InfoHub Logo

ول كوز جانارىن جاقسارتىپ، سالماقتان ارىلتادى جانە ادامعا كۇش بەرەدى. ءبىراق جاناما اسەرلەرى دە بولۋى مۇمكىن.  

ءبىز ءقازىر قاتتى دارىپتەلىپ جۇرگەن سۋپەرفۋد — گودجي جيدەگىن تالداپ شىعىپ، عىلىمي تۇرعىدان ونىڭ پايداسى مەن زيانى تۋرالى ءبارىن انىقتاپ قويدىق.

گودجي جيدەگىنىڭ پايداسى نەدە  

ەجەلگى قىتايدا بۇل قىزىل ءتۇستى جيدەك ءومىردى ۇزارتادى دەگەن پىكىردە بولعان. قازىرگى تاڭدا ينتەرنەتتە گودجي جيدەگىنىڭ سالماق تاستاۋدا پارمەنى كۇشتى دەگەن قاۋەسەت كوپ: كەي باعى جانعاندار ايىنا 23 كيلوگرامم سالماقتان قۇتىلعانى جايىندا ايتىپ ماقتانىپ ءجۇر.

بۇنداي اڭگىمەلەردە اقيقاتتىڭ ۇلەسى بار. ەندى گودجي جيدەگىن ءوز راسيونىڭىزعا قوسۋىڭىز كەرەك ەكەنىنە ۇندەيتىن عىلىمي تۇرعىدا راستالعان گودجيدىڭ سەگىز قاسيەتىن ءتىزىپ شىعايىق.    

1. كوز جانارىن ساقتايدى  

گودجي جيدەگىنىڭ قانىق قىزىل ءتۇستى بولاتىنى ءسابىزدىڭ دە ءتۇسىن قىزعىلت سارى ەتەتىن زاتتەك — كاروتينويدتەردىڭ ارقاسى. ونىڭ ىشىندە بەتا-كاروتينىڭ ارقاسى. ول ورگانيزمگە جايىلعان سوڭ ا دارۋمەنىنە اينالىپ كەتەدى. بۇل دارۋمەن كوز بولاتى ءۇشىن اسا ماڭىزدى. ەگەر ول جەتكىلىكتى مولشەردە بولماسا، ءبىزدىڭ كورۋ قابىلەتىمىزگە اسەر ەتەتىن كوزدەگى اسا سەزىمتال پيگمەنتتەر دۇرىس شىقپاي قالادى.

گودجي جيدەگىنىڭ [Goji Berries (Tibetan)] 1 ۋنسياسىنان (28 گ) ا دارۋمەنىنىڭ ءبىر كۇندىك نورماسىنىڭ 50% دەيىنگى مولشەرىن الۋعا بولادى

گودجي جيدەگىندە بەتا-كاروتيننەن بولەك انتيوكسيدانتتاردىڭ دا كوپ مولشەرى بار. بۇل زاتتەكتەر ەركىن راديكالدارمەن — جۇپتاسپاعان ەلەكتروندارى بولاتىن مولەكۋلالارمەن كۇرەسەدى. ول مولەكۋلالار دەنەدەگى باسقا دا مولەۋلالاردى زاقىمدايدى. مولەكۋلالىق دەڭدەيدە بولاتىن بۇنداي اقاۋلار اعزالار مەن ۇلپالاردىڭ، ونىڭ ىشىندە كوز ۇلپالارىنىڭ ۇدەمەلى تۇردە قارتايا باستاۋىنا اپارىپ سوعادى.    

گودجي جيدەگىن جەپ ءجۇرۋ انتيوكسيدانتتار دەڭگەيىن جوعارىلاتادى دا، وسى ارقىلى كوز جانارىنداعى ءومىر جاسقا بايلانىستى بۇزىلىس-اقاۋلاردىڭ دامىپ جەتىلۋىن باياۋلاتادى.  

تاعى ءبىر بونۋس بار: گودجي جيدەگى سۋقاراڭعى (گلاۋكوما) اۋرۋىنا — قاتەرلىگى بويىنشا الەمدەگى زاعيپ بولىپ قالۋ سەبەپتەرىنىڭ ىشىندە ەكىنشى ورىندا تۇرعان سوزىلمالى كوز اۋرۋىنا شالدىعۋ قايبىلىن ازايتادى.  

2. قارتايۋدى تەجەپ باياۋلاتادى  

گودجي جيدەگىنىڭ قۇرامىندا بار انتيوكسيدانتتار بۇكىل ورگانيزمدەگى ەركىن راديكالدارمەن كۇرەسۋ قۇرالى. وسىنىڭ ارقاسىندا ءومىرجاستىق وزگەرىستەر باسەڭدەيدى. بۇل اجىمگە (تەرىنىڭ يكەمدىلىگى مەن بىرتەگىستىگى ۇزاعىراق ساقتالادى) دە، باسقا دا اۋىر بۇزىلىس-اقاۋلارعا قاتىستى: جۇرەك-قان تامىر اۋرۋلارىنىڭ، مىيدىڭ ءومىرجاستىق ديسفۋنكسيالارىن جانە وبىردىڭ الۋان ءتۇرىنىڭ پايدا بولىپ، اسقىنۋ قايبىلىن تومەندەتەدى.

