InfoHub Logo

كىم كۇشتى، ەپتى؟

تاقىرىبى: «كىم كۇشتى، ەپتى؟».
ماقساتى: سالاۋاتتى ءومىر سالتىن ۇستانۋعا باۋلۋ. سپورتقا دەگەن قىزىعۋشىلىعىن ارتتىرۋ.
مىندەتى: ءار ءتۇرلى سپورتتىق ويىن تۇرلەرىمەن تانىسۋ، تاسىلدەرىن مەڭگەرۋ؛
بالالاردىڭ يكەمدىلىگى مەن ەپتىلىكتەرىن، مەرگەندىك پەن شاپشاڭدىلىق قابىلەتتەرىن دامىتۋ.
ءتۇرى: ەستافەتالىق ويىن.
وتىلەتىن ورنى: سپورت الاڭى.
كورنەكىلىگى: ءتۇرلى - ءتۇستى شارلار، دوپتار، كەدەرگىلەر، جالاۋشالار، كونۋستار، ىسقىرىق، ۋاقىت ولشەۋىش.

قۇرمەتتى تاربيەشىلەر مەن بالالار، بۇگىنگى «سپورت - ءومىر كوركى» سايىسىنا قوش كەلدىڭىزدەر! كوڭىلدى جارىسقا 2 توپتىڭ ياعني، «اققۋ» جانە «گۇلدەر» توبىنىڭ بالالارى قاتىسادى. جارىسقا قاتىسۋشىلاردى ورتاعا شاقىرامىز.

ۇستانعان سالاۋاتتى ءومىر سالتىن،
جاسقانىپ، ەشقاشان دا مويىمايتىن،
بولاشاق سپورتشىلار كەلدى ورتاعا
قول سوعىپ قارسى الايىق، قانە، حالقىم!

- سايىستى باستاماس بۇرىن، سايىسىمىزعا ءادىل باعا بەرەتىن ءادىل - قازىلار القاسىمەن تانىسايىق. ءار كەزەڭ سايىن ءادىل - قازىلار ءوز باعاسىن بەرەدى.
- سپورتتىق سايىسىمىز 5 باللدىق جۇيەمەن باعالانادى.

سالاۋاتتى ءومىر سالتىن ساقتاڭىز،
جاتتىعۋدان ەشقاشان دا قاشپاڭىز.
بالا باقشا بالالارى
پاراساتتى، ايبىندى،
بولىڭىز ءسىز سەگىز قىرلى، ءبىر سىرلى.

توپپەن تانىسۋ
- «اققۋ» توبىن ورتاعا شاقىرامىز
توپتىڭ ۇرانى: سپورتپەن دوستاس، جالقاۋلىقپەن قوشتاس.

- «گۇلدەر» توبىن ورتاعا شاقىرامىز
توپتىڭ ۇرانى: ءبارىمىز – ءبىرىمىز ءۇشىن، ءبىرىمىز – ءبارىمىز ءۇشىن.

- جارايسىڭدار بالالار، ولاي بولسا جارىسىمىزدى باستاماس بۇرىن دەنەمىزدى قىزدىرايىق، سەندەردى ورتاعا دەنە قىزدىرۋ جاتتىعۋىنا شاقىرامىن.

- قۇرمەتتى سايىسكەرلەر! سىزدەرگە ءسات ساپار! سايىسىمىزدى باستايمىز.

ءى. كەزەڭ. «قوس اياقپەن سەكىرۋ»
شارتى: قوس اياقپەن بەرىلگەن بەس شەڭبەر ىشىنە سەكىرىپ، بەلگىلەنگەن كونۋستى اينالىپ، كەرى قاراي تاپ سولاي تاپسىرمانى ورىنداۋ. ەستافەتانى كەلەسى ويىنشىعا بەرۋ، ويىندى ءبىرىنشى بولىپ بىتىرگەن توپ جەڭىمپاز بولىپ ەسەپتەلىنەدى. باعالاۋ.

