كەمپىرقوساق سىرى

سوڭعى جاڭارتۋ

(وزگەرتىلگەن ۋاقىتى 4 كۇن بۇرىن)

05 ناۋ. 2024 03:11
166

كەمپىرقوساق سىرى

ءبىلىم بەرۋ سالاسى: شىعارماشىلىق
ءبولىمى: سۋرەت سالۋ
تاقىرىبى: كەمپىرقوساق سىرى
ماقساتى:
بىلىمدىلىك: بالالارعا كەمپىرقوساق تۋرالى تۇسىنىك بەرۋ، پايدا بولۋ جولىن ءتۇسىندىرۋ، تۇستەرى تۋرالى ايتۋ. تۇستەردىڭ قوسىندىلارى تۋرالى ماعلۇمات بەرۋ.
دامىتۋشىلىق: ويلاۋ، ەستە ساقتاۋ قابىلەتتەرىن دامىتۋ. تاقىرىپقا دەگەن قىزىعۋشىلىقتارىن ارتتىرۋ، سۋرەت سالۋعا ىنتالاندىرۋ. توپپەن جۇمىس جاساۋعا داعدىلاندىرۋ
تاربيەلىك: قورشاعان ورتاعا قامقورلىقپەن قاراۋعا، دوستىققا، ۇقىپتىلىققا تاربيەلەۋ.
كورنەكىلىكتەر: تاقىرىپقا ساي سۋرەتتەر، اكۆارەلدى بوياۋ، اق قاعاز، سۇلگىلەر، سلايد پرەزەنتاسيا
سوزدىك جۇمىس: كەمپىرقوساق - رادۋگا
قولدانىلاتىن ءادىس - تاسىلدەر: كورسەتۋ، ءتۇسىندىرۋ، سۋرەت سالۋ، ديداكتيكالىق ويىندار. امانداسۋ
№6 بالاباقشانىڭ
تاربيەلى بالاسى
الدىمەنەن ۇلكەندەرگە
امانداسىپ الادى.
(امانداسۋ)
شاتتىق شەڭبەرى.
(بالالارمەن بىرگە)

ۇلكەن شەڭبەر قۇرايىق
الاقاندى ۇرايىق
كۇلىمدەسىن كۇن دە
كۇلىمدەيىك ءبىز دە.
الاقاندى اشايىق
كۇننىڭ نۇرىن سالايىق
تازا اۋانى جۇتايىق
جۇرەككە جىلۋ سىيلايىق!
قايتالاۋ.
بالالار ءقازىر جىلدىڭ قاي مەزگىلى؟
كۇز مەزگىلىن سيپاتتايتىن قانداي تاقپاقتار بىلەسىڭدەر:

كۇز.
ايشا مەن امينا
كوك مايسالى كورىكتى
القاپتاعى كوپ ەگىن،
بۇل كۇندەرى كيىپتى،
سارى جىبەك كويلەگىن.
جەل تىنىمسىز گۋىلدەپ،
بولىپ كەتتى تىم بۇزىق
شۋىلدايدى تال - تەرەك
جاپىراعىن جۇلعىزىپ.

(سايقىمازاق جۇگىرىپ كىرەدى)
سايقىمازاق:
توقتاڭدار، توقتاڭدار! كۇز مەزگىلى دەيسىڭدەر مە؟
سوندا ءقازىر كۇز مەزگىلى بولسا كەمپىرقوساق كورىنبەي مە؟
مەن كەمپىرقوساقتى ىزدەپ ءجۇر ەدىم. ەندى قايتتىم!
تاربيەشى: سايقىمازاق سەن الاڭداما، كەمپىرقوساق ءقازىر كورىنبەيدى، ۇيتكەنى ول جازدا بولاتىن قۇبىلىس. ءبىراق بۇگىن ءبىزدىڭ بالالار ساعان كەمپىرقوساقتىڭ سۋرەتىن سالىپ بەرەدى. ال سەندەر كەمپىرقوساقتىڭ قايدان شىعاتىنىن بىلەسىڭدەر مە؟
ول قاي كەزدە پايدا بولادى؟
بالالار جازدا نە كوپ جاۋادى؟
دۇرىس، جاڭبىر.
جاڭبىردان سوڭ دوعا تەكتەس 7 ءتۇستى كەمپىرقوساق پايدا بولادى.
مولدىرەپ مونشاق شاشىلدى،
اسپان شايداي اشىلدى.
كوكتە قىزىل، جاسىلدى
كەمپىرقوساق اسىلدى.
كەمپىرقوساق قايدان پايدا بولادى دەگەن سۇراققا مىنا سلايد ارقىلى جاۋاپ ىزدەيىك.
(سلايد ارقىلى كەمپىرقوساق تۋرالى تولىق ماعلۇمات بەرۋ)

وتە جاقسى ولاي بولسا ءبىز بۇگىنگى ساباعىمىزدى توپقا ءبولىپ جۇرگىزەيىك. سايقىمازاق سەن دە قاتىسىپ وتىر.
(بالالار ءوز ەرىكتەرىمەن جۇمىس ورىندارىنا جايعاسادى)

توپتىق تاپسىرما بەرۋ.