3. يممۋنيتەتتى نىعايتادى  

گودجي جيدەگىندە جوعارىدا ايتىپ وتكەن زاتتەك-انتيوكسيدانتتار مەن ا پرودارۋمەنىنەن باسقا س دارۋمەنى دە جەتكىلىكتى. بۇل نورما بويىنشا قاجەتتى 100 گراممنىڭ 10% جۋىعىن بەرەدى.

ا جانە س دارۋمەندەرىنىڭ دۇرىس يمممۋنيتەتتى ۇستاپ تۇرۋ ءۇشىن جانە سالقىن تيگىزۋدەن باستاپ ونكولوگيالىق دەرتتەر تاقىلەتتەس سان الۋان اۋرۋ تۇرلەرىنىڭ الدىن الۋ ءۇشىن ماڭىزى زور.   

4. وبىر اۋرۋلارىنا قارسى تۇرۋى مۇمكىن  

جيدەكتى ادامدارعا بەرۋ ارقىلى ءالى زەرتتەلىپ كورگەن جوق. ءبىراق گودجي جيدەگىنىڭ شىرىنى تاماقتاندىرۋ راسيونىنا قوسىلعان تىشقاندارعا ىستەلگەن زەرتتەۋلەر كەزىندە عالىمدار مىنانى انىقتادى: بۇلاي تاماقتاندىرۋ زياندى ىسىكتەردىڭ ءوسىمىن توقتاتىپ، وبىردان ەمدەۋ پارمەندىلىگىن ارتتىرا تۇسكەن.  

5. قانداعى قانت دەڭگەيىن قالىپقا تۇسىرەدى  

گودجي جيدەگىن پايدالانۋ 2ء-تيپتى قانت ديابەتىنە شالدىققان ناۋقاستارعا گليۋكوزانىڭ قانعا ءتۇسۋىن باقىلاۋدا ۇستاۋعا سەپتىگىن تيگىزەدى. سونىمەن قاتار عالىمدار قاندا «جاقسى» حولەستەريننىڭ دەڭگەيىنىڭ ارتۋىن جيدەكتى تۇتىنۋمەن بايلانىستىرادى.   

6. تورىعىپ، جان كۇيزەلگەن كەزدە جاعدايدى جاقسارتادى  

جان جاقتى زەرتتەۋلەر قازىرشە تەك تىشقاندارعا عانا جاسالدى. ءبىراق جاسالعان تاجىريبەلەر كوڭىل كونشىتەرلىك-اق. عالىمدار گودجي جيدەگىنىڭ شىرىنىن تۇتىنۋ مازاسىزدىقتى شەگەرىپ، جان تورىققاندا جاعدايدى جاقسارتاتىنىن جانە ۇيقىنى تىنىش قىلاتىنىن ناق دالەلدەپ شىقتى. 

7. كۇش-قۋاتىڭدى تاسىتادى  

گودجي جيدەگىنىڭ بۇل قاسيەتى ادامداردا سىنالىپ دالەلدەندى. ءبىر زەرتتەۋ بارىسىندا عالىمدار ەرىكتىلەرگە گودجي جيدەگىنىڭ 120 گرامم شىرىنىن كۇندەلىكتى بەرىپ وتىردى. سوسىن ولاردىڭ سەزىم-تۇيسىگىن باقىلاۋداعى توپپەن — پلاسەبو الاتىن الامدارمەن سالىستىرىپ وتىردى. ناتيجەسى كەرەمەت. تاجىريبەنىڭ ون بەسىنشى كۇنى-اق گودجي شىرىنىن ىشەتىن سىناققا الىنعان ادامدار:   

— ءوزىن كۇش-قايراتتى سەزىنەتىنىن؛ 

— جۇمىس كەزىندەگى تاپسىرمالارلى ورىنداۋدا مۇقياتتىراق بولا باستاعانىن؛  

— اقىل-ويى بۇرىنعىدان گورى زەرەك بولا باستاعانىن؛  

— سپورتتاعى ناتيجەلەرىنىڭ جاقسارا باستاعانىن؛   

— بۇرىنعىعا قاراعاندا بايسالدى، سابىرلى بولعانىن جانە ومىرگە كوڭىلى تولا باستاعانىن حابارلادى.

باقىلاۋداعى توپتا بۇنداي ەففەكت بايقالماعان.  