ءىى. كەزەڭ. «يرەلەڭدەپ ءجۇرۋ»
شارتى: سىزىلعان سىزىق بويىمەن يرەلەڭدەپ ءجۇرىپ بارىپ، بەلگىلەنگەن كونۋستى اينالىپ، كەرى قاراي تىك جۇگىرىپ قايتادى. ەستافەتانى كەلەسى ويىنشىعا بەرۋ، ويىندى ءبىرىنشى بولىپ بىتىرگەن توپ جەڭىمپاز بولىپ ەسەپتەلىنەدى. باعالاۋ.

ءىىى. كەزەڭ. «پينگۆين مەن ۇيرەكتەر سايىسى»
شارتى: بالالار قولدارىنا سۋ تولتىرىلعان ەكى شەلەكتى ۇستاپ، پينگۆين مەن ۇيرەكتىڭ ىزدەرىمەن ءجۇرىپ، پينگۆين نەمەسە ۇيرەكتىڭ سۋرەتىنىڭ ۇستىنە قوس اياقپەن سەكىرىپ، بەلگىلەنگەن كونۋستى اينالىپ، كەرى قاراي تىك جۇگىرىپ قايتادى. ەستافەتانى كەلەسى ويىنشىعا بەرۋ، ويىندى ءبىرىنشى بولىپ بىتىرگەن جانە شەلەكتەگى سۋ مولشەرى كوپ بولعان توپ جەڭىمپاز بولىپ ەسەپتەلىنەدى. باعالاۋ.

ءىۇ. كەزەڭ. «كىم جىلدام؟»
شارتى: بالالار وزدەرىنە بەرىلگەن گەومەتريالىق ءپىشىن، ياعني ءتورتبۇرىش پەن شەڭبەر ۇستىمەن ءجۇرىپ، بەلگىلەنگەن كونۋستى اينالىپ، كەرى قاراي تىك جۇگىرىپ قايتادى. ەستافەتانى كەلەسى ويىنشىعا بەرۋ، ويىندى ءبىرىنشى بولىپ بىتىرگەن توپ جەڭىمپاز بولىپ ەسەپتەلىنەدى. باعالاۋ.

ءۇ. كەزەڭ. «جاس سپورتشىلار»
شارتى: بالالار دوپتى جەرگە ۇرىپ جۇگىرىپ، بەلگىلەنگەن كونۋستى اينالىپ، كەرى قاراي دوبتى تەۋىپ تىك جۇگىرىپ قايتادى. ەستافەتانى كەلەسى ويىنشىعا بەرۋ، ويىندى ءبىرىنشى بولىپ بىتىرگەن توپ جەڭىمپاز بولىپ ەسەپتەلىنەدى. باعالاۋ.

كورسەتتى مىنە ءوز ونەرىن بالالار،
سايىستىڭ دا سوڭى كەلىپ تايانار.
جەڭىمپازدى انىقتايىق قانەكەي،
ءادىل - قازى سايىستى ءادىل باعالار،- دەپ، سايىسىمىزدىڭ شارتتارى بويىنشا قورىتىندى شىعارىپ جەڭىمپازداردى انىقتاپ، ماراپاتتاۋ ءۇشىن ءسوز ءادىل - قازى القالارىنا بەرىلەدى.

سپورت – كوركى ءومىردىڭ،
سپورت - دوسىڭ، سەرىگىڭ.
جاتتىقساڭ شىمىر بولارسىڭ،
شىنىعىپ، ءوسىپ، تولارسىڭ، - دەمەكشى سالاۋاتتى ءومىر سالتىن ۇستانىپ، سپورتتى سەرىك ەتەيىك دوستار!

الماتى قالاسى، «№60 بالا باقشاسى»
مايباسوۆا جانار يسپانيار قىزى

تولىق نۇسقاسىن جۇكتەۋ