بۋىنىنان بۇگىپ، تاڭىپ تاستاۋ
ۆ. جاراقاتتىڭ اينالاسىن يودپەن تازالاپ، قاتى قىسىپ تاڭۋ
س. ارتەريالىق تامىردىڭ ءلۇپىلى بايقالعان جەردەن قىسىپ، سۇيەككە باسىپ، تاڭۋ
كەستەگە تولتىر.
IV. بەكىتۋ.
سلايد 13. «باعدارشام» كابينەتى اۋىرىپ ەم ىزدەگەنشە...
قىزىل (سلايد 18)
ەسەپتەپ شىعار
ادامنىڭ جۇرەگى مينۋتىنا 60 - 70 رەت جيىرىلادى. بۇل ۋاقىتتا جۇرەك وزىنەن 4 ليتردەن استام قاندى ايدايدى. جۇرەك ارقىلى تاۋلىگىنە قانشا ليتر قان وتەتىنىن ەسەپتەپ شىعار.
سارى (سلايد 19)
تەمەكى شەگۋگە قارسىمىز!!! جارناما تاقتاسىن ازىرلەۋ
جاسىل (سلايد 20)
جولداستارىڭدى سالاۋاتتى ءومىر – سالتىنا شاقىر.
«بۋريمە» ولەڭ جولدارى.
......................... جاتپاڭدار
......................... تاستاڭدار
......................... جادىراپ
......................... باستاڭدار.
سىزدەر قوزعالىستىڭ قاجەت ەكەندىگىنە كوز جەتكىزىڭىزدەر. ەندى ءبارىمىز سەرگىتۋ ءساتىن ۇيىمداستىرايىق.
سلايد 14 سەرگىتۋ ءساتى:
شارتى:
ارتەريالىق قان كەتۋ بولسا – سول قول كوتەرۋ.
ۆەنالىق قان كەتۋ بولسا – وڭ قول كوتەرۋ.
كاپيلليارلىق قان كەتۋ بولسا – دەنەنى بۇرۋ.
ال قىزىل قان اعادى
قويۋ قىزىل ءتۇستى قان اعادى
قان شاپشىپ اعادى
جاراقاتتانعان جەردىڭ اينالاسى قانايدى
جگۋت سالۋ قاجەت ەمەس
تەرىنىڭ بەتكى قاباتى جاراقاتتانسا
تامىردىڭ ءلۇپىلىن انىقتاپ، قاتتى باسۋ كەرەك
سلايد 21. پايدالى كەڭەستەر
جۇرەك – قانتامىر جۇيەسىنە پايدالى تاعامداردىڭ قۇرامىندا الما، اپەلسين، ليمون سىندى جەمىستەر بار. مىسالى الما قانداعى گەموگلوبيننىڭ قۇرامىنداعى تەمىردىڭ كوبەيۋىنە قاجەت بولسا. اپەلسين شىرىنىن ءىشۋ قان تامىرلاردىڭ جۇمىسىن جاقسارتسا سيترۋستى وسىمدىكتەردىڭ بارلىعى قان تامىرلاردىڭ قابىرعاسىن قاتايتىپ، سەرپىمدىلىگىن ارتتىرادى. جەمىستەردەن قۋات الىپ، ءجۇزىمىز جادىراي بەرسىن
V. بالالاردى باعالاۋ. بۇگىنگى ساباققا قاتىسقان وقۋشىلاردى پايدالى ۆيتاميندەرمەن باعالايمىن
«5» - اپەلسين - ءتاتتى
«4» - الما – قىشقىل
«3» - ليمون – اششى
VI. ءۇي تاپسىرماسى §36. جۇرەك قان تامىرلار جۇيەسىنىڭ اۋرۋلارى جانە ولاردىڭ الدىن الۋ
VII. قورىتىندى
سلايد 22 «جۇرەكتەردەن جۇرەكتەرگە»
سونىمەن بالالار، بۇگىنگى ساباعىمىزدى اياقتالدى. ءبارىمىزدىڭ دەنىمىز ساۋ، جۇرەك سوعىسىمىز قالىپتى بولسىن دەپ قولدارىڭىزداعى جۇرەكشەگە ءبىر - بىرلەرىڭىزگە تىلەك جازىپ قالدىرىڭىزدار.
ساۋ بولىڭىزدار!