InfoHub Logo

ساپالى بىلىمگە قول جەتكىزۋ دەڭگەيى ولشەنگەننەن كەيىن ماڭعىستاۋ وبلىسى ەڭ ناشار ناتيجە كورسەتتى

ماڭعىستاۋ وبلىسى ساپالى ورتا بىلىمگە قول جەتكىزۋ تەڭسىزدىگى يندەكسى بويىنشا رەيتينگىدە سوڭعى ورىندا. ناقتىراق ايتقاندا، ول ءبىلىم بەرۋ كادرلارى ساپاسىن باعالاۋ كريتەريى بويىنشا رەسپۋبليكاداعى ەڭ تومەنگى كورسەتكىشتەردىڭ ءبىرىن كورسەتتى. ساپالى بىلىمگە قول جەتكىزۋ بويىنشا ەڭ قولايلى جاعداي پاۆلودار وبلىسىندا.

ساپالى بىلىمگە قول جەتكىزۋ تەڭسىزدىگى يندەكسىن (Index of Disparity in Access to Quality Secondary Education IDAQSE) ارنايى ورتالىق ازيا ەلدەرى ءۇشىن PaperLab قق باسشىلىعىمەن زەرتتەۋشىلەردىڭ ترانسشەكارا كومانداسى ازىرلەگەن. ونىڭ نەگىزىندە مەملەكەتتەر تىكەلەي اسەر ەتە الاتىن ءبىرقاتار رەسمي ولشەنەتىن كورسەتكىش بار. قازاقستانعا ارنالعان كورسەتكىشتەر ءۇش توپقا بولىنگەن، ولار: "وقىتۋ جاعدايى"، "ءبىلىم بەرۋ اكتورلارى"، "اكت-عا قول جەتكىزۋ".

«وقىتۋ جاعدايى» كريتەريىنە ءۇش كورسەتكىش كىرەدى: ءۇش اۋىسىمدا ءبىلىم بەرەتىن مەكتەپتەر ۇلەسى؛ اپاتتى جاعدايداعى مەكتەپتەر ۇلەسى؛ دارەتحاناسى سىرتتا ورنالاسقان مەكتەپتەر ۇلەسى. تىزىمدەگى كورسەتكىشتەر بويىنشا ەڭ ناشار جاعداي الماتى وبلىسىندا. ال پاۆلودار وبلىسىندا، كەرسىنشە ساپالى ءبىلىم الۋ ءۇشىن ەڭ جاقسى جاعداي جاسالعان.

«ءبىلىم بەرۋ اكتورلارى» كريتەريىنە ءتورت كورسەتكىش كىرەدى: جوعارى ءبىلىمى بار مۇعالىمدەر ۇلەسى؛ جوعارى ءبىلىمى ءبىر مۇعالىمگە شاققانداعى وقۋشىلار سانى؛ ءمۇعالىمنىڭ ورتاشا جالاقىسىنىڭ ايماقتاعى ورتاشا جالاقىعا قاتىناسى؛ وقۋىن جالعاستىرعان 11-كلاسس تۇلەكتەرى ۇلەسى. بۇل كورسەتكىش توبىنداعى باستى اۋتسايدەر استانا، كوشباسشى تۇركىستان وبلىسى بولدى.

"اكت-عا قول جەتكىزۋ" كريتەريى ءتورت كورسەتكىشتەن تۇرادى: ينتەرنەتكە كىرە الاتىن مەكتەپتەر ۇلەسى؛ ءبىر مەكتەپ كومپيۋتەرىنە كەلەتىن وقۋشىلار سانى؛ ينتەرنەت قىزمەتى باعاسى مەن ايماقتاعى ورتاشا جالاقىنىڭ اراقاتىناسى؛ ەڭ ارزان نوۋتبۋكتىڭ ايماقتاعى ورتاشا جالاقىعا قاتىناسى. اكت-عا قول جەتكىزۋدىڭ ەڭ جوعارى كورسەتكىشىن اتىراۋ وبلىسى كورسەتتى، ال ەڭ ازىن شىمكەنت كورسەتتى.

كورسەتكىش سوروس-قازاقستان قورى قولداۋىمەن جۇزەگە اسىرىلىپ جاتقان «ورتالىق ازيا ەلدەرىندەگى ءبىلىم بەرۋ تەڭسىزدىگىنىڭ جاڭا قىرلارى: پروبلەمانى ولشەۋدەن ساياساتتىڭ وزگەرۋىنە دەيىن» جوباسى اياسىندا جاسالعان. زەرتتەۋ جۇمىسى مازمۇنى اۆتورلار كوزقاراسىن كورسەتەدى جانە قور كوزقاراسىمەن سايكەس كەلۋى مىندەتتى ەمەس. جوبانىڭ مەديا سەرىكتەسى - MediaNet حالىقارالىق جۋرناليستيكا ورتالىعى.

قوسىمشا

 

ايماقتار	ءبىلىم بەرۋ جاعدايى	ءبىلىم بەرۋ اكتورلارى	اكت-عا قول جەتكىزۋ	ءۇش كريتەريي قورىتىندىسى
اقمولا وبلىسى	94،7	69،7	89،3	84،6
اقتوبە وبلىسى	80،5	63،9	90،3	78،2
الماتى وبلىسى	71،1	73،9	88،0	77،7
الماتى	98،8	42،5	85،5	75،6
اتىراۋ وبلىسى	77،5	50،1	96،4	74،7
شقو	85،0	65،4	91،4	80،6
بقو	73،3	57،8	90،4	73،8
جامبىل وبلىسى	76،8	78،1	87،8	80،9
قاراعاندى وبلىسى	88،6	57،0	91،9	79،2
قوستاناي وبلىسى	95،4	68،3	89،7	84،4
قىزىلوردا وبلىسى	81،7	79،3	88،5	83،1
ماڭعىستاۋ وبلىسى	72،6	41،9	91،8	68،8
نۇر-سۇلتان	86،5	37،0	85،7	69،8
پاۆلودار وبلىسى	99،8	71،3	92،3	87،8
سقو	94،0	75،2	90،3	86،5
تۇركىستان وبلىسى	75،9	82،8	85،2	81،3
شىمكەنت	73،0	69،6	76،7	73،1
قازاقستان	83،6	62،5	91،3	79،1

بارلىق پوزيسيا بويىنشا ەڭ جوعارى ۇپاي – 100 ۇپاي

---