InfoHub Logo

كاۋكەن (ءابدىراحىم) كەنجەتايەۆ (1916 - 2008) — ءانشى، قازاقستاننىڭ حالىق ءارتيسى. ول پاۆلودار وبلىسىنىڭ باياناۋىل اۋدانىندا دۇنيەگە كەلگەن. 1936-41 جىلدارى ماسكەۋ كونسەرۆاتورياسى جانىنداعى قازاق ستۋدياسىندا وقىعان. 1959 جىلى الماتى كونسەرۆاتورياسىن (قازىرگى قازاق ۇلتتىق كونسەرۆاتورياسى) بىتىرگەن. 1942-46 جىلدارى حاباروۆسكىدەگى شەكاراشىلار انسامبلىندە قىزمەت اتقارادى.1946 جىلدان قازاق اكادەميالىق وپەرا جانە بالەت تەاترىندا ەڭبەك ەتەدى.

1958 جىلى ماسكەۋدە وتكەن قازاق ادەبيەتى مەن ونەرىنىڭ ونكۇندىگىنە قاتىسادى.
كاۋكەن تارعىن، جالبىر، بەكەجان، سەمون (ە.گ. برۋسيلوۆسكييدىڭ «ەر تارعىن»، «جالبىر»، «قىز جىبەك»، «دۋدارايىندا»)، جانبوتا (م.تولەبايەۆتىڭ «ءبىرجان ساراسىندا»)، ەسكاميلو (ج.بيزەنىڭ «كارمەنىندە»)، كنياز يگور (ا.پ. بورودينونىڭ «كنياز يگورىندە»)، رۋسلان (م.ي. گلينكانىڭ«رۋسلان مەن ليۋدميلاسىندا»)، دەمون (ا.گ. رۋبينشتەيننىڭ «دەمونىندا»)، الەكسو (س.ۆ. راحمانينوۆتىڭ «الەكوسىندا») پارتيالارىن شەبەر ورىندادى. 1957 جىلدانباستاپ كينوعا ءتۇسىپ، باۋىرجان مومىش ۇلى («ەل باسىنا كۇن تۋسا دا»)، نۇرتازا («ءان قاناتىندا»)، تاناباي («تۇلپاردىڭ ىزىندە»)، جاپپاس («تاۋداعى شىناردا»)، بازارباي («قىز جىبەكتە»)، قازانعاپ («بوراندى بەكەتتە») ت.ب. رولدەرىن وينادى. كاۋكەن كەنجەتايەۆ رەجيسسەر رەتىندە برۋسيلوۆسكييدىڭ «ەر تارعىن»، «جالبىر»، «قىز جىبەك»، «امانگەلدى»، س.مۇحامەدجانوۆتىڭ «ايسۇلۋ»، ە.راحمادييەۆتىڭ «الپامىس»، پ.ي. چايكوۆسكييدىڭ «قارعانىڭ ماتكەسى» ت.ب. وپەرالاردى قويدى.

1979 جىلدان ونەر اكادەمياسىندا ءدارىس بەرەدى. «دارحان دارىن»، «ءماجيت بەگالين»، ت.ب. كىتاپتاردىڭ اۆتورى. گاسترولدىك ساپارمەن پولشا، موڭعوليا، رۋمىنيا، تۋركيا، گرەكيا، ەگيپەت، سيريا، ليۆان ت.ب. ەلدەردە بولعان. ەڭبەك قىزىل تۋ وردەنىمەن، مەدالدارمەن ماراپاتتالعان.

---