بۇندا مىنا ءبىر جايدى اتاپ وتكەن ابزال: اڭگىمە الدىن الا ناتيجەلەر جايىندا بولىپ وتىر. گودجي جيدەگىنىڭ ادام پسيحوفيزيكالىق جاي-كۇيىنە ەتەتىن ىقپالى بۇدان گورى اۋقىمدى زەرتتەۋلەر ارقىلى قايتا تەكسەرىلۋگە ءتيىس.   

8. سالماقتى باقىلاۋدا ۇستاۋعا سەپتىگى تيەدى  

باسقاسىن ايتپاعاندا، ءقىشقىل-تاتتى گودجي جيدەگى جاسۇنىققا (كلەچاتكا) باي كەلەدى. اسقازانعا جەتكەن كەزدە ول ءىسىنىپ كەتەدى دە، ءتىپتى 2-3 تال جيدەكتى عانا جەسەڭىز دە، قارىن توقتىق سەزىمىنە بولەيدى. وسىلايشا گودجي جيدەگى قارىن اشۋ سەزىمىن جۇمسارتىپ، ارتىق تاماق جەپ جىبەرۋدەن ساقتانۋعا سەپ بولادى. بۇل بولسا سالماقتى باقىلاۋدا ۇستاۋداعى ماڭىزدى فاكتور.    

گودجي جيدەگى كىمگە زالال كەلتىرۋى مۇمكىن   

دەنساۋلىق ءۇشىن پايدالى ەكەنى ايدان انىق بولعانىنا قاراماستان، گودجي جيدەگى ەش باقىلاۋسىز تۇتىنا بەرەتىن تاعام ەمەس. ونىڭ قۇرامىندا، مىسالى، ىشكەن دارى-دارمەكپەن ءوزارا ارەكەتتەسۋى مۇمكىن بەلسەندى زاتتار بار.  

وسى سەبەپتى، بۇل عاجايىپ جيدەكتى تاتىپ كورگىڭىز كەلسە، بۇل جونىندە تەراپيەۆتىڭىزبەن كەڭەسىپ الىڭىز. ەگەر ءسىز:   

— گيپوگليكەمياعا — قان قۇرامىنداعى قانت دەڭگەيىنىڭ تومەندەپ كەتۋىنە شالدىقساڭىز؛ 

— قاندى سۇيىلتاتىن دارى-دارمەك ءىشىپ جۇرسەڭىز؛  

— قان قىسىمىڭىز جوعارى نەمەسە تومەن بولىپ قينالىپ جۇرسەڭىز؛

— جەمىس-جيدەككە نەمەسە كوكونىسكە اللەرگياڭىز بولسا، مىندەتتى تۇردە كەڭەسىڭىز.

بولەك اتاپ وتەتىن جايت بار: گودجي جيدەگىندە A پرودارۋمەنى كوپ. ارتىق مولشەردە ءىشىپ قويماۋ ءۇشىن جيدەكتى باسقا دارۋمەن قوسپالارىمەن بىرگە پايدالانۋعا بولمايدى. بۇنى دا ءسىزدىڭ دارىگەرىڭىز قاداعالاپ وتىرۋعا ءتيىس.

گودجي جيدەگىن قالاي جانە نەشەۋىن جەۋ كەرەك  

بىزدە گودجي جيدەگى، كوبىنەسە، كەپتىرىلگەن كۇيىندە ساتىلادى. ونى سول كۇيىندە جەي بەرۋگە بولادى. ورگانيزمدى وعان پايدالى زاتتەكتەرگە كەنەلتۋ ءۇشىن كۇنىنە 1 ۇلكەن قاسىق جيدەكتى جەپ تۇرساڭىز جەتىپ جاتىر.    

ال مىناۋ گودجي جيدەگىن كۇندەلىكتى راسيونعا قوسىپ وتىرۋدىڭ كوپ تاراعان تۇرلەرى:  

— قايناعان شايعا قوسىڭىز (سودان سوڭ، البەتتە، جەپ قويىڭىز)؛

— يوگۋرتپەن ارالاستىرىپ جەڭىز؛  

— جەمىس جانە كوكونىس تۇرلەرىنەن جاسالاتىن سالاتتارعا سالىڭىز؛  

— تاڭعى اسقا ارنالعان جارما قاۋىز تاعامدارعا قوسىڭىز.  

ەنەرگەتيكالىق اسەرىن ەسكەرسەك، گودجي جيدەگىن تۇسكە دەيىن جەگەن ابزال.

وقۋعا كەڭەس بەرەمىز:

گودجي جيدەگى

قاتەرلى ىسىكتىڭ الدىن الۋشى — ءجۇزىم

ءسابىز شىرىنىنىڭ 10 پايداسى

جاڭعاقتىڭ اسقازانعا پايداسى

كەرەمەت اسەرى بار تابيعي "ەنەرگەتيكتەر"

ۇيلەسىمدى جانە ءتيىمدى تاماقتانۋ

---