InfoHub Logo

ون بەس جاسىندا جيرەنشە ناعاشىسىن ىزدەپ بارا جاتىپ، ءبىر تۇيە باققان ادامعا جولىعىپ، بۇنى سۇراپ تۇرعان جەرى جاڭادا عانا كوشكەن اۋىلدىڭ جۇرتى بولادى. جيرەنشە جۇرتقا قاراپ تۇرىپ:

— مىناۋ ۇيدە ەكى قاتىن بار ەكەن.

ەكىنشى ءۇيدىڭ جۇرتىنا قاراپ:

— مىناۋ ۇيدە ەكى سۇلۋ قىز بار ەكەن.

ءۇشىنشى جۇرتقا قاراپ تۇرىپ:

— مىناۋ ءۇيدىڭ ءيتى كوپ ەكەن، — دەيدى. سوندا تۇيەشى:

— قايدان ءبىلدىڭ؟ — دەگەندە،

— ەكى كۇندەس قاتىنى ۇرىسىپ وتىرىپ، كوسەۋمەن وتتىڭ باسىن قازىپ تاستاپتى. ەكى قىزدىڭ بارلىعى، سۇلۋ بولۋ ءۇشىن بەلدەرىن جىڭىشكەلەۋ ءۇشىن ەكى تالمەن ارقان تۇسەتىپ جاتقانداعىنان ءبىلدىم. ءۇشىنشى ءيتتىڭ كوبىن شۇڭقيىپ تۇرعان قۇيرىعىن ورنىمەن تالاسىپ، قازعان اياقتارىنىڭ ورنىنان
ءبىلدىم، — دەپتى. تۇيەشىنىڭ ءوز اۋلىنىڭ جۇرتى بولادى. جولاۋشى بالانىڭ ايتقانى ءدال كەلگەنىنە تاڭدانا قاراپ:

— شىراعىم بالام، قايدا باراسىڭ، كىم بولاسىڭ؟ — دەپتى.

— اتىم — جيرەنشە، ناعاشىما بارام، — دەيدى.

— ءومىرلى بولىپ ەر جەتسەڭ، تەگىن ادام بولماسسىڭ. كۇن كەشكىرىپ قالدى. انا بەلدىڭ استىندا اۋىل بار. بالاسى جوق ءبىر ادامنىڭ ايەلى بۇگىن بوسانىپ، ايەل بالا تاپتى. بۇگىن سونىڭ شىلدەقاناسى بولادى. سول قىز ويناققا كىر، ەشكىم قۋماس. مىنا ءبىلىمىڭ تۇرعاندا، — دەيدى. تۇيەشى ايتقانداي الگى اۋىلعا كەلسە، قىزويناق قازاقتىڭ قارت ماجىلىسىنە قاتىسىپ، تۇنىمەن ويىن-ساۋىقتا بولعان جيرەنشە ۇيىقتاپ كەتسە، ءتۇس كورەدى. تۇسىندە: «جاڭا تۋعان وسى قىزدى ون بەس جاسقا كەلگەندە سەن ايەلدىككە الاسىڭ»، — دەيدى. بالا قۋانا ويانىپ، ءوز جونىنە ءجۇرىپ كەتەدى.

ەكىنشى رەت ناعاشىسىنا كەلە جاتقاندا جولشىباي اۋىلدىڭ سىرتىنان ءوتىپ، كۇن جاۋادى. بۇزاۋ جامىرايدى. تەزەك اكەلە جاتقان بالالار جاۋىننان قاشىپ، تەزەكتەرىن توگىپ، ۇيىنە كەتكەندە ءبىر قىز ەكى بۇزاۋىن ۇستاپ جامىراتپاي، تەزەگىن قابىن ىقتاپ وتىرىپ قالادى. مۇنى كورگەن جيرەنشە كەلىپ:

— جاۋىننىڭ استىندا نەگە وتىرسىڭ؟ — دەيدى. سوندا قىز:

— اقىماق بالالار بۇزاۋىن جامىراتىپ، تەزەگىن تاستاپ كەتتى. كويلەگىم سۋ بولسا كەبەدى، — دەپتى. وسى قىز قاراشاش بولادى. جيرەنشە ۇيلەنەدى.

---