كىتاپ نەگە وقىلمايدى؟
نادانمەن قاس بولعانشا، كىتاپپەن دوس بول
باۋست
قازىرگى تاڭدا كەڭەس ەلى كەزىندەگىدەي ەمەس كىتاپ وقيتىن ادام سانى از. سوندىقتان دا مورالدىق جاعىنان ول قوعام الدە قايدا جوعارى بولعان شىعار. دەگەنمەن ول كەزدە تەك وقۋعا بولاتىن، قاتال سەنزۋرادان وتكەن كىتاپتاردى عانا وقۋعا بولدى. سول سەبەپتى ادامدار ساناسى وي ەركىندىگىنە جەتە المادى. ياعني كوپ وقيتىن ەل بولعانىمەن تاڭداۋ قۇقىعىنىڭ شەكتەۋلىلىگىنەن وكىنىشكە وراي ادامدار كىتاپ وقۋدان پايدانى الا المادى.
ال ءقازىر.... كىتاپتىڭ نەبىر ءتۇرى بار: قازاقشا، ورىسشا، اعىلشىنشا. كىتاپ سورەلەرى تولىپ تۇر. ءبىراق كىتاپتاردىڭ سىرتقى مۇقاباسىنىڭ جىلتىرلىعى مەن اتىنا كوپ ءمان بەرىلەتىندەي. تۇك ءمان-ماعىناسى جوق، سىرتى ءبۇتىن، ءىشى ءتۇتىن «گلامۋر» جىلتىراۋىق جۋرنالداردان ەندى كىتاپتارعا دا كوشكەن بە؟ ەڭ ماڭىزدىسى كىتاپتىڭ ىشكى مازمۇنى ەمەس پە؟!
كىتاپ وقيتىن جاستار جوق ەمەس،ءبىراق ولار ىشكى مازمۇنى ەمەس سىرتقى جىلتىراۋىعىنا قاراپ وقيما دەيمىن.
جاقسى كىتاپ وقۋ — اقىلدى اداممەن سىرلاسقانمەن بىردەي.
ل.ن. تولستوي
"كىتاپ دەگەنىمىز – قوعام. جاقسى كىتاپ جاقسى قوعام ءتارىزدى سەزىم مەن ساناڭدى نۇرلاندىرادى، كوركەيتەدى. سەن قاي كىتاپتاردى وقىعانىڭدى ايتشى، مەن سەنىڭ كىم ەكەنىڭدى ايتىپ بەرەيىن" دەگەن ەكەن ن. ي. پيروگوۆ. ءيا، ادامنىڭ قانداي ەكەنىن وقىعان كىتاپتارى ارقىلى دا ايتىپ بەرۋگە بولادى. ويتكەنى، سەنىڭ وقىعان كىتابىڭ - سەنىڭ ويىڭ...
كىتاپ تەك دوسىڭ عانا ەمەس، ۇستازىڭ …اقىلشىڭ.
قازىرگى كەزدە توم-توم كىتاپ قۇشاقتاپ، كىتاپحاناعا ءجيى باراتىن ادامداردى سيرەك كەزدەستىرەتىن بولدىق. مەرەكەلەردە ادامدار بىر-بىرىنە كىتاپ سىيلامايدى. سونىڭ سالدارىنان جاستار ەركىن ويلاۋعا، اۋىزەكى تىلدە كوركەم سويلەۋگە قابىلەتسىزدىك تانىتا باستاعانداي. وكىنىشكە قاراي، كىتاپقا دەگەن ادامداردىڭ ءوز بەتىمەن قىزىعۋشىلىعى ازايىپ بارادى. ونىڭ سەبەبى عالامتور، كومپيۋتەر سەكىلدى قۇرالداردىڭ اسەرى دەپ بىلەمىز. قازىرگى جاستار كىتاپ وقۋدىڭ ورنىنا تەلەديدارعا ۇيىرسەك.
قازىرگى تاڭداعى عالامتور، كومپيۋتەر،تەلەديدارلار كىتاپ وقۋعا ۇلكەن كەدەرگى كەلتىرەدى
قازاقتىڭ باي ءتىلى – بار قازىناسى كوركەم ادەبيەتىندە. ءار ۇلتتىڭ ادەبيەتى مەن ءتىلى ەڭ الدىمەن سول ۇلتتىڭ وزىنە كەرەك. قازىرگى ءبىزدىڭ قوعامىمىزدىڭ الدىندا جاس ۇرپاعىمىزدى كىتاپقا، ناقتىراق ايتساق قازاق تىلىندە جازىلعان كىتاپقا باۋلۋ دەگەن مىندەتىمىز بار. وسىنى ەستەن شىعارماعانىمىز ابزال.
امانگۇل زياقاجى قىزى
You Might Also Like
-
مەملەكەتتىك جانە ۇلتتىق جوعارى وقۋ ورىندارىن مەملەكەت 100 پايىز قاتىساتىن كوممەرسيالىق ەمەس اكسيونەرلىك ۇيىمعا وزگەرتۋ ماسەلەسى قارالىپ وتىر. بۇل تۋرالى پارلامەنت ءماجىلىسىنىڭ جالپى وتىرىسىندا ق ر ءبى...
-
قىتايداعى قايعىلى ءارى ايگىلى تورعايلاردى جويۋ ناۋقانىنان بەرى جارتى عاسىردان اسا ۋاقىت ءوتتى. بۇل ناۋقان الەمدەگى كوپتەگەن ەلدەردىڭ ەكولوگيا وقۋلىقتارىنا ءقارادۇرسىن ءارى عىلىمي نەگىزدەلمەگەن قاد...