1 توپ. 5 بالا جەكەلەي ورىندايدى.
«دىمقىلداۋ» ءادىسى ارقىلى سۋرەت سالۋ.
قاجەتتى قۇرالدار: كىشكەنە سورعىشتار (گۋبكالار)، اكۆارەلدى بوياۋلار، قىلقالامدار، سۋ قۇيىلعان ىدىستار، اق قاعازدار، گۋاشتار، مايلىقتار.
بارىسى: الدىمەن سورعىشقا كولدەنەڭىنەن قىلقالامنىڭ كومەگىمەن قىزىل ءتۇستى، ارتىنشا توق سارى، سارى، جاسىل، اشىق كوك، كوك، كۇلگىن تۇستەردى جاعىپ، اق قاعازعا دوعا تەكتەس ەتىپ، اينالدىرا باستىرامىز.

2 توپ. توپپەن جۇمىس.
«الاقان ءىزى» ارقىلى كەمپىرقوساق جاپسىرۋ.
قاجەتتى قۇرالدار: ۇلكەن اق قاعاز، جەلىم، مايلىقتار
بارىسى: الدىن الا دايىندالعان الاقان تەكتەس ۇلگىلەردى كەمپىرقوساقتىڭ تۇستەرىنىڭ رەتىمەن جەلىم جاعىپ وتىرۋ ارقىلى جاپسىرۋ.

3 توپ. توپپەن جۇمىس
ساۋساقپەن سۋرەت سالۋ ءادىسى. جاز مەزگىلىندەگى جايما شۋاق جاڭبىردان كەيىنگى كەمپىرقوساق كورىنگەن تابيعات.
قاجەتتى قۇرالدار: ساۋساقپەن سۋرەتكە ارنالعان گۋاشتار، مايلىق، پلاكاتۇ ۇلگى.
بارىسى: 3 بالا ۇلكەن پلاكاتقا ساۋساق ىزدەرى ارقىلى تابيعاتتىڭ سۋرەتىن الادى.

سەرگىتۋ ءساتى:
زدراۆستۆۋي، رادۋگا - دۋگا،
رازنوسۆەتنىي موستيك!
زدراۆستۆۋي، رادۋگا - دۋگا!
پرينيماي ناس ۆ گوستي.
مى پو رادۋگە بەگوم
پروبەجيمسيا بوسيكوم.
چەرەز رادۋگۋ - دۋگۋ
پەرەپرىگنەم نا بەگۋ.
ي وپيات بەگوم، بەگوم
پروبەجيمسيا بوسيكوم.

تاربيەشى: كوردىڭ بە سايقىمازاق ءبىزدىڭ بالالار سۋرەتتى جاقسى سالادى، جاپسىرا الادى. ەندىگى كەزەكتە ءبىزدىڭ بالالارىمىز جازداعى كەرەمەت تابيعات اياسىن قۇراستىرىپ بەرەدى. بۇل دا توپتىق جۇمىس. سوندىقتان باعاناعى 3 توپتىڭ بالالارىنىڭ ىشىنەن 6 بالانى تاڭداپ الىپ، قۇراستىرايىق.
قۇراستىرۋ: «تابيعات اياسىندا» توپتىق جۇمىس.
جاڭبىر جاۋىپ، باسىلدى،
كۇلىمدەيدى كوكتە كۇن.
كەمپىرقوساق اسىلدى،
ورمەگىندەي كوكتەمنىڭ.
قورىتىندىلاۋ، ماقتاپ - ماداقتاۋ.

تاربيەشى: سايقىمازاق سەن نەگىزى كوڭىلدى بولىپ ءجۇرۋىڭ كەرەك. باعانادان بەرى ءبىزدىڭ بالالارىمىز ساعان بار ونەرلەرىن كورسەتتى. ەندى سەن ءبىزدى نەمەن قۋانتاسىڭ؟
سايقىمازاق: مەن وندا سيقىر كورسەتەيىن.
(سيقىر كورسەتۋ ارقىلى بالالارعا كامپيت تاراتادى)
سايقىمازاق قوشتاسىپ، العىسىن بىلدىرەدى.
كەلگەن قوناقتارعا «ساۋ بولىڭىز» دەيمىز.

كۇتىلەتىن ناتيجە:
ءبىلۋى كەرەك: جىل مەزگىلدەرىن، كۇز مەزگىلىندەگى قۇبىلىستاردى.
بولۋ كەرەك: جاڭبىر، كەمپىرقوساق تۋرالى ماعلۇماتى بولۋ كەرەك.
ۇيرەنۋ كەرەك: كەمپىرقوساقتىڭ سۋرەتىن سالىپ، جاپسىرا ءبىلۋى كەرەك. توپپەن جۇمىس جاساپ ۇيرەنۋى كەرەك.

كمقك "اياگوز قالالىق №6 بوبەكجاي - بالاباقشاسى"
تاربيەشىسى اديلحانوۆا ايگەريم بەيسەنگازينوۆنا