كارىم جالتاقباي
ورىس ءتىلى پانىنەن جاتقا جازۋ ساباعى ءجۇرىپ جاتقان.
كارىم سوڭعى ءسوزدى جازىپ بولىپ، قايتا وقىپ شىقتى. «موركوۆ» دەپ ىشىنەن الدەنەشە ايتتى، دۇرىس جازىلعاندىعىنا سەنە الماي وتىر. كورشى بالانىڭ داپتەرىنە قاراپ ەدى، «ماركوۆ» دەپ جازىپتى. سولاي ءبىر تۇزەپ قويدى دا، «قايكەن قالاي جازدى ەكەن؟» — دەپ، موينىن سوزىپ، الدىڭعى بالانىڭ داپتەرىنە ءۇڭىلدى. ول «ماركوۆ» دەپ جازىپتى.«ءاي، وسىنىڭ جازعانى دۇرىس بولار» دەپ ويلاعان كارىم «و» ءارپىن «ءو»-گە تۇزەتىپ، مۇعالىمگە داپتەرىن تاپسىردى. كەلەسى كۇنى ءمۇعالىم:
— ءوز كۇشىنە، ءوز بىلىمىنە سەنبەي، جۇرتقا جالتاقتاعان كارىم ءبىر سوزدەن ءۇش قاتە جىبەرىپتى، سوندىقتان ەكىلىك الدى، — دەپ حابارلادى بالالارعا.
وقۋشىلار دۋ كۇلدى. سودان باستاپ كارىم جۇرتتىڭ داپتەرىنە قارامايتىن بولدى.
You Might Also Like
-
قارلىعاش اشىق تەرەزەدەن باققا قاراپ وتىر. سوڭعى كۇندەرى وسىلاي وتىرۋدى ادەتكە اينالدىرىپ العان. اكە-شەشەسى جۇمىسقا كەتىپ، جالعىز قالعان سوڭ، ءۇي ءىشىن تارتىپتەپ بولىپ، سۋرەت سالۋعا كىرىسەدى. سۋرەتتەر...
-
تورى بيەنىڭ كوزىنىڭ بىرەۋى سونانىڭ كوزىندەي اپپاق، ەكىنشىسى مولدىرەگەن قوڭىر. جۇرت ونى شاعىر بيە دەيدى. شاعىر بيەنىڭ ءبىر جامان مىنەزى – ۇنەمى اۋا جايىلىپ، دارا جۇرەدى.
