كەنەسارىنىڭ قىرعىزعا ەلشى جىبەرۋى
ەل جايلاۋدان ءتۇسىپ، شۋدىڭ بويىندا تورىعان كەز ەكەن، ءبىر كۇنى ەرتەڭ ەرتە اق قىرقاعا تولعان اق ءۇي قونىپ قالىپتى. سۇيتسە، ول كەنە حاننىڭ اۋىلى ەكەن. قوردايدان تۇندە اسىپ، سول جەرگە كەلىپ قونعان ەكەن. ءبىرازدان كەيىن اۋىلعا جاساۋىلدارى كەلىپتى. مەنىڭ اكەم قاسىنا كىسى ەرتىپ، ەرۋلىككە سويىس سالىپ الىپ حاننىڭ اۋلىنا بارىپتى. ولاردى قوناق ۇيگە ءتۇسىرىپتى. ءبىر كەزدە حان شاقىرادى دەپ ەكى جىگىت كەلىپ، ولاردى ەرتىپ حاننىڭ ۇيىنە الىپ كىرىپتى. سالەمدەسىپ، ءجون سۇراپ بولعاسىن كەنە حان: «جانتاي، ورماندارمەن ۇرىسايىن دەگەن جوق ەدىم. ەل بولايىق دەگەنگە كونبەدى. جاۋعا قوسىلدى. ەلشىمىزدى بايلادى. ۇرلىعىن بىلاي ىستەپ جاتىر. كىنا وزدەرىندە، ەرتەڭ ەلىن شابامىن. دۋلات بالاسى ىرگەلى ەل ەدىڭدەر، كوزدەرىڭمەن كورىپ، ولجالارىڭدى الىڭدار»، — دەپتى. ايتقانىنداي، حاننىڭ قولى ەرتەڭمەن شۋدىڭ ارعى جاعىنا ءوتىپتى. پىسپەكتىڭ قاسىنداعى قارا اعاشتىڭ بەرگى تۇبىندە قىرعىزدىڭ قولى كەزدەسىپ، سوعىس بولىپ، قىرعىزدىڭ باتىرى ءولىپ، قىرعىز قولى قاشىپتى. قىرعىزدار بەت-بەتىمەن تاۋعا قاراي كوشىپ قاشىپتى. تۇسكەن ولجانى حان ەلگە تاراتىپ بەرىپتى دە، تەرىسكەيگە قايتا كوشىپ كەتىپتى.
قىستى كۇنى كەنە حان جانتايعا تاعى ادام جىبەرىپتى. باسشىسى وتەگەن باتىردىڭ نەمەرەسى ورمان دەگەن شەشەن ادام ەكەن. بۇعىباي، ساۋرىق باستاتقان باتىرلار بارىپتى. قىرعىزدار قوشەمەتتەپ سىيلاپتى. ءبىراق ەكى اي جاتقىزىپ، ءجوندى جاۋاپ بەرمەي اتتاندىرىپتى دەيدى.
وقۋعا كەڭەس بەرەمىز:
سىرىمنىڭ نۇرالى حاندى شابۋى (ءىى نۇسقا)
بايماعامبەت سۇلتان مەن سىرىم باتىر
You Might Also Like
-
ق ر عىلىم جانە ءبىلىم مينيستىرلىگى “تۋران ۋنيۆەرسيتەتى” اۆتورلار: ف.ع.ك.،قاۋىمداستىرىلعان پروفەسسور تۋلەكوۆا گ.ح كانديدات پەداگوگيچەسكيح ناۋك، اسسوسييروۆاننىي پروفەسسور كۋانوۆا ساۋلە با...
-
قاسىمنىڭ ۇلكەن قاتىنىنان — ەسەنگەلدى، سارجان ءام كەنەسارى، توقالىنان — ناۋرىزباي، قارىنداسى قاراشاش، ۇيسىننەن شابىنشىلىقتان كەلگەن ايەلىنەن — بوپي. اعىبايدىڭ اكەسى ولجاباي ونىمەن ب...
