جۋرناليست دەگەن كىم؟
جۋرناليست ماماندىعى - قيىندىعى مەن قىزىعى مول، جان-جاقتى بىلىمدىلىكتى تالاپ ەتەتىن جاۋاپتى سالا. "جۋرناليستيكا" تەرمينى فرانسۋز تىلىندەگى "journal" سوزىنەن شىققان. بۇل "كۇندەلىك"، "جۋرنال" دەگەن ماعىنانى بىلدىرەدى. جۋرناليست قوعامداعى جاقسىلىق اتاۋلىنىڭ جەر-جەبىرىنە جەتەتىن قالامگەر، قايراتكەر. حالىق جۋرناليست ماماندىعىن "ەكىنشى كونە" ماماندىق دەپ اتاپ كەتكەن. دەگەنمەن، ءسوزدىڭ جانى بار. ويتكەنى ەجەلدە جۋرناليستەر پاتشا جارلىعىن حالىققا جەتكىزۋ ءۇشىن قىزمەت ەتەتىن.
جۋرناليست بولۋ - ماقساتكەر، تالاپشىل ءارى تەز ءتىل تابىسقىش، تەك قانا اقيقاتتى ايتۋ دەگەن ءسوز. جۋرناليست - بۇل جازا الاتىن ادام. جۋرناليستيكا سالاسى - تەك اقپاراتتى ايتۋ مەن شەكتەلمەيدى، بۇل شىنايى تۇردە، بار كوڭىلىڭمەن، سەزىممەن، بويىڭداعى بار بولمىسىڭمەن، قۇلشىنىسىڭمەن جازا الۋ. ناعىز رەپورتەرلىك قىزمەتتى فرانسۋزدار دامىتتى. فرانسۋزدار العاشىندا قالا كوشەلەرىنە جينالىپ، پاريج جاڭالىقتارىمەن بولىسەتىن بولعان، جانە ءبىراز ۋاقىتتان سوڭ، جاڭالىقتار تاراتۋمەن اينالىساتىن ادامدار، ولاردىڭ ىشىنەن بولىنە باستادى. ەڭ العاشقى "جۋرناليستەردى" باي پاريجدىكتەر ارنايى شاقىرتىپ، اقپارات سۇرايتىن بولعان. وسىلايشا، جۋرناليست ماماندىعى پاريجدە دامىدى. ورالحان بوكەي ۇلى ايتپاقشى: " جۋرناليستيكا - جول ۇستىندەگى ادەبيەت". جۋرناليستيكا بيلىك پەن حالىقتىڭ اراسىنداعى دانەكەر. قوس تاراپتى بىر-بىرىمەن بايلانىستىرۋشى التىن كوپىر.
جۋرناليست - جولاۋشى. ويتكەنى، ول ءومىر بويى جول ۇستىندە. بۇل ماماندىق كارل كراۋستىڭ ايتۋى بويىنشا: "ويىڭا بىردە-بىر وي كەلمەسە دە، ونى قاعازعا تۇسىرە بىلگەندە عانا، جۋرناليست بولاسىڭ". جۋرناليستيكا قاشاندا ادامگەرشىلىكپەن، كوركەمدىك تۇسىنىكپەن تىعىز بايلانىستى.
كەڭشىلىكوۆا قۇرالاي شالقار قىزى
You Might Also Like
-
ەرمەككالييەۆا گۇلجان نۇربولات قىزى بقو جاڭاقالا اۋدانى جاڭاقالا ءجوببم-نىڭ بيولوگيا ءپانى ءمۇعالىمى
