كەلەشەككە داڭعىل جول
تاياۋدا جىل سايىنعى ءداستۇر بويىنشا ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ تۇلەكتەرىنە ديپلوم تابىستاۋ ءراسىمى ءوتتى. شاراعا ءبىلىم ورداسىنىڭ وقىتۋشىلارى مەن ءبىتىرۋشى تۇلەكتەردىڭ اتا-انالارى، تۋىستارى قاتىستى. قالاي دەسەك تە، بۇل كۇن بيىلعى ۋنيۆەرسيتەت ءبىتىرىپ، ۇلكەن ومىرگە قانات قاققان تۇلەكتەردىڭ ەسىندە ۇزاق ساقتالماق.
سالتاناتتى راسىمدە ت.جۇرگەنوۆ اتىنداعى قازاق ۇلتتىق ونەر اكادەمياسى رەكتورىنىڭ مىندەتىن اتقارۋشى، ساياساتتانۋ عىلىمدارىنىڭ دوكتورى، پروفەسسور شارىپبەك امىربەكوۆ قۇتتىقتاۋ ءسوز سويلەپ، باكالاۆريات پەن ماگيسراتۋرانى ءبىتىرۋشى تۇلەكتەرگى ءوز قولىمەن ديپلومدارىن تابىس ەتتى. جەكەلەگەن تۇلەكتەرگە وقۋ ورنىنىڭ وقۋ، بىلىممەن قاتار قوعامدىق جۇمىستارعا بەلسەنە اتسالىسقانى ءۇشىن ارنايى العىس حاتتار بەرىلدى. ايتا كەتۋ كەرەك، بيىل اكادەميا قابىرعاسىنان PhD دوكتورانتۋرادا 7 ماماندىق بويىنشا 11 مامان، 13 ماماندىق بويىنشا 50 ماگيسترانت جانە 300 باكالاۆريات ستۋدەنتتەرى تۇلەپ شىقتى.
شارىپبەك امىربەكوۆ، ت.جۇرگەنوۆ اتىنداعى قازاق ۇلتتىق ونەر اكادەمياسى رەكتورىنىڭ مىندەتىن اتقارۋشى، پروفەسسور:
– قۇرمەتتى تۇلەكتەر! سىزدەردى PhD دوكتور، ماگيسترلىك جانە باكالاۆر دارەجەسىنىڭ ديپلومىن الۋلارىڭىزبەن قۇتتىقتايمىن! بۇگىن بارلىقتارىڭىز دا جوعارى ءبىلىم العان كيەلى قارا شاڭىراق، التىن ۇيالارىڭىزدان قانات قاققالى تۇرسىزدار. قازىرگى ۋاقىتتا اكادەميا ەلىمىزدەگى ەڭ العاشقى ونەر وقۋ ورنىنىڭ ءبىرى – كيەلى شاڭىراق رەتىندە تۇلەكتەرى الەمدىك جانە ۇلتتىق مادەنيەت پەن ونەردىڭ التىن قورىن قۇرايتىن شىعارماشىلىقتىڭ زيالى قاۋىمىن دايىندايتىن، ءوزىن مويىنداتقان ورتالىق. سىزدەر بولاشاقتا عاسىرلار بويى ۇرپاقتان ۇرپاققا ميراس بولىپ كەلە جاتقان قازاق حالقىنىڭ ونەرىن دۇنيە جۇزىنە پاش ەتىپ ۇلىقتايدى دەگەن سەنىمدەمىن. ەلىمىزدىڭ مادەني ءومىرى مەن ۇلتتىق ونەر سالاسىنا اتتانىپ جاتقان جاڭا قادامدارىڭىزعا ساتتىلىك تىلەيمىن!
شارا اياسىندا اكادەميانىڭ ەڭ دارىندى ستۋدەنتتەرى ونەر كورسەتتى. كسرو حالىق ءارتىسى، قازاقستاننىڭ ەڭبەك ەرى ءاسانالى ءاشىموۆتىڭ جانە تاعى باسقا تانىمال ونەر يەلەرىنىڭ كلاسسىن ءتامامداۋشى تۇلەكتەر ونەر ۇياسىنان تۇلەپ ۇشتى. سونداي-اق، «مۋزىكالىق ونەر» فاكۋلتەتىنىڭ تانىمال تۇلەكتەرى «نوۆايا ۆولنا» حالىقارالىق كونكۋرسىنىڭ لاۋرەاتى، «مۋزارت-life» توبىنىڭ ورىنداۋشىسى سەگىزباي نۇرحات، «نوۆايا ۆولنا» حالىقارالىق كونكۋرسىنىڭ لاۋرەاتى جانە «سلاۆيانسكيي بازار» حالىقارالىق كونكۋرسىنىڭ لاۋرەاتى ەرنار سادىربايەۆ، حالىقارالىق كونكۋرستاردىڭ لاۋرەاتتارى گۇلنار كوشەنوۆا، تولعاناي پازىلاقىن جانە ت.ب. ءوز ونەرلەرىن ورتاعا سالادى.
شارانى تۇيىندەگەن شارىپبەك اعاباي ۇلى، اكادەميانىڭ قازاقستاندىق ونەر سالاسىندا مارتەبەسى جوعارى، ۇلتتىق ونەردىڭ قالىپتاسۋى مەن دامۋى جولىندا بۇقارا حالىقتىڭ رۋحاني ومىرىنە ەلەۋلى قىزمەت ەتىپ جاتقانىن ايتىپ ءوتتى.
باسپا ءسوز قىزمەتى
You Might Also Like
-
1926 جىلعى ەسەپكە قاراعاندا، قازاقستاننىڭ بارلىق حالقى ەر-قاتىنى 6507077 كىسى بولىپ، وسىدان ەرى 51،2 پروسەنت، ايەلدەرى 48،8 پروسەنت؛ بۇل ساندى ۇرىس داۋىرىنە شەيىنگى سانمەن تەڭدەستىرۋ مۇمكىن ەمەس. 1...
-
كىمدە-كىم ەشكىمنىڭ كوزى كورىپ، قۇلاعى ەستىمەگەندى جاساسا، سول كورولدىڭ قىزىنا ۇيلەنەدى، جاساۋىنا جارتى كورولدىك بەرىلەدى.
